Yeni doğulan körpəyə yatağı necə seçməli?

Yeni doğulan körpəyə yatağı necə seçməli?
01:02
10.05.2018
6478
Maraqlı
A
Uşaqların əhval-ruhiyyəsinə və sağlamlığına təsir edə biləcək çarpayının seçilməsi heç də az əhəmiyyətli məsələ deyil. Düzgün çarpayı seçimi həm onurğa sütunun normal inkişafına, həm də sinir sisteminə müsbət təsir göstərir. Çarpayının hansı materialdan hazırlanması da böyük əhəmiyyət kəsb edir.

"Ölkə.Az" AzərTac-a istinadən xəbər verir ki, dünyaya yeni gələn körpə üçün seçilən mebel funksiyalı olmaqla yanaşı, körpələrin rahatlıq və əqli inkişafını da təmin etməlidir. Körpə otağındakı ən vacib yer onun yatağıdır. Əksər valideynlər yeni doğulmuş uşaq üçün ortopedik yatağın vacib olduğunu bilmirlər. Ona görə də uşaqlar körpəlikdən narahat yatır, beli, onurğası əyilir, allergiya və bir çox problemlərlə üzləşirlər. Müasir dövrdə uşaqlar üçün hər şey mağazadan alınır və çox vaxt hazır məhsulun materialının təbii olub-olmamasına diqqət yetirilmir.

Uşaq böyüklər kimi yun döşəkdə, nahamar yerdə və toyuq tükündən iri yastıqda yata bilməz. Onların hələ formalaşmamış sümük, onurğa və daxili orqanlarının düzgün yer alması üçün hər bir valideyn övladı doğulandan rahat yataq təşkil etmək qayğısına qalmalıdır. Mütəxəssislərin fikrincə, 3 yaşına kimi körpələr içi təbii materialla doldurulmuş bərk döşəkdə yatmalıdır. 3 yaşından 7 yaşına kimi uşaqlar üçün orta bərklikdə döşək lazımdır, həmçinin uşaq çarpayılarının öz döşəklərində metal detal olmamalıdır. Metal elektrostatik və maqnit təsir göstərir ki, bu da uşaq orqanizmi üçün zərərlidir.

Körpələr üçün natural lateks və viskomaterialdan döşəklər uyğundur. Uşaq döşəyi hava almalı, hipoallergen, ortopedik, düzgün ölçüdə, mikrob əleyhinə, keyfiyyətli natural üzlüklə və sərt olmalıdır. Uşağın boyun və başının formasını düzgün alan yastıq da vacibdir. Yeni doğulmuş körpəyə yastıq lazım deyil, onun başının altına bir neçə dəfə qatlanmış bələk qoymaq kifayətdir. Üstünə örtülən material da pambıqdan olmalıdır.

Ölkə.Az

ŞƏRH YAZ
0

Tarixi dəyişdirəcək kəşf — 558 milyon illik sir

Tarixi dəyişdirəcək kəşf
18:16
21.09.2018
6580
Maraqlı
A
Rusiyanın şimali-qərbindəki Ağ dəniz sahillərində 558 milyon illik skelet tapılmışdı.

“Ölkə.Az” xəbər verir ki, alimlər skeletin tərkibində xolesterol molekullar kəşf ediblər.

Avstraliya Milli Universitetinin alimləri bu kəşflə elm adamlarının 10 illərdir üzərində işlədiyi “Dickinsonia” adlı sümüyün bir heyvana aid olduğunu bildiriblər.
Əvvəllər bu qalıqların göbələyə və ya böyük bir amyöbə aid olduğu düşünülürdü. Amma onun bir göbələyə aid olduğunu sübut edən kimyəvi struktura rastlanmayıb.

Bu kəşflə 140 sm uzunluğu olan “Dickinsonia” skeleti ən qədim heyvan skeleti olaraq tarixə keçib. Ehtimal edilir ki, “Dickinsonia” coxhüceyrəli sadə həyat formalarının planetimizə yayılmağa başladığı dövrdə yaşayıb.

Avstraliyalı alim Con Broks deyib: “Tapdığımız yağ molekulları bu heyvanların 558 milyon il əvvəl yaşadığını sübut edir”.

“Elm adamları 75 ildir ki, “Dickinsonia” və digər qəribə skeletlərin nə olduğunu anlamağa çalışırdı. Ancaq bir həkimə tələbəsinin gətirdiyi nəticələri görəndə gözlərimizə inanmadıq”, - deyə Con Broks əlavə edib.

Hikmət Həsənov
Ölkə.Az

ŞƏRH YAZ
0

Payız aylarında bu QİDALARDAN İSTİFADƏ EDİN

Payız aylarında bu QİDALARDAN İSTİFADƏ EDİN
16:58
21.09.2018
4335
Maraqlı
A
Artıq payız ayıdır. Payız aylarında da qidalanmaya xüsusi diqqət ayırmaq lazımdır. Sağlam qara ciyər qüvvətli immunitet sisteminin açarıdır.

"Ölkə.Az" xəbər verir ki,  bu səbəbdən də qara ciyərə faydası sübut edilmiş gül kələmi, kələm və kahı ilə qidalanmaq immunitet sistemini gücləndirməyə kömək edəcək.

Gül kələmi, kahı və kələm

Sağlam qara ciyər güclü immunitet sisteminin açarıdır. Qara ciyər nə qədər sağlam olsa, immunitet sistemini gücləndirən hormon və hüceyrələr də o dərəcədə güclü olub. Bu səbəbdən gül kələmi, kahı və lahana qəbul etmək lazımdır.

Qaragilə

Qaragilənin qurudulmuşunu da tapmaq olur. Amma qaragiləni qurudanda şəkər və günəbaxan yağından istifadə edilir. Marketlərdən qurudulmuş qaragilə alanda içindəki kağızı mütləq oxumaq lazımdır. Qaragilənin tərkibindəki antioskidantlar immunitet sistemini gücləndirir. Bundan başqa portağala nisbətən qaragilənin tərkibində C vitaminin miqdarı 5 dəfə çoxdur.

Su

Su orqanizmdəki artıq maddələri qan və limfa mayeləri vasitəsilə daşıyır. Gündə ən azı 2 litr su içmək qidaların hüceyrələrə çatması və artıqların ifraz olunması üçün lazımdır. Su həm də orqanizmə oksigen daşıyır. Orqanlarımızın oksigenlə qidalandığını düşünsək, su içməyin önəmini anlaya bilərik.

Avokado

Avokadonun tərkibində amin turşusu, antioksidant və digər yağlar var. Bu maddələr immunitet sistemini gücləndirməyə kömək edir. Hər gün yarım avokado yemək məsləhətdir.

Bal

Balı isti su ilə içmək həzmi asanlaşdırır, soyuqdəymə və qrip zamanı isə immunitet sisteminin mikroblarla savaşmasına kömək edir. Tünd rəngli balın tərkibində antioksidant miqdarı daha çoxdur.

Balıq

Yediyiniz balığın kifayət qədər yaxşı yağ tərkibli olduğuna əmin olun ki, immunitet sisteminizi gücləndirə biləsiniz. Tərkibində omeqa-3 yağları olan balıqlara üstünlük verin.

Hikmət Həsənov
Ölkə.Az

ŞƏRH YAZ
0
BAĞLA