Yəməndə \"Əl-Qaidə\" terrorçuları məhv edildi

"Ölkə.Az" xəbər verir ki, əməliyyat zamanı Amerika təyyarələri terrorçuların olduğu avtomobil vurulub. Nəticədə 5 terrorçu məhv edilib. Zərbələr Abyan əyalətində terrorçuların olduğu avtomobilə endirilib. Ölənlərin qruplaşma daxilində hansı vəzifədə olduqları haqda məlumat verilmir.

Qeyd edək ki, əməliyyat ABŞ-ın pilotsuz təyyarələri vasitəsilə keçirilib. Son illərdə qruplaşmanın mövqelərinə müntəzəm olaraq belə zərbələr vurulur. "Əl-Qaidə" terror təşkilatı da öz növbəsində Yəməndə mütəmadi olaraq terror aktları törədir. Bu il Yəməndə mütəmadi olaraq terror aktları törədilir. Terrorçular ən çox insanların sıx məskunlaşdığı əraziləri və hərbçilərin olduğu məntəqələri hədəfə alırlar. Belə terror aktlarından biri də martın 28-də törədilib. Laxc şəhərində bomba yüklü avtomobil insanların küt olduğu inzibatı binalardan birinin yaxınlığında partladılıb. Avtomobili idarə edən “canlı bomba” maşını insanların içinə sürmək istəyib. Lakin polis buna imkan verməyib. Nəticədə avtomobil kənarda partladılıb. Partlayış nəticəsində 11 nəfər ölüb, 20-yə yaxın adam yaralanıb. Hadisədən sonra, partlayışa görə məsuliyyəti  “Əl-Qaidə” terror qruplaşması öz üzərinə götürüb.

Ziya Səccad
Ölkə.Az