“Ölkə.Az” xəbər verir ki, Xorenatsi küçəsindən keçən etirazçılar Tiqran Metsa prospektini bağlayıb. Nümayişçilər yerə oturaraq hərəkəti dayandırıblar.

Paşinyan sürücülərdən üzr istəyərək vəziyyəti izah edib.

Polis isə, qaydaları pozduğuna görə 30 aksiya iştirakçısını saxlayıb.

Paşinyan isə, Yerevan polis rəisinin ona təqdim etdiyi mitinqi dayandırmaq barədə bildirişi cırıb.

Hazırda mitinq iştirakçıları Baş Prokurorluq və XİN binasını mühasirəyə alıb.

Hikmət Həsənov
Ölkə.Az

“Ölkə.Az” xəbər verir ki, tunisli bir şəxs 21 ildir ki, dövlətdən 1168 avro sosial yardım alır. Bu şəxsin Bin Ladenin mühafizəçisi olduğu üzə çıxıb. Alman mətbuatı müəyyən səbəblərə görə şəxsin adını yayımlamayıb.

Tunisə deportasiya edilmə tələbi isə işgəncələrə məruz qalacağı səbəbi ilə Almaniya tərəfindən rədd edilib.

Bin Ladin 2011-ci ildə ABŞ xüsusi təyinatlıları tərəfindən Pakistanda öldürülüb. 11 sentyabr hücumçularından ən azı üç nəfərin Hamburqda yaşadığı deyilir.

Sami A. Adlı şəxs isə 2000-ci ildə bir neçə ay Bin Ladinin mühafizəçisi olub. Amma Sami bu iddiaları rədd edir.

Hikmət Həsənov
Ölkə.Az

“Ölkə.Az” xəbər verir ki, şahın qalıqları Rey şəhərindəki Şah-Əbdül-Əzim xatirə kompleksində aparılan yenidənqurma işləri zamanı aşkar edilib.

Dövlət rəsmisi Həsən Xəlilabadi bildirib ki, ekspertlər qalıqları tədqiq etdikdən sonra şahın nəşi dəfn ediləcək.

Rza Pəhləvi 1944-cü ildə taxtdan salınıb. O, Cənubi Afrikada sürgündə ölüb və meyiti bu günə qədər tapılmamışdı.

Hikmət Həsənov
Ölkə.Az