Yeganə oğlu erməni ailəsi ilə birlikdə Ermənistana aparılan ananın — DƏHŞƏTLİ FACİƏSİ - VİDEO

Yeganə oğlu erməni ailəsi ilə birlikdə Ermənistana aparılan ananın
18:22
10.12.2019
69905
Ölkə
A
"Əgər mən sizə desəm ki, Ermənistana aparılan oğlunuz Qarabağda bizə qarşı döyüşüb, yenə də onu qəbul edəcəksiz?"

"Ölkə.Az" baku.ws-ə istinadən xəbər verir ki, Xoşqədəm Hidayətqızı bu sualı oğlu erməni ailəsinə övladlığa verilən Qəndab xanıma ünvanlayıb.

51 il əvvəl il dünyaya gətirdiyi oğlu əlindən alınaraq Gəncədəki uşaq evinə atılan və erməni ailəsi tərəfindən övladlığa götürülərək Ermənistana aparılan 65 yaşlı azərbaycanlı qadın bu suala "Bəli" cavabını verib.

Onun bu cavabı studiyada əyləşən ekspertlərin bir qismini özündən çıxarıb. Hətta verilişi tərk etmək istəyənlər də olub. Bu müzakirələrin ardınca ana oğlunun monitorda nümayiş olunan fotosuna yaxınlaşaraq "bala" deyərək nalə çəkib. Onun "sənə "bala" dediyim üçün hər kəsdən üzr istəyirəm" deməsi ürəkləri dağladıb. 

X.Hidayətqızı "Oğlunu buraya gətirəcəm" deyərək ananı sakitləşdirir. Bəli, Ermənistanda yaşamış, erməni ailəsinin tərbiyə etdiyi Eldəniz (Armen) Bakıya gətirilib. Onun Xəzər TV-nin efirinə çıxacağı gözlənilir. Armen bioloji anasına "Səni axtarıram"da qovuşacaq. 

 Armen olmuş Eldəniz Azərbaycana gətirilib

Gəncədə yaşayan 1954-cü il təvəllüdlü Qəndab Əhmədova Cəmil qızı doğulduqdan 3 ay sonra Körpələr Evinə atılan oğlunu axtararkən bu acı həqiqətlə üz-üzə qalıb. Xoşqədəm Hidayətqızı "Səni axtarıram" proqramına üz tutan 65 yaşlı Qəndab xanıma olduqca ağır xəbər verir. Onun 51 il əvvəl - 1968-ci ildə dünyaya gətirdiyi oğlu erməni ailəsinə övladlığa verilib və yeni ailəsilə birlikdə Ermənistana köçüb.

Eldəniz 1972-ci ildə 4 yaşı olarkən erməni ailəsinə övladlığa verilir. Erməni ailə Eldənizi Körpələr Evindən götürdükdən sonra adını dəyişib. O artıq Eldəniz deyil. 1982-ci ildə ailə ona erməni övladı olmadığını bildirir və gecə ilə Azərbaycanı tərk edərək Ermənistana daşınır.

Armen Ermənistanda böyüyüb, kollec bitirib və orada həqiqi hərbi xidmətdə olub. Ailə Armenin əslində azərbaycanlı olduğunu hər kəsdən gizli saxlayır. Armenin erməni anası ölən günü qardaşı Robertə bu sirri açır. Ana ölümündən qabaq Armenin azərbaycanlı olduğunu bildirir və Robertə tapşırır ki, onu Ermənistandan çıxarsın.

Oğlundan xəbərsiz olan Qəndab xanım bir müddətdən sonra ailə qurur. Lakin bir daha ana ola bilmir. Həyat yoldaşının razılığı ilə övladlığa uşaq götürürlər. Buna baxmayaraq öz doğma oğlunu axtarır. Bu axtarış illərlə davam etsə də heç bir nəticə vermir. Hacıxanım Qəndab sonda oğlunun axtarışını "Səni axtarıram" proqramına həvalə edir və acı həqiqət üzə çıxır.

Qəndab xanım 14 yaşı olarkən qohumu tərəfindən evlənmək məqsədilə zorla qaçırılıb. Nikah yaşına çatmayan qızla cinsi əlaqəyə girdiyinə görə onu qaçıran şəxs həbs olunur və 8 il azadlıqdan məhrum edilir. Qəndab ata evinə qaytarılır. Lakin sonra onun hamilə olduğu məlum olur. Beləliklə, 1 yanvar 1968-ci ildə qaçırılan Qəndab 13 oktyabr 1968-ci tarixində oğlu Eldənizi dünyaya gətirir. Uşağa ananın soyadı verilir. Əhmədova Qəndab xanımın qızlıq soyadı Məmmədovdur. Beləliklə, doğulan körpənin doğum şəhadətnaməsində Eldəniz Məmmədov Famil oğlu yazılır. Qəndabın ailəsi bu uşağı qəbul etmir və atılır. Faciə də bundan sonra başlayır...

ŞƏRH YAZ
1

Seçicilərlə görüşdə deputatlığa namizəd Çingiz Qənizadəni biabır etdilər — VİDEO

Seçicilərlə görüşdə deputatlığa namizəd Çingiz Qənizadəni biabır etdilər
21:29
18.01.2020
4483
Ölkə
A
80 saylı İmişli-Beyləqan seçki dairəsindən deputatlığa namizədliyini irəli sürmüş Çingiz Qənizadə seçiciləri ilə görüşdə onların etirazı ilə üzləşib.

"Ölkə.Az" oxu.az-a istinadən xəbər verir ki, namizəd insanların qarşısında çıxış edərkən sakinlərdən bəziləri onun sözünü kəsərək sərt şəkildə etiraz ediblər.  

Yaşadıqları rayondakı problemləri qabardan seçicilər Qənizadənin sərt və kobud reaksiyası ilə üzləşiblər.  

Millət vəkilliyinə namizəd öz seçicisi ilə “söz güləşdirərək” fikrini müdafiə etməyə çalışsa da, Qarabağ müharibəsi veteranı olan seçicinin qətiyyəti sayəsində susmağa məcbur olub. 

Sözügedən kadrları təqdim edirik. 

ŞƏRH YAZ
0

Kirayə mənzil mexanizminə müraciətlərin qəbul tarixi açıqlandı — Əhaliyə ŞAD XƏBƏR

Kirayə mənzil mexanizminə müraciətlərin qəbul tarixi açıqlandı
20:40
18.01.2020
3288
Ölkə
A
Azərbaycan Respublikası Prezidentinin “Yaşayış sahələrini satmaq öhdəliyi ilə kirayəyə vermə mexanizminin yaradılması haqqında” 2019-cu il 25 yanvar tarixli 488 nömrəli Fərmanı ilə Azərbaycan Respublikasının İpoteka və Kredit Zəmanət Fonduna (Fond) həvalə olunmuş vəzifələrin icrası istiqamətində hazırlıq işləri yekunlaşdırılıb.

"Ölkə.Az" xbər verir ki, bununla bağlı Fonddan məlumat verilib.

Bildirilib ki, mexanizmin fəaliyyətini təmin etmək üçün zəruri prosedurlar və daxili qaydalar hazırlanıb, kirayəçilərə və yaşayış sahələrinə dair tələblər müəyyən edilib, mexanizmlə bağlı iş prosesləri tam avtomatlaşdırılıb və kirayə mənzil fondu formalaşdırılıb. 

Bununla əlaqədar, Fond vətəndaşların nəzərinə çatdırır ki, mexanizm çərçivəsində elektron müraciətlərin qəbuluna 22 yanvar 2020-ci il tarixində başlanılacaq.

Müraciətlər “Elektron Hökumət Portalı” (www.e-gov.az) üzərindən Fondun “Elektron ipoteka və kredit zəmanət sistemi” (EİKZS) vasitəsi ilə gücləndirilmiş elektron imzadan (Elektron imza və ya ASAN imza) istifadə etməklə həyata keçiriləcək. 

Elektron İmzanı Nəqliyyat, Rabitə və Yüksək Texnologiyalar Nazirliyinin tabeliyində olan Məlumat Hesablama Mərkəzindən və ya Mərkəzi Poçtdan, ASAN İmzanı isə “ASAN Xidmət” mərkəzlərindən əldə etmək olar. Qeyd edək ki, şəffaflığın və operativliyin təmin edilməsi məqsədilə vətəndaşlara 2 saylı Bakı “ASAN Kommunal” və Sumqayıt “ASAN Xidmət” mərkəzləri vasitəsilə xidmət göstəriləcək.

Kirayəçilərə dair tələblər, müraciətlərin qəbulu, onlara baxılması, yaşayış sahələrinin seçilməsi və rəsmiləşdirilməsi barədə ətraflı məlumatı Fondun internet səhifəsindən (www.mcgf.az), habelə “1549” Çağrı Mərkəzinə zəng etməklə, həmçinin EİKZS-dən istifadə ilə bağlı məlumatı EİKZS-də yerləşdirilmiş yazılı və ya video-təlimatla tanış olmaqla əldə etmək mümkündür.

Eyni zamanda, vətəndaşlar  Fond tərəfindən ilkin mərhələdə satmaq öhdəliyi ilə kirayəyə verilməsi nəzərdə tutulan yaşayış sahələrinin yerləşdiyi ərazi, sayı, sahəsi və digər məlumatlarla bu keçid vasitəsilə tanış ola bilərlər.

ŞƏRH YAZ
0
BAĞLA