Yeni nazirdən gözləntilər — "Vergi dərəcələri yüksəkdir, optimallaşdırılmasına ehtiyac var"

Yeni nazirdən gözləntilər
11:25
06.12.2017
6591
İqtisadiyyat
A
Mikayıl Cabbarovun vergilər naziri vəzifəsinə təyin edilməsi ilə bağlı iqtisadçı ekspert Vüqar Bayramov da öz fikirlərini bildirib.

O, "Ölkə.Az" saytına açıqlamasında Mikayıl Cabbarovdan olan gözləntilərdən bəhs edib:

"Mikayıl Cabbarov keçmiş iqtisadi inkişaf, indiki iqtisadiyyat nazirliyində çalışıb. Əslində onun təhsil naziri vəzifəsi istisna olmaqla digər vəzifələri birbaşa iqtisadiyyatla bağlı vəzifələr olub".

Yeni nazirin vergilər sistemində aparacağı islahatlara gəldikdə isə iqtisadçı ekspert bildirib ki, vergilər sisteminin liberallaşdırılması olduqca vacibdir:

"Vergi sisteminin liberallaşdırılması, xüsusən vergi dərəcələrinin optimallaşdırılması ilə bağlı təkliflər hazırlayıb hökumətə təklif etmişdik. Vergi dərəcələri Azərbaycanda yüksəkdir, onun optimallaşdırılmasına ehtiyac var. Xüsusən də, əlavə dəyər vergisinin differensial olaraq tətbiq edilməsi, digər vergi dərəcələrinə baxılması, fiziki şəxslərin gəlir vergisi dərəcələrinin MDB ölkələrindəki orta səviyyəyə uyğunlaşdırılmasına ehtiyac var. Əslində vergilər sisteminin liberallaşdırılması iqtisadiyyat üçün çox vacibdir.

Mikayıl Cabbarovdan gözlənti ondan ibarətdir ki, o, vergi siyasətinin liberallaşdırılmasını həyata keçirəcək. Vergi siyasəti liberallaşmayınca, vergi yükü azalmayınca qeyri-neft sektorunda iqtisadi islahatların uzun müddətli effektini müşahidə etmək çətin olacaq.

Etiraf etmək lazıdmır ki, vergi sistemi Fazil Məmmədovun dövründə elektronlaşmışdı və bu sistem Azərbaycanda elektron hökümətin elementlərini ilk tətbiq edən sektor idi. İndiki məqamda daha liberal, qeyri-neft sektorunda fəaliyyət göstərən sahibkarların inkişafını stimullaşdıran və təşviq edən vergi siyasətinin həyata keçirilməsinə ehtiyac var. Ümid edək ki, Mikayıl Cabbarov liberal vergi siyasətinin tətbiqinə nail ola biləcək".

Səxavət Məmməd
Ölkə.Az

ŞƏRH YAZ
0

Azərbaycan neftinin qiyməti 82 dolları keçdi

Azərbaycan neftinin qiyməti 82 dolları keçdi
00:22
Bu gün
178
İqtisadiyyat
A
CIF bazisi üzrə İtaliyanın Auqusta limanı şərtləri ilə Azərbaycanın yüngül neftinin qiyməti sentyabrın 24-də 82,21 dollar/barel təşkil edib ki, bu da ötən həftənin cümə gününə olan göstəricidən 1,85 dollar/barel çoxdur.

"Ölkə.Az" xəbər verir ki, bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti sentyabrın 24-də 81,47 dollar/barel təşkil edib ki, bu da əvvəlki qiymətdən 1,84 dollar/barel çoxdur.

Novorossiysk limanından yüklənən URALS neftinin qiyməti sentyabrın 24-də 78,73 dollar/barel təşkil edib ki, bu, əvvəlki qiymətdən 1,64 dollar/barel çoxdur.

Şimal dənizindən hasil edilən "Brent Dated" etalon növlü neftin qiyməti isə sentyabrın 24-də 80,91 dollar/barel təşkil edib. Bu, əvvəlki qiymətdən 2,11 dollar/barel çoxdur.

Ölkə.Az

ŞƏRH YAZ
0

Azərbaycanda qızıl və gümüş bahalaşıb

Azərbaycanda qızıl və gümüş bahalaşıb
21:29
25.09.2018
503
İqtisadiyyat
A
Azərbaycanda qızıl və gümüş bahalaşıb.

"Ölkə.Az"ln Trend-ə istinadən məlumatına görə, sentyabrın 25-də qızılın qiyməti sentyabrın 24-ü ilə müqayisədə 2,737 manat artaraq 1 unsiya üçün 2037,841 manat təşkil edib.

Gümüş 0,0309 manat bahalaşaraq 1 unsiya üçün 24,2225 manata bərabər olub.

Platinin qiyməti 5,032 manat artaraq 1408,722 manat, palladiumun qiyməti isə 27,693 manat artaraq 1806,4455 manat təşkil edib.

Qeyd edək ki, troy unsiyası 31,1034768 qrama bərabər ölçü vahididir.

Ölkə.Az

ŞƏRH YAZ
0
BAĞLA