KORONAVİRUSA YOLUXANLARIN SAYI - CANLI STATİSTİKA

Yeni mövsümdə teatrlarımızda hansı PREMYARALAR OLACAQ? — ARAŞDIRMA

Yeni mövsümdə teatrlarımızda hansı PREMYARALAR OLACAQ?
13:01
25.10.2019
15062
Mədəniyyət
A
Payızın gəlişi ilə teatrlarda öz pərdələrini tamaşaçıların üzünə açaraq, premyeralarla onları sevindirir. Bəs, yeni mövsümə teatrlar necə hazırlaşır, tamaşaçılar maraqlı premyeraları seyr etmək üçün hansı teatrlara üz tutsun?

“Ölkə.Az” olaraq, bu məsələ ilə bağlı kiçik araşdırma aparıb, premyeralarla maraqlandıq.

Akademik Milli Dram Teatrının mətbuat katibi Cavid Zeynallı bildirdi ki, bu mövsüm Cəlil Məmmədquluzadənin ''Dəli yığıncağı''nın premyerası keçirilib.

Mətbuat katibinin sözlərinə görə, növbəti aylarda yeni premyeraların da olacağı istisna deyil.

 Картинки по запросу az dram teatr

Azərbaycan Dövlət Akademik Musiqili Teatrının mətbuat katibi Fəridə Aslanova bildirib ki, teatrın 110- cu mövsümü zəngin olacaq. Repertuarda olan tamaşalardan başqa 6 tamaşa üzərində yaradıcılıq işləri aparılır. 

Teatrda hazırda rejissor Samir Qulamovun quruluşunda Vüktor Hüqonun ''Paris Notr-Dam kilsəsinə ithaf'' tamaşasının məşqləri gedir. Yeni mövsümdə retro tamaşalarını sevən tamaşaçılar üçün musiqisi Səid Rüstəmov, libretto Məmməd Səid Ordubadiyə məxsus olan ''Beş manatlıq gəlin'' komediyası hazırlanır. Tamaşaya əməkdar incəsənət xadimi, rejissor Əsgər Əsgərov quruluş verib. Əməkdar incəsənət xadimi Mehriban Ələkbərzadə Stanislav Stratiyevin ''Avtobus" pyesi' əsasında "Çarəsiz sərnişinlər" əsərini, rejissor Əhəd Hacıyev isə gürcü dramaturqu Nodar Dumbadzenin ''Mən, nənəm, İliko və İllarion'' tamaşasını hazırlayır.

Qeyd edək ki, yeni mövsümdə Akademik Musiqili Teatrda Xalq artisti Afaq Bəşirqızı tamaşaçıların qarşısına yeni ampluada çıxacaq. Belə ki, oktyabrda Afaq Bəşirqızının iştirakı ilə ''İstintaq'' tamaşası hazırlanacaq. Tamaşanın quruluşçu rejissoru Firudin Məhərrəm, bəstəkarı Ceyhun Allahverdiyev, libretto müəllifi Pərviz Seyidlidir. 

Картинки по запросу musiqili dram teatri


Azərbaycan Dövlət Gənc Tamaşaçılar teatrından bizə yeni mövsümdəki tamaşaları haqda məlumatı teatrın mətbuat katibi Pərvin Nurəliyeva verib. Yeni mövsümdə ərəb xalq nağılları motivləri əsasında ''Sindbad'' tamaşasının premyerası olub. Hazırda Cəfər Cabbarlının ''Oqtay Eloğlu'' əsərinə Xalq artisti Vaqif Əsədov quruluş verir. İngilis xalq nağılları motivləri əsasında ''Şən ev və cadugər'' tamaşasına Ayla Osmanova quruluş verir, Mirzə Cəlilin ''Dəli yığıncağı əsərini isə Xalq artisti Cənnət Səlimova hazırlayır.  Həmçinin Ayla Osmanovanın quruluş verdiyi ''Mən öləndə ağlama'' tamaşası Qırğızıstanın Oş şəhərində keçirilən türk dilli ölkələrin teatr festivalından çox böyük uğurlarla qayıdıb.

Qeyd edək ki, Gənc Tamaşaçılar teatrının keçən mövsümü də zəngin olub. Səkkiz premyera olub. Bunların içində uşaqlar üçün də tamaşalar göstərilib. Xalq artisti Ağaxan Salmanovun ssenasiri əsasında Azərbaycan teatr tarixində ilk dəfə uşaqlar teatrın kulisi ilə tanış olublar. Картинки по запросу gənc tamaşaçılar teatrı

Abdulla Şaiq adına Azərbaycan Dövlət Kukla Teatrının premyeraları haqqında bizə teatrın baş rejissoru Qurban Məsimov məlumat verib. Teatrda Zülfüqar Əhmədzadənin ''Yeddi nar çubuğu'' pyesi əsasında eyni adlı tamaşa hazırlanır. Tamaşanın quruluşçu rəssamı Rəvanə Yaqubova, bəstəkarı Vüqar Camalzadə, quruluşçu rejissoru Qurban Mənsimovdur.  ''Dədə Qorqud'' dastanı əsasında hazırlanan ''Adını qazanan oğlan'' tamaşasını isə Anar Məmmədov təqdim edəcək. Eyni zamanda Puşkinin "Qızıl balıq" əsəri əsasında eyniadlı tamaşa da balaca tamaşaçıların ixtiyarında olacaq.

Картинки по запросу kukla teatr; rejissor qurban

Azərbaycan Dövlət Akademik Opera və Balet teatrından bildirildi ki, yeni mövsüm premyeralarının siyahısı noyabr ayında hazır olacaq. 

Похожее изображение


Hazırladı: Nərmin Nuru
Ölkə.Az

ŞƏRH YAZ
0

Azərbaycanın məşhur əməkdar artisti VƏFAT ETDİ — FOTO- SON DƏQİQƏ

Azərbaycanın məşhur əməkdar artisti VƏFAT ETDİ
21:05
05.07.2020
6538
Mədəniyyət
A
Akademik Milli Dram Teatrının aktyoru, əməkdar artist Tofiq Hüseynov vəfat edib.

“Ölkə.Az” xəbər verir ki, bu barədə aktrisa Rada Nəsibova “Facebook” səhifəsində məlumat verib.

“Daha bir sənətkarımız dünyasını dəyişdi. Nə deyim, gözəl insan, söz tapa bilmirəm. Sizdən zərrə qədər incikliyimiz olmadı. Yeriniz hər zaman görünəcək. Çox heyif. Nur içində yatın”.

Qeyd edək ki, Tofiq Əbdülrəhim oğlu Hüseynov 1949-cu il iyun 24-də Bakı şəhərində anadan olub. Tofiq Əbdülrəhim oğlu Hüseynov 1971-ci ildə M.A.Əliyev adına Azərbaycan Dövlət İncəsənət İnstitutunun dram və kino aktyoru fakültəsini bitirmişdir.Tofiq Hüseynov bir çox teatrların səhnəsində çalışmış, müxtəlif obrazlar oynamışdı. Bunlar: Rza bəy (“O olmasın, bu olsun”,Ü.Hacıbəyov),Əzrayıl (“Bu meydan, bu şeytan”,F.Aşurov),Mərd Mazarov (“Adamın adamı”,Anar),Hacı Namazalı (“Danabaş kəndinin məktəbi” C.Məmmədquluzadə),Tülkü (“Cücələrim” T.Mütəlibbov ),Cəbi (“Hacı Qəmbər”,N.Vəzirov ),Şah Kreon (J.Anuy “Medeya”),Vəzir Zəban (O.Altunbay “Tomris”) obrazlarıdır.

Tofiq Hüseynov 2001-ci ildən Azərbaycan Dövlət Akademik Milli Dram Teatrında çalışır.Teatrın repertuarındakı müxtəlif janrlı tamaşalarda rollar oynayıb.Onlardan:Komiyonçu “Kəllə”(N.Hikmət),Knyaz Orbeliani “Brüsseldən məktublar”( H.Həsənov),Oqtay “Rəqabət”(B.Vahabzadə),Hacı Kərim “Ölülər” (C.Məmmədquluzadə), Rüstəm xan(“Eloğlu”,A.Şaiq),Qala rəisi(“Xurşidbanu Natəvan”,İ.Əfəndiyev),Bekar Ağabala “Dirilən adam”( Mir Cəlal),Katib “Ölüləri qəbiristanlıqda basdırın”( İ.Şıxlı),Ağamusa Fərəcov “Dəlilər və ağıllılar” (İ.Əfəndiyev),Əcəl “Alın yazısı”( T.Minnullin) və digər obrazları tamaşaçı maraqla qarşılayıb.

Aktyor “Meteranpaj”(Kamayev),”3-mollanın sərgüzəşti”(Mola Vəli),”Şkafda adam”(Ər),Molla Nəsrəddinin lətifələri əsasında eyniadlı əsərin tamaşalarında, “Marş” (Komandir),“Dəvətnamə”(Briqadir),”O dünyadan salamlar”(Əli bəy), “Bahar ərəfəsində”(Direktor) və s.filmlərə çəkilib.

Tofiq Hüseynov 2009-cu ildə Azərbaycan Respublikasının Əməkdar artisti fəxri adına layiq görülüb.

Xatırladaq ki, Tofiq Hüseynov xərçəng xəstəliyindən əziyyət çəkirdi.

ŞƏRH YAZ
0

Əməkdar artistin bacısı — KORONAVİRUSA yoluxdu

Əməkdar artistin bacısı
21:33
03.07.2020
4421
Mədəniyyət
A
"Koronavirus bizim ailədən də yan keçmədi. Bacım virusa yoluxub, indi ev şəraitində müalicə alır".

"Ölkə.Az" xəbər verir ki, bunu Əməkdar artist Gülüstan Əliyeva deyib.

Müğənni bacısına görə narahat olduğunu bildirib: "Bacımın vəziyyəti əvvəl ağır idi, indi səhhəti düzəlib. Evdə müalicələrini davam etdirir. Neçə vaxtdır ki, başımız ona qarışıb. Mən özüm də qorunuram.

Tibbi maska taxıram, əlcək geyirəm. Spirt həmişə çantamda olur. Doğrudur, bacımın koronavirusa yoluxması əhvalımıza təsir edib.

Amma son günlər sağalma müşahidə edilir, bu səbəbdən tezliklə əvvəlki vəziyyətə qayıdacağına ümid edirik". //Showxeber.az

ŞƏRH YAZ
0
BAĞLA