Yeniyetmələri xilas edən dalğıc məhkəmədə onu təhqir edən İlon Maska uduzdu

Yeniyetmələri xilas edən dalğıc məhkəmədə onu təhqir edən İlon Maska uduzdu
00:36
09.12.2019
1052
Dünya
A
Los-Ancelesin andlılar məhkəməsi müəyyən edib ki, İlon Maskın britaniyalı dalğıc Vernon Ansvortu “pedofil” adlandırdığı tvit böhtan hesab olunmur. Buna görə Mask cinayət məsuliyyətinə cəlb edilə bilməz.

"Ölkə.Az" bildirir ki, məhkəmə zalından çıxan Mask jurnalistlərə açıqlamasında insanlığa inamının bərpa olduğunu bəyan edib.

Ansvort 2018-cil ilin sentyabrında Maska qarşı məhkəmə iddiası qaldırıb. İlk növbədə o, “Tesla” və “SpaceX” şirkətlərinin yaradıcısından dəyən mənəvi ziyana görə 75 min dollar məbləğində kompensasiya tələb edib. Bundan başqa, o, Maskdan sosial şəbəkələrdə əleyhinə heç bir fikir paylaşmamağı şərt kimi irəli sürüb.

Lakin məhkəmə iclası başladıqdan sonra dalğıcın vəkili Maskın 190 milyon dollar ödəməli olduğunu bildirib.

Qeyd edək ki, Vern Ansvort 2018-c ildə Tailandda yeniyetmələri mağaradan xilas etmə əməliyyatında iştirak edib. Əməliyyat iki həftəyə qədər davam edib və böyük səs-küyə səbəb olub. Mask o zaman özünün layihəsi olan mini-submarindən istifadəni təklif etsə də, Ansvort bu təklifi ictimai şəkildə tənqid etmişdi. Bundan sonra İlon Mask onu “pedofil” adlandırmışdı. Baxmayaraq ki, daha sonra Mask elə tvit vasitəsilə də dalğıcdan üzr istəmişdi.

ŞƏRH YAZ
0

Şahzadə Diananın avtomobili SATIŞA ÇIXARILDI — FOTO

Şahzadə Diananın avtomobili SATIŞA ÇIXARILDI
01:19
Bu gün
82
Dünya
A
Şahzadə Diananın avtomobili 1994 – ci il istehsalı olan Audi 80 satışa çıxarılıb.

“Ölkə.Az” xəbər verir ki, bu barədə “Gulf News” nəşri məlumat yayıb.

Avtomobil bir neçə sahib dəyişdirməsinə baxmayaraq, əla vəziyyətdədir. Avtomobil cəmi 22 min mil (35 min kilometrdən bir az çox)  məsafəni qət edib.

“Audi” şirkəti Şahzadə Diananın bu modeli idarə etməyə başladıqdan sonra satışın 2 dəfə artdığını etiraf edib.

Avtomobil 133 at gücünə sahib, 2.3 litr həcmli beş silindrlidir.  Onun oturacaqları açıq rəngli dəri ilə işlənilib.

Kabriolet mart ayının sonunda Birminqemdə avtomobillərə həsr olunmuş tədbirdə satışa çıxarılacaq. Avtomobilin dəyəri 35- 40 min funt sterlinq arasında qiymətləndirilir.

Ölkə.Az

ŞƏRH YAZ
0

Fırıldaqçılara inanmayın və ucuz toyuq əti almayın — VİRUS TƏHLÜKƏSİ, NECƏ QORUNMALI?

Fırıldaqçılara inanmayın və ucuz toyuq əti almayın
00:38
Bu gün
293
Dünya
A
Yanvarın 18-də Ukraynanın Vinnitsa bölgəsinin Nemirovski rayonundakı "Xutor" sənaye müəssisəsində qeydə alınan toyuq ölümü bütün Avropa və MDB ölkələrini narahat etdi.

Laboratoriya müayinələrinin köməyi ilə xəstəliyə son 3 ildə eşidilməyən quş qripi (tip A, tip H5) diaqnozu qoyuldu. Xutordan əlavə, Kolosok JLLC və Nemirov-Podolia MMC şirkətlərinin təsərrüfatları da karantinə alındı. Nemirovski rayonunda 3 km radiusda 9 yaşayış məntəqəsində mühafizə zonası, və eyni bölgənin 23 yaşayış məntəqəsində nəzarət zonası yaradıldı.

Vinnitsa bölgəsinin Dövlət Qida və İstehlak Xidmətinin məlumatına görə, epizootik ərazidə 116 min quş var. Yanvarın 21-ə olan məlumata görə, 22 min quş məhv edilib və sonrakı günlərdə bu rəqəm 108 minə-ə çatıb.

Qeyd olunur ki, 2020-ci ilin əvvəlinə olan məlumata görə, Ukraynadakı müəssisə və ev təsərrüfatlarında təxminən 220 milyon quş saxlanılır.

Heyvanların Sağlamlığının Qorunması Ümumdünya Təşkilatının hesabatına görə, Ukraynada quş qripinin işartıları zamanı 4 min 856 toyuq tələf olub. Avropa Birliyi Ukraynadan quş əti, quş əti məhsulları və termal işlənməmiş quş məhsulları idxalını dayandıracağını bildirib. Qeyd edək ki, yumurta və yumurta məhsullarına isə məhdudiyyətlər qoyulmayıb.

Vacib məqamı nəzərinizə çatdıraq ki, dünyada quş qripinin başlaması ilə yanaşı, ilk dəfə Çində aşkar olunan naməlum koronavirus qurbanlarının sayı artır və bu cür təhlükələrdən qorunmağın yolları məsələsi aktuallaşır.

Əsas problem odur ki, hazırda Ukrayna tədarükçüləri çox sayda toyuq əti toplayıblar ki, bu da digər ölkələr üçün təhlükəli ola bilər. Vicdanlı şirkətlər heç kimə zərər verməmək üçün mallarını məhv edirlər, lakin bununla yanaşı fırıldaqçıları, vicdansız iş adamlarını unutmaq olmaz. Onlar zərərləri azaltmaq və qripə yoluxmuş quş və quş əti məhsullarını digər ölkələrə ucuz sataraq, bundan qazanc əldə etməyə hazırdırlar. "Qurban ölkələr" arasında Azərbaycan da ola bilər.

Bəzi mağazalarımızın rəflərində tez-tez cəlbedici qiymətə toyuq və toyuq əti görə bilərsiniz. Adətən insanlar belə ucuz məhsulların üzərində müvafiq təhlükəsizlik sertifikatlarının olub-olmamasına baxmırlar.

Buna görə də, quş əti alarkən riskləri azaltmaq üçün sadə qaydaları bilmək çox əhəmiyyətlidir:

- Quş ətini yalnız rəsmi bazarlardan, supermarketlərdən almaq lazımdır. Ticarət üçün nəzərdə tutulmamış və pərakəndə satış yerlərindən almaq olmaz.

- Normal toyuq əti solğun sarı rəngli piyə və açıq çəhrayı rəngə malik olur.

-  İlkin termik emalsız quş ətindən istifadə etməyin. Virus yalnız 70+ dərəcədə məhv olur.

- Yalnız sizə yaxşı tanış olan və etibar etdiyiniz şirkətlərin məhsullarını alın. 

- İstifadədən əvvəl yumurtaları qaynayan suda mümkün qədər çox saxlamaq lazımdır. Qaynar suya qoymazdan əvvəl isə yumurtaları sabunla yuyun. 

- Çiy yumurtalar əsasında xəmirin hazırlamasından çəkinin.

ŞƏRH YAZ
0
BAĞLA