Yəmən Səudiyyə Ərəbistanına 4 ballistik raket atdı
Yəmən ərazisindən Səudiyyə Ərəbistanına 4 ballistik raket atılıb.
"Ölkə.Az" xəbər verir ki, raketlər hava hücumundan müdafiə sistemi tərəfindən məhv edilib.
Hadisə ilə bağlı Səudiyyə Ərəbistanının liderlik etdiyi koalisiya qüvvələri açıqlama verib. Açıqlamada deyilir ki, xusilər səhər saatlarında Səudiyyə Ərəbistanının Ebha və Hamis Muşit şəhərlərinə 4 ballistik raket atıblar.
Raketlər hava hücumundan müdafiə sistemi tərəfindən havada məhv edilib. Raketlərin havalandığı ərazi də hədəfə alınıb.
Açıqlamada həm də xusilərin qaçaq yollarla Yəmən ərazisinə silah gətirdikləri də qeyd edilib. Qaçaq yollar üçün əsasən Hudeyde limanından istifadə edilir.
Hikmət
Ölkə.Az