“Yeni qaz kəməri ölkəyə əlavə vəsaitlərin gəlməsinə səbəb olacaq” — Vahid Əhmədov

“Yeni qaz kəməri ölkəyə əlavə vəsaitlərin gəlməsinə səbəb olacaq”
13:01
12.02.2018
1080
İqtisadiyyat
A

Azərbaycanın Baş nazirinin sabiq birinci müavini, Milli Məclisin deputatı Vahid Əhmədov Avropa İnvestisiya Bankının (EIB) Azərbaycandan Avropaya qaz nəqlini həyata keçirəcək və Rusiyadan asılılığı azaldacaq Trans Adriatik qaz boru kəməri üçün 1,5 milyard avro (1,33 funt-sterlinq) kredit ayrılmasını təsdiqləməsi məsələsinə münasibət bildirib. 

V.Əhmədov “Ölkə.Az”-a açıqlamasında deyib ki, 2017-ci ildən etibarən Azərbaycanda bir sıra layihələrə ciddi start verilib:

“Bunlara misal olaraq TANAP, TAP enerji, Bakı-Tbilisi-Qars, İran-Azərbaycan dəmiryolu layihələrini göstərmək olar. Azərbaycanın karbohidrogen ehtiyyatlarının ixracı üçün TANAP və TAP kimi layihələrin həyata keçirilməsinə çox böyük ehtiyac var. Bu kəmərlər vasitəsilə Azərbaycan qazı İtaliya və digər Avropa dövlətlərinə çıxarılacaq”. 

Deputat qeyd edib ki, hazırda Azərbaycanın kifayət qədər böyük təbii qaz ehtiyatları var: 

“Ona görə də bu təbii qazın Avropa bazarına çıxarılmasına böyük ehtiyac var. Son dövrlər neftin qiymətində azalmalar var. Ona görə də təbii qazın ixracı Azərbaycan üçün maraqlıdır”.

V.Əhmədov bildirib ki, vaxtilə Azərbaycan təbii qazın dünya bazarına çıxarılması üçün ciddi problemlərlə üzləşmişdi:

“Vaxtilə Azərbaycan qazının Gürcüstan və Türkiyə vasitəsilə Avropaya çıxarılmasına etiraz edənlər çox idi. Azərbaycanın qonşu dövlətləri istəyirdi ki, Azərbaycan qazı onların istəyinə uyğun olaraq ixrac edilsin. Amma cənab prezident İlham Əliyev bu məsələdə də öz siyasi iradəsini ortaya qoyaraq, Azərbaycanın maraqlarını ön paklana çıxartdı. Nəticədə də bu cür böyük layihələrin reallaşması mümkün oldu”. 

Deputat 2018-ci ilin sonunadək Trans Adriatik qaz boru kəmərinin istifadəyə veriləcyinə inandığını söyləyib:

“Bu gün Avropa Azərbaycan qazının tez bir zamanda onlara çatdırılmasına çalışır. Azərbaycan qazının ixracına böyük ehtiyac var. Bu layihə Azərbaycan üçün həm siyasi, həm də iqtisadi baxımdan böyük əhəmiyyət kəsb edir. Bu layihə reallaşandan sonra isə Azərbaycana əlavə vəsaitlər gələcək, insanların rifah halı daha yüksələcək. Mən bu layihəni “əsrin layihəsi” hesab edirəm. Ümumiyyətlə, Avropa layihələrə vəsait ayırdığı ölkələrdə sabitliyin bərqərar olmasında maraqlı olur. Bu, Azərbaycan dövlətinin gələcək inkişafı üçün mühim şərtdir”.

Vasif Həsənli
 Ölkə.Az

ŞƏRH YAZ
0

Neftin qiyməti bahalaşdı

Neftin qiyməti bahalaşdı
12:25
Bu gün
229
İqtisadiyyat
A
Dünya birjalarında neftin qiyməti bahalaşır.

"Ölkə.Az" xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,16 dollar artaraq 79,94 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,22 dollar bahalaşaraq 69,34 dollar olub.

ŞƏRH YAZ
0

Bu günə olan xarici valyuta MƏZƏNNƏLƏRİ

Bu günə olan xarici valyuta MƏZƏNNƏLƏRİ
09:38
Bu gün
360
İqtisadiyyat
A
Azərbaycan Mərkəzi Bankı 22 oktyabr tarixindən etibarən valyuta məzənnələrini açıqlayıb.

Mərkəzi Bankdan "Ölkə.Az"a verilən məlumata görə, oktyabrın 22-nə olan rəsmi məzənnələr bülleteninə əsasən, ABŞ dollarının rəsmi məzənnəsi 1,7000 manat təşkil edir.

Manata nəzərən avronun məzənnəsi 1,9570 manat təşkil edir.

1 türk lirəsi 0,3012 manat, 1 rus rublu 0,0259 manat, 100 İran rialı 0,0040 manat, 1 gürcü larisi isə 0,6321 manatdır.

ŞƏRH YAZ
0
BAĞLA