Yeni il tətili ləğv edilə bilər

“Ölkə.Az" xəbər verir ki, bu barədə Rusiya Kommunist Partiyasının Dövlət Dumasındakı millət vəkilləri təklif irəli sürüblər. Millət vəkilləri Yeni il tətilinin ölkə əhalisinin büdcəsinə ziyan vurduğunu iddia edirlər. Deputatlar bildiriblər ki, ilin əvvəlində Rusiya vətəndaşları əməkhaqlarını ala bilmirlər. Bu səbəbdən də, onların büdcəsinə ziyan dəyir.

Millət vəkilləri təklif ediblər ki, dekabrın 31-i, martın 18-i və noyabrın 7-si qeyri-iş günü elan edilsin. 

Duma üzvləri düşünürlər ki, əhali 31 martda evdə qalmaqla rahat şəkildə Yeni ili qarşılaya bilərlər. Bundan əlavə, deputatlar bildiriblər ki, 18 martda Krımın Rusiyaya birləşdirilməsi bayram günü kimi qeyd edilməlidir.

Ziya Səccad
Ölkə.Az