Yeni tanışla romantik görüş ola bilər

Yeni tanışla romantik görüş ola bilər
01:25
10.02.2018
3476
Maraqlı
A

Qoç - rahatlığa can ataraq qarşınızdakı sədləri və maneələri görməzdən gəlməyin. Çətinliklər həllini tələb edir. Yaşam arealının rekonstruksiyası üçün əlverişli zamandır. Psixoloji amillərə diqqətli yanaşın.

Günün ikinci yarısında yaxınlarınızla münasibətlərdə qayğıkeş olun. Dediklərinizə fikir verin. Mübahisə riski var. Yeni tanışla romantik görüş ola bilər. Bələd olmadığınız insanlarla çəkişməyin.

Buğa - günün ilk yarısından etibarən sürətlə çalışmağa başlayın. İşlərin axarına süni təkan verməyin. Boş söhbətlərə qatılmayın. Dövr üçün aktual məsələlərin müzakirəsinə başlayın. Yeni tanışlıqlar və layihələr olacaq.

Günün ikinci yarısında emosional durumunuza hakim olun. İntuisiyadan daha çox məntiqə güvənin. Sayıq davranın.

Evlə bağlı qəfil problemlər yarana bilər. Texnika və ya mexanizmin sıradan çıxması istisna deyil. Axşam saatlarında dostlarla görüşə bilərsiniz.

Müsbət emosiyalarınızı əsirgəməyin.

Əkizlər - daşınmaz əmlak, ticarət və xidmət sahələrində çalışırsınızsa, uğurlu gündür. Ailə büdcəsini yaxşı planlaşdırın, bədxərcliyə yol verməyin.

Maliyyə məsələlərində diqqətli olun. Alış-verişə çox baş qoşmayın.

Günün ikinci yarısında maddi məqamların çözülməsində dostların və tanışların yardımlarından bəhrələnə bilərsiniz. Həddən artıq işləməyin. Əks təqdirdə ifrat yorğunluq, stress hiss edəcəksiniz.

Axşam saatlarında neqativ anların "intiqam"ını ailə üzvlərindən almayın.

Xərçəng - bu gün sizi yalnız daxili aləminiz maraqlandırmasın. Dəyər verdiyiniz insanlarla təmaslarda laqeyd və soyuqqanlı olmayın. İzafi emosionallıqda zərər var. Yaradıcılıq potensialınızı ağır problemlərin həllinə yönəldin. İnciklik və anlaşılmazlıq yaranarsa, qarşı tərəfin istəklərini anlamağa çalışın.

Günün ikinci yarısında dartışmalara, fikirlərin mütləq şəkildə aydınlaşdırılmasına meylli olmayın. Ətrafdakı insanların can atdıqları məqsədlərin nədən ibarət olduğunu təhlil edin.

Axşam saatlarında normal istirahətə haqqınız var.

Şir - maraqlandığınız predmetlə bağlı maksimum informasiya əldə etməyə çalışın. Belə hazırlıqda fayda var. İstənilən formada gözlənlməz hadisəni sürpriz kimi qarşılamayın.

Yeni layihələrin reallaşdırılmasını ertələyin. Günün ikinci yarısında uzunmüddətli səfərə çıxmayın.

Axşam saatlarını sakit şəraitdə, ailə üzvləri ilə birlikdə keçirin. Sevdiyiniz insan sizi dəstəkləyəcək.

Subaysınızsa, aradığınız insanı tapacaqsınız.

Qız - qrup və korporativ maraqları ümdə məsələ sayaraq yaxınlarınızın mənafelərini unutmayın. Əsas məsələ mənfəət deyil. Bütün fəaliyyətinizi, sadəcə, gəlir əldə etmək üstündə kökləməyin. Saatlar keçdikcə enerjiniz artmalıdır.

Aktiv olun, problemlərin həllində yeni ideyalardan yararlanın.

Praqmat davranın.

Günün ikinci yarısında yaxınlarınızın mübhəm saxlamağa çalışdıqları məqamları nəyin bahasına olursa-olsun, öyrənməyə çalşımayın. Tərəfdaş və ya şəriklə dost münasibətlər qurun. Belə münasibətlərin yaxşı perspektivləri var.

Tərəzi - daşınmaz əmlak və ərzaqla bağlı əməliyyatlar uğurlu nəticə verə bilər. Əldə etdiyiniz nailiyyətlərinizin ətrafınızdakı insanlar tərəfindən təqdirini gözləməyin. Kimsəyə fikir vermədən irəliləyin. Statusunuzu artırın, mövqelərinizi möhkəmləndirin.

Günün ikinci yarısında kütləvi tədbirdə diqqət mərkəzində olmağa çalışmayın. Axşam saatlarında sərt olmayın, aqressiv davranmayın. Nüfuzunuzu korlaya biləcək addımlar atmayın. Yaxınlarınızla qayğıkeş olun. Münaqişəyə və ya dartışmaya yol verməyin.

Əqrəb - maliyyə məsələlərinin çözülməsi üçün yaxşı zamandır. Ailə büdcəsini yenidən planlaşdıranda mövcud situasiyanın təfərrüatlarını nəzərə alın. Yeni bilikləri uğurla əxz edin. Uzaq səfərə çıxmaq olar.

Günün ikinci yarısında sizdən uzaqdakı insanlarla qəfil görüş ola bilər. Layihələrə başlayanda yanınızdakı insanların mənafelərini də nəzərə almağı unutmayın. Vəziyyətdə müəyyən dəyişikdikləri ehtiva edin. Sayıq davranın.

Axşam saatlarında yaxşı istirahət edin, əylənin.

Oxatan - günün ilk yarısında yaşam potensialınız pis deyil. İdeyalarınızı reallaşdırmaq üçün müstəqil fəaliyyət göstərin. Bütün diqqəti özünüzə cəlb etməyə çalışmayın. Kölgədə, arxa planda qalmaq daha məsləhətdir.

Günün ikinci yarısında intuisiyanıza güvənin. Maliyyə məsələlərinin həlli üçün pis zaman deyil.

Ailə büdcəsi ilə bağlı məsələləri yaxınlarınızla müqayisə etməyin. Köhnə, mənasını itirmiş əlaqələri kəsin. Yeni tanışların şirnikləndirici vədlərinə inanmayın.

Oğlaq - hisslərə qapılmayın, emosional davranmayın. Tərəfdaş və ya şəriklə kollektiv fəaliyyətdə yalnız öz maraqlarınızın təminatını düşünməyin. Təcrübənizlə biliklərinizi artırmağa çalışın. Maliyyə məsələlərində diqqətli, sayıq olun.

Günün ikinci yarısında planlarda dəyişikliklər ola bilər.

Ailə üzvləri ilə qarşılıqlı anlaşma həddən ziyadə önəmli məsələdir. Vədlərinizə əməl edin. Mənafelərinizin təminatı üçün yalan danışmayın.

İstəklər toplusu arasında daha rasional və real təsir bağışlayanı seçərək onu gerçəkləşdirməyə başlayın.

Dolça - pozitiv olun, bədbin fikirlərdən uzaq durun. Tənbəllik etməyin. Ailə qayğıları və məişət işlərini plana çıxararaq bilavasitə məşğul olmanız gərəkən məsələləri unutmayın. Alış-veriş üçün münasib zamandır.

Günün ikinci yarısında olayların məcrası pis deyil. Gərəkli istiqaməti seçərək effektiv nəticələr əldə etməyə çalışın. Dəvət aldığınız tədbirə qatılın. Diqqətli olun, ətrafınızdakı insanların nə istədiklərini anlamağa can atın.

Laqeydlik sonradan ağır nəticələr verə biləcək səhvlərə səbəb ola bilər.

Balıqlar - yaradıcılıq, təhsil və maliyyə sahələrində işlər uğurlu olacaq. Təkbaşına qalmaq istəsəniz də, arzunuzu reallaşdırmağa can atmayın. Əyləncə və istirahəti təxirə salın.

Risk etməyin, avantüralara qatılmayın.

Günün ikinci yarısında bədxərclik etməyin. Səhhətinizin qayğısına qalın. Ailə daxilindəki münasibətlərin möhkəmlənməsi üçün birgə fəaliyyətə ehtiyac var.

Axşam saatlarında normal istirahət etməyə çalışın.

Ölkə.Az

ŞƏRH YAZ
0

Dostlar və ya tanışların yaşamınıza müdaxiləsinə imkan verməyin — Günün qoroskopu

Dostlar və ya tanışların yaşamınıza müdaxiləsinə imkan verməyin
01:04
Bu gün
3621
Maraqlı
A
"Ölkə.Az" milli.az-a iustinadla günün ulduz falını təqdim edir:

Qoç - peşəkar fəaliyyət müstəvisində aktiv hərəkətlər üçün əlverişli zamandır. Fiziki əməkdə fayda var. Uzaq yola çıxmaq olar. Mövqelərini müdafiə edəndə, maraqlarınızı qoruyanda ifrata varmayın.

Enerjinizdən effektiv istifadə edin.

Günün ikinci yarısında narazılıq və aqressiya hissləri sizə hakim olmasın.

Şəxsi münasibətlərdə nizam var. Dostlar və ya tanışların yaşamınıza sərt müdaxiləsinə imkan verməyin. İntriqalar hazırlayan adamı aşkarlayanda emosional davranmayın.

Buğa - fikirləriniz və niyyətləriniz pis olmaya bilmir. Amma inadkar, aqressiv olsanız və üstəlik, yaxın ətrafınızdakı insanlara nəzarət etməyə çalışsanız, belə davranış mübahisələrə, hətta toqquşmalara səbəb olacaq.

Bilavasitə öhdənizdəki işlərlə məşğul olun. Başqalarına necə yaşamağın gərəkdiyini öyrətməyin.

Günün ikinci yarısında bütün işlərlə bağlı təkbaşına qərar vermək istəyiniz ailə üzvləri ilə münasibətləri korlaya bilər. Yaxınlarınızın səvləri barədə ucadan danışmayın, bu məsələləri geniş müzakirə obyektinə çevirməyin.

Mənasız və yersiz iradlar ünsiyyəti korlayacaq.

Əkizlər - aktiv fəaliyyət üçün əla gündür. Çətin məsələləri həll etmək, mürəkkəb texniki problemləri çözmək gərəkdir. Enerji potensialınızın səviyyəsi yüksəkdir. Fəaliyyətinizi faydalı, gərəkli məcraya yönəltsəniz, yaxşı nəticələr əldə edəcəksiniz.

Günün ikinci yarısında texnika, proqramlaşdırma və ya kommunikasiyalar sahələrində irəliləyişlərə can atın.

Yumor hissi ailədəki bəzi problemləri yumşaltmağa və çözməyə imkan verəcək. Yaxınlarınız belə davranışı dəyərləndirəcəklər. Sevdiyiniz insan üçün kiçik bayram hazırlayın.

Xərçəng - riskli addımlar atmaqdan çəkinməyin, çoxdan bəri planlaşdırdığınız addımı atın. Qərarınız ilk baxışdan təhlükəli təsir bağışlasa da, nəticə sizi sevindirə bilər. Yaxın ətrafınzdakı insanlara nəzarət istəklərindən əl çəkin.

Günün ikinci yarısında baş verən hadisələrə obyektiv nəzər salın. Əhvalınızın dəyişməsi bəzi işlərin ertələnməsinə səbəb olacaq. Axşam saatlarında sevdiyiniz insanla ünsiyyət sizi nevrozdan və depressiyadan qurtara bilər.

Şir - bəzi hadisələr ətrafınızdakı insanlarla münasibətlərə təsir edə bilər. Bilik və bacarıqlarınızı nümayiş etdirin. Mədəniyyətsiz, qaba insanlardan uzaq durun. Situasiya əlverişsiz olarsa, amiranəlik eşqinə düşməyin.

Günün ikinci yarısında bələd olmadığınız insanlara irad bildirməyin. Şəxsi münasibətlərdəki bəzi nüanslar təşviş yarada bilər. Qısqanclıq etməyin, fərdiyyətçiliyə qapılmayın.

Qız - səbrli, təmkinli olmağa çalışın. Yaxşı tanımadığınız insanlara izafi önəm verməyin. Soyuqqanlı və məntiqli davranmasanız, dəyər verdiyiniz insanların xətrinə dəyə bilərsiniz. Münaqişəyə səbəb olmayın. Emosional fon stabil deyil. Ziddiyyətli açıqlamalar səbr kasanızı daşdırmasın.

Günün ikinci yarısında dəvət aldığınız tədbirə yollanmayın. Adamların gur olduğu yerdə özünüzü yaxşı hiss etməyəcək, nevroz vəziyyətdə olacaqsınız. İrimiqyaslı anlaşmalar və müqavilələr zamanı deyil.
 

Tərəzi - gərgin və ziddiyyətli, ağır gündür. Problemlərin miqyasını həddən artıq artırmayın. Kiçik qələbələri görməyi bacarın. Ən kiçik səhvin fəsadları aradan qaldırılmasa, situasiya ağırlaşacaq. Yaxın ətrafınızdakı insanların məsləhətlərinə çox önəm verməyin.

Günün ikinci yarısında qohumlarınızın dəstəyinə ehtiyacı var. İşdə və ailədə münaqişələr yarana bilər. Fəaliyyət müstəvisindəki problemləri vaxtında həll etməyə can atın. Əks təqdirdə, çətinliklər xroniki forma ala bilər. Güzəştə getməyi unutmayın.

Əqrəb - İfrat mülayimlik, kompromisslərə ifrat meyllilik pis nəticə verə bilər. Bununla yanaşı, yaxın ətrafınızdakı insanlarla səmimi olsanız, münasibətləri qoruya bilərsiniz. Yaxşı məziyyətlərinizi nümayiş etdirin. Yaşlı qohumların məsləhətlərinə qulaq asın.

Günün ikinci yarısında qarşınıza çıxan və sizə maneələr yaratmağa can atan adama rəhm etməyin. Aktiv olun, süst davranmayın. Bununla belə, ehtiyatı da əldən verməyin. Bütün vasitələri işə salaraq məqsədə mümkün qədər tez çatmaq ideyasını unudun.

Oxatan - yaxın ətrafınızdakı insanların yardımlarından boyun qaçırmayın. Onlar sizə dəstək verməyə çalışırlar. Yaradıcı fəaliyyətlə məşğulsunuzsa, işlərinizdə ciddi irəliləyişlər olacaq. Yeni tərəfdaş və ya dost qazana bilərsiniz.

Günün iikinci yarısında sürprizlər olacaq. Enerji potensialınızın səviyyəsininin aşağı düşməsi səbəbindən iştahınız artacaq. Tamahınıza məğlub olmayın. Axşam saatlarında dostlarla görüşmək olar.

Oğlaq - mümkün qədər ehtiyatlı olun. Sərvaxt davranın, illüziyalara qapılmayın. Qərarlarınız düşünülüb-daşınılmış, məntiqi olmalıdır. Hisslər burulğanına düşsəniz, ağır fəsadlı səhvlər istisna deyil.

Günün ikinci yarısında rəqiblə qarşıdurmanızın nəticəsi seçiminizdən asılıdır. Yaxınlarınızla təmaslarda çətinliklər yarana bilər. Ötənlərdə pərdələnmiş sirr faş olacaq və bu, ünsiyyətə təsir edəcək.

Dolça - görülən işlərin miqyası və nəticəsindən asılı olmayaraq natamamlıq, narazılıq hissləri yarana bilər. Həddən artıq enerji, habelə ağır zəhmət tələb edən işə başlamayın. Rutin işlərlə məşğul olun, yaşamın yeknəsək ritminə kobud müdaxilə etməyin.

Günün ikinci yarısında texnika almağa dəyməz. Qəti qərar qəbul etməyə güc tapın, başqalarından asılı qalmayın. Müqavimətin daha az, sədlərin daha seyrək olduğu istiqaməti seçin.

Balıqlar - hər şeyi və həmişə nəzarətdə saxlamaq mümkün deyil. Bəzi işləri vaxtında görmək üçün etibar etdiyiniz adamla çalışın. Situasiya təbii axarında inkişaf etsin.

Siz isə daha önəmli məsələlərin həllinə can atın.

Dəyər verdiyiniz insanla günün ikinci yarısında qayğıkeş, səmimi olun. Axşam saatları romantik təmaslar üçün əlverişlidir.

Vəziyyətə təsir etmək olar.

Ölkə.Az

ŞƏRH YAZ
0

İmmuniteti gücləndirir, xərçəng riskini azaldır — NARİNGİNİN BİLİNMƏYƏN FAYDALARI

İmmuniteti gücləndirir, xərçəng riskini azaldır
17:43
14.12.2018
16901
Maraqlı
A
Qış aylarının vaz keçilməz meyvələrindən biri də naringidiri.

“Ölkə.Az” xəbər verir ki, tərkibində C, A, B vitaminləri, kalsium, lif, potasium, dəmir və fosfor olan naringi sağlamlıq mənbəyidir. İmmunitet sistemini gücləndirməkdən tutmuş, xərçəng riskini azaltmağa qədər bir çox faydası var. Oxucularımıza naringinin bilinməyən faydalarını təqdim edirik.

İmmunitet sistemini gücləndirir

Naringinin tərkibindəki C vitamini və flavonoidlər immunitet sistemini gücləndirir.


Yeni hüceyrələr yaradır

Naringinin tərkibi B vitamini ilə zəngindir. Bu maddə orqanizmdə DNA və RNA yranmasında iştirak edir və yeni hüceyrələrin yaranmasını dəstəkləyir.


Xərçəngə qarşı

Naringinin tərkibindəki folat xərçəngə səbəb olan DNA dəyişikliklərinin qarşısını alır. Ağ ciyər, döş, qida borusu və mədə xərçəngi kimi xərçəng növlərinin inkişafının qarşısını alır.

İştah

Naringinin tərkibindəki pektin maddəsi uzun müddət toxluq hissi yaradır. Aparılan araşdırmalara əsasən, naringi kökəlmə problemi olan insanlarda iştah nəzarətinə kömək edir və kalori qəbul etməyin qarşısını alır.


Yüksək qan təzyiqinin qarşısını alır
Naringinin tərkibindəki potasium yüksək qan təzyiqinin qarşısını alır, infark riskini azaldır. Bundan başqa flavonoidlər xolesterolun azalmasına təsir edir.


Sümük əriməsinə qarşı
Potasium həm də sümük sağlamlığı üçün vacib bir mineraldır. A vitamini və potasium sağlam sümük inkişafını dəstəkləyir və sümük əriməsinin qarşısını alır.


Yaraları sürətlə sağaldır
Naringinin tərkibində olan C vitamini orqanizmdə kollagen sintezi üçün önəmlidir. Kollagen yaraların tez sağalmasını təmin edir.


Dəmir sovrulmasını artırır

C vitamini eyni zamanda qidalarla qəbul edilən dəmirin orqanizm tərəfindən sovrulmasını təmin edir.


Göz xəstəliklərinə qarşı
Naringinin tərkibində olan A vitamini göz üçün faydalıdır. Kifayət qədər A vitamini qəbul etmək toyuq korluğu, degenerasiya və katarakt yaranması riskini azaldır.


Qanın tərkibindəki şəkər
Naringinin tərkibindəki flavonoidlər diabetə qarşı mübarizədə rol oynayır. Bu maddə xəstəliyə səbəb olan molekulları neytrallaşdıran antioksidantlardır.


Qabığını atmayın
Naringinin qabığındakı ağ liflərin tərkibi həzm sistemi üçün faydalıdır. Bundan başqa ağ liflərin tərkibində pektin və diet lifi var. Bu isə xolesterolu azaldır, qanda şəkərin miqdarını balanslaşdırır.


Çəyirdəyi atın
Naringinin tərkibində olan çəyirdəyi atın. Çünki çəyirdək korbağırsağın yaranmasına səbəb olur.

Hikmət Həsənov
Ölkə.Az

ŞƏRH YAZ
0
BAĞLA