Yeməkdən dərhal sonra çay içirsinizsə, bu xəstəliklərə yoluxa bilərsiniz

Yeməkdən dərhal sonra çay içirsinizsə, bu xəstəliklərə yoluxa bilərsiniz
20:59
14.04.2018
16684
Maraqlı
A
Yeməkdən dərhal sonra çay içmək insanlar tərəfindən vərdiş halını alıb. Lakin bu vərdiş dəmiri bədəndən xaric edir, bu da öz növbəsində sürətlə kökəlməyə səbəb olur.

"Ölkə.Az" Medicina.az-a istinadən xəbər verir ki, bu barədə türkiyəli mütəxəssis Sinan Akkurt danışıb. O bildirib ki, dəmir əksikliyi kökəlməyin başlıca səbəblərindəndir.

Onun sözlərinə görə, səbəbsiz yorğunluq, halsızlq, əsəbilik, ürəkdə döyüntü, baş ağrısı, bulantı, əl və ayaqların soyuq olmasının səbəbi də məhz dəmir əksikliyi ola bilər. Çünki dəmirin olmaması vücudda qansızlıq yaradır:

"Bunu qan analizi ilə öyrənmək olar. Hemoqlabinin normadan aşağı olması qanın azlığından xəbər verir ki, buna da əksər zaman dəmir əksikliyi səbəb olur. Qeyd etməliyəm ki, bundan əziyyət çəkən şəxslər asanlıqla arıqlaya bilmirlər. Çünki dəmir əksikliyi hormonal pozuntulara da gətirib çıxarır. Bu da arıqlamaq əvəzinə artıq çəki qazandırır”.

Mütəxəssis dəmir əksikliyindən əziyyət çəkən və arıqlamaq istəyən insanların saxladıqları pəhrizin faydasız olduğunu qeyd edib:

"Belə şəxslər idman etməklə, ac qalmaqla arıqlaya bilməzlər. 

Dəmir əksikliyi bununla yanaşı yaddaş zəifliyinə, diqqət əksikliyi, inkişaf geriləməsinə də yol açır”.

Ölkə.Az

ŞƏRH YAZ
0

Nevada səhrasında müəmmalı ağ piramida — Yadplanetlilərin sirli bazası (FOTOLAR)

Nevada səhrasında müəmmalı ağ piramida
19:02
Bu gün
116
Maraqlı
A
“Google Earth” də “40°20'41"N 117°20'48"W” koordinatlarını daxil etsək, Nevada ştatındakı səhrada müəmmalı binanı göstərəcək.

“Ölkə.Az” xəbər verir ki, bu bina səhranın tam ortasında yerləşir. Əgər kameranı binadan bir az kənara fırlatsaq və uzaqlaşdırsaq, uzunluğu bir kilometrdən çox olan ağ üçbucaq görəcəyik. Bu struktur sünidir və onun sərhədləri dəqiq çəkilib. Bununla yanaşı, onun nəydən ibarət olduğu məlum deyil. Elə bil ki, yuxarıdan nəhəng nəsə buraxıblar və bu nəhəng aparat güclü isti ilə daş və qumu ağardıb.

Üçbucağın yanındakı tikililər nə fermaya, nə də heyvan axuruna bənzəyir. Sonuncu dəfə fotolar 2014-cü ilin may ayında lentə alınıb. Amma ağ üçbucaq bu ərazidə 1994-cü ildən mövcuddur. 1994-cü ildə isə ətrafda heç bir bina yoxdur!

Müəmmalı üçbucağı yerli sakin üzə çıxarıb. O, məşhur 51-ci Zonanı tapmaq istədiyi zaman bu tapıntı ilə üzləşib.  Batl Mauntin sakini Nevada ştatındakı 51-ci zonanı və UNO qəzasının izlərini araşdırırmış. O, bu barədə MUFON saytına məlumat verib.

Ufoloqların fikrinə əsasən, bu ərazidə uzun illər əvvəl UNO və ya məxfi hərbi təyyarə qəzaya düşüb. Bu səbəbdən də qəzanı və nəticələrini öyrənmək üçün tədqiqat işləri aparılıb.

Hikmət Həsənov
Ölkə.Az

ŞƏRH YAZ
0

Həkimlərdən xəbərdarlıq: “Pirsinq çox təhlükəlidir, risk etməyin”

Həkimlərdən xəbərdarlıq: “Pirsinq çox təhlükəlidir, risk etməyin”
14:10
Bu gün
1902
Maraqlı
A
Bir çox hallarda pirsinq infeksiya, allergiya və zədələrə səbəb olur.

“Ölkə.Az” xəbər verir ki, bir sıra dünya həkimləri  pirsinqin təhlükəli olduğunu qeyd edirlər. Çünki bəzən pirsinq güclü qanaxma, herpes, iltihaba səbəb olur.
Dərini gözəllik üçün deşmək min illərdir təcrübə edilir. Misir fironları, romalı legionerlər, orta əsr dənizçiləri, mayalılar, kral ailəsinin üzvləri də bunu ediblər. Sivil dünyada isə pirsinq üçün sadəcə qulağı deşir və sırğa asırdılar. 1980-ci illərdə ABŞ-ın marjinal cəmiyyətlərində bədənin digər üzvlərinə də pirsinq taxmaq populyarlıq qazandı. Son on ildə isə bu dəb bütün dünyada yayılmağa başladı. 

Pirsinqi əsasən gözəllik salonlarında edirlər və bir çox hallarda bu salonlar tibbə aidiyyatı olmayan salonlardır. Əgər gigiyena və aseptik qaydalara rayət edilsə, adi üsuldur. Amma tez-tez fəsadlar barədə xəbərlər yayılır. Bir qayda olaraq deşilən yerin iltihabı ilə həkimə müraciət edilir.
Rusiyalı professor, tibb elmləri üzrə doktor İrina Korsunskaya məsələ ilə bağlı deyib:

“Bu, adi bakteriya infeksiyasıdır. Salonlarda steril edilməmiş alətlərlə işləyəndə üzə çıxır. Bunu müalicə etmək olur və xüsusi problem yaranmır. Amma bəzək əşyasının hansı metaldan hazırlandığını bilməyəndə ciddi fəsadlar yaranır. Pirsinq etmədən əvvəl allergiyaya səbəb olub-olmayacağını öyrənmək lazımdır. Bəzən metal əşyaların bədənə yeridilməsi toksik reaksiyaya səbəb olur və dəridə dəyişikliklər üzə çıxır.

Bir çoxları düşünür ki, qızıl və gümüş infeksiyaya qarşı qoruyur. Amma mütəxəssislər bunun belə olmadığını deyir. Bahalı metaldan olan bəzək əşyalarını dezinfeksiya etmək lazımdır. Əgər bu metalları dezinfeksiya etməsək, zağlanır. İnsanlar düşünürlər ki, pirsinqi gümüşdəndir. Amma adi metaldır və reaksiya başlayır, zərərli maddələr orqanizmə düşür”.

Dodaq, dil pirsinqi bəzən bir və ya bir neçə dişin itirilməsinə, damaq iltihabına səbəb olur. Stomatoloqlar bunu çoxdan bəyan ediblər. Müntəzəm olaraq metal bəzək gəzdirmək dişi və damağı qıcıqlandırır.

Həkimlər dilin deşilməsinin əleyhinədirlər. Çünki bu, angina və nəfəsalma probleminə səbəb ola bilər. Bundan başqa güclü qanaxma da baş verə bilər.
Alimlər bildirirlər ki, pirsinq eyni zamanda B, C hepatit və hətta QİÇS viruslarının yayılmasına səbəb ola bilər. Bu, əsasən də cinsiyyət orqanlarına taxılan pirsinqlərdə baş verə bilər.

Hikmət Həsənov
Ölkə.Az

ŞƏRH YAZ
0
BAĞLA