Yer kürəsinə tarixin ən böyük asteroidi yaxınlaşır
Sentyabr ayında Yer kürəsi yaxınlığından NASA-nın müşahidə apardığı tarixdə ən böyük asteroid keçəcək.
NASA-nın məlumatına əsasən, diametri 4,4 kilometr olan “Florence” asteroidi 1 sentyabr 2017-ci il tarixdə Yer kürəsinə yeddi milyon kilometr məsafədə yaxınlaşacaq.
“Bəzi asteroidlər Yerə “Florence”dən daha yaxın məsafədə yaxınlaşıblar, lakin onların hamısının ölçüləri kiçik olub. “Florence” — NASA-nın səma cismlərinin aşkar edilməsi və izlənilməsi layihəsi çərçivəsində Yer kürəsinə yaxınlaşacaq ən böyük asteroid olacaq”, - NASA-nın Pasadenadakı nümayəndəsi Pol Xodas deyib.
Ekspertlər əmin edirlər ki, asteroidin Yerə yaxınlaşması təhlükəli deyil. (oxu.az)
Ölkə.Az
