Yəməndə dəhşətli virus
“Ölkə.Az” xəbər verir ki, ölkədə vəba və qarın yatalağından bir ay ərzində 500-dən çox adam ölüb. Bu barədə Ümumdünya Səhiyyə Təşkilatının mətbuat katibi Tarik Yazareviç məlumat verib. Onun sözlərinə görə, ölənlərin sayı durmadan artır.
“Aprel ayının 27-dən mayın 28-nə qədər 55202 nəfərdə vəba və qarın yatalağı virusları aşkar edilib. Onlardan 500-dən çoxu ölüb”, - deyə Tarik Yazareviç bildirib.
Tarik Yazareviç deyir ki, ötən ilin oktyabr ayından başlayaraq, xəstələr arasında ölüm halları azı 4 dəfə çoxalıb. Onun sözlərinə görə, Ümumdünya Səhiyyə Təşkilatı tərəfindən Yəmənə 67 tondan çox dərman və iynələr göndərilib.
“Bu dərmanların 2015-ci ildən bəri Yəməndə başlayan virusun qarşısını almaqda böyük köməyi olub. Lakin xəstəliyi tam məhv etmək mümkün deyil. Biz bunun qarşısında çox acizik”, - deyə qurum rəsmisi vurğulayıb.
Ziya Səccad
Ölkə.Az
