"Yerli erməni klanı hakimiyyətə gələrsə, Qarabağ probleminə münasibət dəyişəcəkmi?" — Politoloqun cavabı

13:47
18.03.2017
179
Siyasət
A
Ermənistanı mitinq dalğası bürüyüb.

Qarşıdan gələn seçkilər ərəfəsində Ermənistanda vəziyyətin dəyişəcəyi gözlənilən idi. Ekspertlər klanlar arası savaşın artıq başladığını bildirir.

Qarabağ və yerli erməni klanı arasında gedən savaşda kimin qalib gələcəyi bilinmir. Bu daha çox Rusiyanın qərarından asılı olacaq. Azərbaycanı düşündürən isə Dağlıq Qarabağ problemidir.

Ermənistanda yerli erməni klanı hakimiyyətə gələrsə, Dağlıq Qarabağ probleminə münasibət dəyişərmi? Bu sualı politoloq Adıgözəl Məmmədov "Ölkə.Az"-da cavablandırıb:

"Faktiki olaraq Qarabağ klanının Ermənistanda siyasi rıçaqları ələ keçirməsi istər-istəməz yerli insanlarda bir qıcıq hissi yaradırdı. Yerli ermənilər bildirir ki, hazırki klan Qarabağ müharibəsinin toz-torpağında hakimiyyətə yiyələniblər. Levon Ter Petrosyan açıq deyirdi ki, Qarabağ klanı bütün Ermənistan siyasi hakimiyyətini müharibə toz-dumanında mənimsəyib. Petrosyan Qarabağ klanını siyasi mədəniyyətsiz adlandırırdı.

Ermənistanda iki tendensiya var. Əyalət siyasətçiləri ilə aristokrat siyasətçilər arasında mübarizə gedir. Onların baxışlarında, düşüncə tərzlərində, regionda baş verən problemlərə münasibətlərində fərq var.

Güman edirəm ki, yerli klan hakimiyyətə gəlsə, Qarabağ məsələsinə yanaşmada istər-istəməz müəyyən bir korrektələr olacaq. Ancaq yerli ermənilər üçün bu məsələdə bir çətinlik var. Onlar istəmirlər Qarabağ klanının əlinə elə bir kart versinlər ki, sonradan onları Qarabağı qaytarmaqda ittiham etsinlər. İstər-istəməz düşüncə tərzi fərqli olduğuna görə, danışıqlarda müəyyən bir yumşalma ola bilər. Ciddi bir nəticə gözləmək çətindir. Çünki Qarabağ klanı vətən, millətçiliyi ön plana çəkərək hakimiyyətə yiyələniblər.

Rusiyanın da marağında var ki, Ermənistanda siyasi elita dəyişsin. Hiss olunur ki, indiki siyasi rəhbərliyi Rusiyanın çağırışlarına birmənalı yanaşmır. Bu isə Ermənistanın bütün varlığının sahibi olan Rusiyanın siyasi dariələrində Ermənistan siyasi elitası ilə bağlı müəyyən təftişlər yaradır".

Səxavət Məmməd
Ölkə.Az

ŞƏRH YAZ
0

Aleksandr Vuçiç Fəxri xiyabanı və Şəhidlər xiyabanını ziyarət etdi

Aleksandr Vuçiç Fəxri xiyabanı və Şəhidlər xiyabanını ziyarət etdi
10:05
Bu gün
173
Siyasət
A
Azərbaycan Respublikasında rəsmi səfərdə olan Serbiya Respublikasının Prezidenti Aleksandr Vuçiç bu gün Fəxri xiyabana gələrək ümummilli lider Heydər Əliyevin xatirəsini ehtiramla anıb, məzarı önünə əklil qoyub.

“Ölkə.Az” xəbər verir ki, ali qonaq görkəmli oftalmoloq-alim, akademik Zərifə xanım Əliyevanın da xatirəsini yad edib, məzarı üzərinə tər güllər düzüb.

Sonra Aleksandr Vuçiç Şəhidlər xiyabanını ziyarət edib. Burada Serbiya Prezidentinin şərəfinə fəxri qarovul dəstəsi düzülüb.

Prezident Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının məzarlarını ziyarət edib.

Serbiya Prezidenti “Əbədi məşəl” abidəsinin önünə əklil qoyub.

Müdafiə Nazirliyinin əlahiddə nümunəvi orkestrinin ifasında Serbiyanın və Azərbaycanın dövlət himnləri səsləndirilib.

ŞƏRH YAZ
0

İlham Əliyev yeni zavodun açılışında

İlham Əliyev yeni zavodun açılışında
09:55
Bu gün
227
Siyasət
A
Bakının Suraxanı rayonunda “ATEF Şirkətlər Qrupu”nun yüksəkgərginlikli avadanlıqlar zavodunun açılışı olub.

"Ölkə.Az" xəbər verir ki, Azərbaycan Respublikasının Prezidenti İlham Əliyev açılışda iştirak edib.

ŞƏRH YAZ
0
BAĞLA