Yeni ideyalardan birinin sayəsində gəlirlərinizi artıra bilərsiniz — Günün ulduz falı

Yeni ideyalardan birinin sayəsində gəlirlərinizi artıra bilərsiniz
00:51
09.11.2018
4401
Maraqlı
A
"Ölkә.Az" milli.az-a istinadla günün qoroskopunu tәqdim edir:

Qoç - yerinə yetirilməsi ilə bağlı azacıq şübhənizin olduğu öhdəliklərə boyun olmayın. Uzunmüddətli əməkdaşlıqla bağlı anlaşma və sənədlərin imzalanması məsləhət deyil. Texnoloji fəaliyyətlə məşğulsunuzsa, gün uğurlu olacaq.

Günün ikinci yarısı hüquq-mühafizə orqanları və əmlak məsələlərini tənzimləyən qurumlardan birinin təmsilçisi ilə ünsiyyətdə olacaqsınız. Münasibətlər gərginləşəcək. Yaxın ətrafınızdakı insanlarla münaqişə etməmək üçün ehtiyatlı və səbrli davranmalısınız. Mənfi emosiyalarınıza nəzarət edin.

Axşam saatlarını dostlarla keçirin.

Buğa - məsləhətlərə qulaq asın. Deyilənləri dinləsəniz, peşəkar fəaliyyət müstəvisində irəliləyiş və mövcud problemlərin çözülməsi ilə bağlı həll variantlarını aşkarlaya bilərsiniz. Günün ilk yarısında həddən artıq intensiv zəhmət tələb edən iş olacaq.

Günün ikinci yarısında müzakirələrdə opponentlərinizi üstələyə bilərsiniz.

Mübahisələrdə aqressivlik etməyin. Alış-verişdə çox pul xərcləməyin. İnsanların gur olduqları yerlərə yollanmayın. Axşam saatlarını dəyər verdiyiniz insanlarla keçirin. Səhhətinizin qeydinə qalın, rasiona fikir verin.

Əkizlər - zərərli vərdişlərdən birindən yaxa qurtarmaq üçün əlverişli zamandır. Pəhrizə başlamaq, qidalanma sistemini nizamlamaq olar. İdmanla məşğul olmağa başlaya bilərsiniz.

Günün ilk yarısı maliyyə məsələlərinin həlli üçün əlverişlidir.

Günün ikinci yarısında isə yaxınlarınızdan birinin sizə iradları olacaq. Emosional davranmayın, təmkinli olun və belədə münaqişəyə yol verməyəcəksiniz. Axşam saatlarına yaxın yorğunluq hiss edəcəksiniz.

Sağlamlıqla bağlı kiçik problem istisna deyil.
 

Xərçəng - uğurlu gündür. Planlarınızdan birini sürətlə reallaşdıra bilərsiniz. Qəfil hədiyyə, təklif və ya sifariş istisna deyil. Yeni dostlar tapa bilərsiniz.

Yaradıcılıq fəaliyyəti ilə məşğulsunuzsa, kreativ davranın.

Günün ikinci yarısında yaxın ətrafınızda olan insanlara təsir edin. Situasiyadan yararlanaraq görüş planlaşdırın, münaqişəni çözməyə, anlaşılmazlığı aradan qaldırmağa çalışın.

Axşam saatlarında eqoizmə yer olmamalıdır.

Şir - karyeranız üçün əlverişli zamandır. Humanitar sahədə fəaliyyət göstərirsinizsə, çoxdankı planlardan birini gerçəkləşdirə bilərsiniz. Özünüzdən bədgüman olmayın. İmprovizə edin, şəraitdən asılı olaraq planlara dəyişikliklər edin.

Günün ikinci yarısında önəmli görüş zamanı sayıq və diqqətli olun. Axşam saatlarında əhvalınız pisləşə bilər. Orqanizminizin qeydinə qalın. Normal istirahət etməyə çalışın.

Alış-veriş etmək olar.

Qız - uğurlu və münasib zamandır. Ticarətlə bağlı fəaliyyət yaxşı gəlir vəd edir. Yeni layihəyə başlamaq olar. Maliyyə əməliyyatlarında diqqətli olun.

Günün ikinci yarısında önəmli qərar qəbul etməzdən əvvəl yaxşıca düşünüb-daşının. Mümkün qədər çox iş görməyə can ataraq tələsik davranmayın. Enerji qıtlığı hiss edə bilərsiniz.

Əzələ ağrıları istisna deyil.

 

Axşam saatlarında gəzintiyə çıxmağı unutmayın.

Tərəzi - ciddi, məsuliyyətli işə başlamaq üçün əlverişli zaman deyil. Yeni sifariş və ya layihənin müzakirə olunacağı görüşü, danışıqlar və ya sövdələşmənin imzalanmasını ertələyin. Adi, rutin işləri diqqətlə yerinə yetirin. Əks təqdirdə fəsadları ağır olacaq səhvlərə yol verəcəksiniz.

Günün ikinci yarısında heç bir real səbəb olmadan özünüzü incik, tənha hiss edə bilərsiniz. Mübahisə və ya müzakirələrə qatılmayın. Səhhətinizi, əsəblərinizi qoruyun. Riskli situasiyaların iştirakçısına çevrilməyin. Alış-verişdə bədxərclik etməyin.

Axşam saatlarını sakit şəraitdə keçirin.

Əqrəb - uzunmüddətli planlaşdırma üçün əlverişli zamandır. Karyera müstəvisində irəliləyişin, maliyyə durumunuzu yaxşılaşdırmağın yollarını tapın. Bu gün görəcəyiniz işə görə az sonra yaxşı ödəniş və ya mükafat ala bilərsiniz.

Günün ikinci yarısında qısamüddətli səfərə və ya ezamiyyətə yollana bilərsiniz. Önəmli saydığınız insanla görüşün. Axşam saatlarınızı ailə üzvlərinə ayırın.

Normal istirahət etməyə çalışın.

Oxatan - başladığınız işlərdə irəliləyişlərə nail ola bilərsiniz. Özünüzə əmin olun, aktiv çalışın. Qarşınıza qoyduğunuz məqsədlərə çatmağa çalışın. Səfər, səyahət, alış-veriş üçün pis zaman deyil.

Yeni layihə ilə bağlı ilkin mərhələni effektiv edin.

Günün ikinci yarısında opponentlə görüşün. Mübahisəni həll etmək üçün onunla dil tapın. Uzaqdakı tanışlar və ya tərəfdaşlarla əlaqələr zamanı vədləri unutmayın. Maliyyə əməliyyatını təxirə salın.

Pulunuzun qədrini bilin.

Oğlaq - uzun müddətdən bəri aradığınızı tapa bilərsiniz. İşlərinizdə müəyyən çətinliklərin yaşanması istisna deyil. Nigaranlıq və narahatlıq olacaq. Günün ilk yarısında ünsiyyət çevrənizi məhdudlaşdırın. Ciddi işlər planlaşdırmayın.

Günün ikinci yarısında təmaslarda diqqətli olun. Yaxınlarınızın qayğısına qalın. Onların dediklərini dinləyin.

Axşam saatlarını ailəvi istirahətə ayırın.

Dolça - yeni ideyalardan birinin sayəsində gəlirlərinizi artıra bilərsiniz. Amma buna nail olmaq üçün səbrlə, əzmlə işləməlisiniz. Ünsiyyət üçün münasib zaman deyil. Yaxın ətrafınızdakı insanlardan biri sizi qıcıqlandıracaq. Tərəfdaş və ya şərikin davranışına sinirlənməyin.

Günün ikinci yarısı kredit almaq, alış-veriş, habelə daşınmaz əmlakla bağlı əməliyyatlar üçün yaxşı zaman deyil. Axşam saatlarını ailə üzvlərinizə ayırın.

Gəzintiyə çıxa bilərsiniz.

Balıqlar - yaradıcı yanaşma tələb edən işlər üçün münasib zamandır. Enerjili olun, aktiv çalışın. Ağır işin, ciddi problemin öhdəsindən gəlməyə çalışanda orijinal çözüm yolunu arayın.

Günün ikinci yarısında istək və ya niyyətinizi reallaşdırmağa can ataraq tələsik qərar verməyin. Ailə üzvləri, dostlarla təmaslarda həssas, qayğıkeş olun. Səhhətinizə fikir verin. Tamahın köləsi olmayın, rasionu ifrat qarınqululuğa çevirməyin.

Ölkә.Az

ŞƏRH YAZ
0

Dünyanın ən məşhur SOUSLARI — SİYAHI

Dünyanın ən məşhur SOUSLARI
07:00
Bu gün
171
Maraqlı
A
Sous istənilən əsas yemək və ya qarnir üçün nəzərdə tutulan duru ədviyyatdır. Əvvəllər souslar qidaya duzlu ədviyyat kimi qatılırdı. Məsələm Yaponiyada soy sousunu duz əvəzinə istifadə edirlər. Sousları təkcə hazır yeməklərdə deyil, ərzaqların bişirlməsi zamanıda istifadə etmək olar.

"Ölkə.Az" medicina.az-a istinadən bildirir ki, bir çox ərzaqları sousda qızardırlar, sous altında bişirirlər. Adətən sousların tərkibinə tərəvəzlər, bulyonlar, ədviyyatlar olur.

Souslar dadına, rənginə və hazırlanma qaydasına görə fərqlənirlər. Onlar əsasən tərkibində olan əsas komponentə görə adlanırlar (soğanlı, şokoladlı, xardallı, portağallı və s.) Hər bir ölkənin özünə məxsus sousu var. Məsələn gürcü tkemalisi, yunan dzazikisi, həmçinin bütün dünyada tanınan xardal və mayonez və s.

Həmin souslardan ən məşhuru və onların yaranması ilə bağlı maraqlı faktları təqdim edirik:

Ketçup
Təəcüblü olsa da, ketçupun vətəni Çin hesab olunur. Məhz buradan sous İngiltərəyə gətirilib. İlk əvvəl ketçupun tərkibi ançouslar, göbələk, lobya və qozdan ibarət olub. Yalnız iki əsir sonra naməlu aşbaz sousa pomidor əlavə edərək onu müasir ketçupa yaxın edir. Zamanla pomidorlar ketçupun digər inqrediyentləri sıxışdırıb. Müasir ketçupun tərkibi isə alman emiqrant Henri Haynsa məxsusdur. O sousa kraxmal və ədviyyatlar əlavə edib.

Mayonez
Demək olar ki, dünyada ən məşhur souslardan biridir. Onun adını Mayon şəhəri ilə əlaqəndirirlər.Rəvayətə görə, şəhərin mühasirəyə alındığı vaxt ərzaqlar tükənib və yeməyin dadını fərqli etmək üçün hersoq Rişelye nə isə yeni bir şey hazırlamaq qərarına gəlib. O yumurta sarılarını şəkər tozu, duz və limon şirəsi ilə qarışdırıb ora zeytun yağı əlavə edir. Beləcə şəhərin şərəfinə adlanan orijinal dada malik sous əldə edib.

Tabasko
Tabaskonun vətəni Amerika, Eyveri Aylend adalardır. Sous üçün yerli mədənlərdən çıxarılan duzdan və acı qırmızı tabasko bibərindən istifadə olunur. Hindu dilindən tərcümədə "Tabasko" "nəm torpaq ölkəsi" deməkdir. Əsil tabasko üçün duz bu gün də Eyveri Aylend mədənlərindən götürülür. Bibərlər xüsusi istixanalarda becərdilir, məhsul əllə yığılır. Bibər və duzu qarışdırırlar və 3 il ərzində ağ palıddan olan çəlləklərdə saxlayırlar. Daha sonra sous bibər tumlarından və qabıqdan təmizlənir və bir ay ərzində ağ sirkə ilə qarışdırılır. Nəticədə acı bibərli sous alınır. "Tabasko" təkcə Amerikada deyil, həmçinin İngiltərədə də populyardır. Hətta kraliça Yelizaveta bu sousu çox sevir. Tabasko həmçinin "Qanlı Meri" kokteylinin əsas inqrediyentlərindəndir.

Tkemali
Balıq, ət və quş yeməkləri ilə istifadə olunan ən məşhur sousdur.Bu həmçinin kartof və makaron məmulatları ilə də yaxşı uyğunlaşır. Tkemali gürcüstanın rəmzləırindən biri olan gəvalıdan hazırlanır. Gəvalıdan başqa tkemalinin tərkibinə sarımsaq və müxtəlif göyərtilər daxildir. Sous çox sadə hazırlanır.Gəvalının tkemali növü tumsuz və qabıqsız bişirilir, qaydadığı suda əzilir və qarışdırılı. Əzilmiş sarımsaq, göyərti, düz, istiot əlavə olunur və qaynadılır. Soyuyandan sonra sous hazır hesab edilir.

Quakamole
Meksika mətbəxinə aid və tərkibinə görə sousu xatırladan yemək. Ənənəvi olaraq sous avokado, limon şirəsi və duzdan ibarət olur. Adətən bura pomidor, istiot və digər ədviyyatlar əlavə olunur. Quakamole sözü atsteklərin dilindən götürülüb, bu sous əsasən Meksika və İspaniyada məşhurdur. Quakamole qarğıdalı çipsləri ilə yeyilir və istənilən yeməyin yanında təqdim edilə bilər. Bu sosus çox faydalı hesab edilir və əsasən vegetarianlar, sağlam həyat tərzinə üstünlük verənlər tərəfindən sevilir.

Bolonzey
İtaliya pastası üçün nəzərdə tutulan Bolonyez sousunun vətəni Bolonyadır. Makaron məmulatları üçün ən gözəl sous olan Bolonyezin ənənəvi tərkib hissələri - ət, bekon, soğan, kök, kərəviz, tomat pastası, ət bulyonu və qırmızı çaxırdır. Sousa süd və ya qaymaq da əlavə etmək olar.

Beşamel
Beşamel məşhur fransız sousudur. Süd, un və yağdan haırlanır. Lazanya, julyen və suflenin hazırlanmasında əvəzolunmazdır.

Pestro
Pesto italyan dilindən tərcümədə "əzmək" deməkdir. İtaliya mətbəxinin ən populyar sousu olan pestonu zeytun yağı, reyhan və pendirdən hazırlıyırlar. Təzə reyhanı qozla birgə əzillər və zeytun yağı, sarımsaq, rəndələnmiş parmezanla qarışdırırlar. Sous spagetti, balıq və brusketta üçün ideal əlavədir.

Soya sousu
Soya sousundan çinlilər artıq 3000 ildir ki istifadə edirlər. Həmin zamandan onun hazırlanma texnologiyası dəyişməyib: soy lobyaları suda qaynadılır və unla qarışdırılıb duzlanır. Sonra sousu uzun müddət ərzində acıdırlar: 40 gündən- 2-3 ilədək. Lobiyaların buraxdığı şirə zamanla qaralır. Soy sousu orqanizmin üçün çox faydalıdır, çünkü tərkibində dəmir, sink, B qrupuna aid vitaminlər və çox aminturşuları var.

Tartar
Fransada "Tatar sayağı sous" (Tartar sözü belə tərcümə edilir) adı altında qaynadalmış yumurta sarısı, göy soğan və bitki yağından ibarət məhlula deyilir.Adətən bu sous balıq və dəniz məhsulları yeməkləri, steyk, soyuq ət ilə yeyilir.Tartarı hazırlama üçün əvvlcə yumurta sarısı duz, qara istiot, limon şirəsi və üzüm sirkəsi ilə qarışdırılır. Sonra məhlula damcı damcı zeytun yağı əlavə edilərək qarışdırılır. Doğranılmış göy soğan ən sonda əlavə olunur. Daha sadə reseptdə yumurta sarısı göy soğanla qarışdırılır və mayonez əlavə olunur. Sousu acılı etmək üçün duzlu xıyar, soğan və sarımsaq əlavə etmək olar.

ŞƏRH YAZ
0

Yaxşı televizoru necə seçmək olar?

Yaxşı televizoru necə seçmək olar?
06:05
Bu gün
249
Maraqlı
A
Müasir dünyada televizorlar uzun müddətdir adi bir əşya olmaqdan daha irəli çıxıblar. Bu, istirahət və müsbət emosiyalar gətirən elektrotexnikanın populyar bir növüdür. Televizorun yanında tez-tez bütün ailə yığılır. Burada maraqlı şou, yaxşı bir film izləmək və ya dünyanın ən son hadisələri haqqında məlumat əldə etmək mümkündür. Lakin bu sevimli əşyanı alarkən, bazardakı böyük seçim hər hansı bir alıcını çaşdıra bilər. Əsas detallar

"Ölkə.Az" ted.az-a istinadən bildirir ki, bir çox alıcılar uyğun televizoru seçməkdə çətinlik çəkirlər. Çox vaxt bahalı mal almaq və istifadəçiyə tamamilə lazım olmayan funksiyalar üçün artıq ödəniş etmək qorxusu yaranır. Müxtəlif forumlarda televizor seçimi haqqında daha ətraflı məlumatı əldə etmək mümkündür. İstifadəçiyə lazım olan və ya lazım olmayan funksiyalar haqqında əvvəlcədən düşünmək lazımdır.

Diqqət yetirmək lazım olan əsas meyarlar arasında aşağıdakılar göstərilir:

İşıqlandırma və ekran növü;
Ekran göstəricisi və diaqonal;
Parlaqlıq səviyyəsi və kontrast;
Səs və əlavə bağlayıcı;
Tezlik və cavab vaxtı;
İdarə;
Digər funksiyaları.
Televizorların növləri

Keçmişdə bazarda cihazların kineskop və ya maye kristal variantlarını tapmaq mümkün idi. Əlverişli satış dəyərinə, onlar heç də pis olmayan görüntü təmin edirdilər. Zaman keçdikcə, müasir texnologiyalar köhnəlmiş modelləri sıxışdırdı. Bu gün LED-ekranları büdcə modellərinə aid etmək olar.

Bir çox istehsalçı cihazların bu cür variantlarını istehsal edir və onlara olduqca əlverişli qiymətlər qoyur. Qənaəti belə qurğuların əsas üstünlüyü adlandırmaq olar. Onlar elektrik enerjisinin kiçik miqdarını istehlak edirlər.

Lazer televizorlar ən bahalı modellərdən biridir. Onlar yüksək keyfiyyətli təsvir ötürür və uzun istismar müddəti ilə fərqlənirlər.

Necə səhv etməmək olar?

Elektrik cihazının satın alınmasını planlaşdırarkən, TV forumlarını oxumaq lazımdır. Burada əldə olunan təcrübəni bir-biri ilə fəal şəkildə bölüşən sadə alıcıların fikirlərini öyrənmək olar. Mağazaya gedərkən, büdcəni və cihazın görünüşünü müəyyənləşdirməlisiniz. Məsləhətçilərin yanlış seçimə gətirib çıxaracağından qorxmayın. Qurğuların işi haqqında elementar anlayışa malik olaraq, səhv seçim etməkdən qaçmaq mümkündür.

Alıcı televizorun pultunu xahiş edib kanalları dəyişməyə və cihazın əsas xüsusiyyətlərini öyrənməyə çalışmalıdır. Bu, uyğun seçimi etməyə kömək edəcək. Əməliyyat sisteminə, eləcə də ekran göstəricisinə xüsusi diqqət yetirilməlidir. Göstəricilər nə qədər yüksəkdirsə, görüntü daha keyfiyyətli olacaq.

ŞƏRH YAZ
0
BAĞLA