Yerro İspaniya yığmasından getdi

Yerro İspaniya yığmasından getdi
21:06
08.07.2018
2978
İdman
A
Fernando Yerro İspaniya yığmasının baş məşqçisi postundan azad edilib.

“Ölkə.Az” xəbər verir ki, Azərbaycan İspaniya Kral Futbol Federasiyası məlumat yayıb. Bildirilir ki, 50 yaşlı mütəxəssis həmçinin qurumdakı vəzifəsindən də istefa verib. 

Qeyd edək ki, Yerro dünya çempionatı başlamamışdan bir gün əvvəl istefa verən Xulen Lopeteqin yerinə İspaniya yığmasına baş məşqçi gətirilib. 

Ölkə.Az

 

ŞƏRH YAZ
0

Çempionlar Liqasının pley-off mərhələsinin ilk oyunları keçirildi

Çempionlar Liqasının pley-off mərhələsinin ilk oyunları keçirildi
09:29
Bu gün
186
İdman
A
UEFA Çempionlar Liqasının pley-off mərhələsinin ilk oyunları keçirilib.

"Ölkə.Az" xəbər verir ki, turun ilk oyun günündə üç görüş olub. Qitənin ən nüfuzlu klub turnirində “Qarabağ”ı mübarizədən kənarlaşdıran Belarusun BATE komandası Hollandiya təmsilçisi PSV-ni qəbul edib. Hesabı meydan sahibləri açsalar da, qonaqlar 3:2 hesablı qələbəyə nail olublar.

Portuqaliyada “Benfika” Yunanıstanın PAOK klubu üzərində qələbəni əldən verib. Tərəflər hərəyə bir dəfə fərqləniblər.

Serbiyada "Srvena Zvezda” ilə Avstriyanın “Zaltsburq”u arasındakı görüşdə isə hesab açılmayıb.

Mərhələnin digər üç qarşılaşması - “Ayaks” - “Dinamo Kiyev”, “Vidi” - AEK, “Yanq Boyz” - “Dinamo Zaqreb” avqustun 22-də baş tutacaq.

Qeyd edək ki, UEFA Çempionlar Liqasının pley-off mərhələsinin cavab görüşləri avqustun 28-də və 29-da keçiriləcək.

ŞƏRH YAZ
0

Şəhriyar Məmmədyarov Levon Aronyanla xalları bölüb

Şəhriyar Məmmədyarov Levon Aronyanla xalları bölüb
00:48
Bu gün
416
İdman
A
ABŞ-ın Sent-Luis şəhərində keçirilən "Sinquefield Cup" turnirinin IV turunda Azərbaycan şahmatçısı Şəhriyar Məmmədyarov ağ fiqurlarla ermənistanlı Levon Aronyanla qarşılaşıb.

"Ölkə.Az" xəbər verir ki, oyun 24-cü gedişdən sonra heç-heçə ilə yekunlaşıb - 0,5:0,5.

Bununla da Məmmədyarov xallarını 2,5-ə çatdırıb.

Turun digər görüşlərinə gəldikdə, rusiyalı Aleksandr Qrişuk fransalı Maksim Vaşye-Laqravla heç-heçə edib. Hazırda hindistanlı keçmiş dünya çempionu Vişvanatan Anandla norveçli hazırkı dünya çempionu Maqnus Karlsen qarşılaşır. Eyni zamanda Uesli So (ABŞ) - Sergey Karyakin (Rusiya) və Fabiano Karuana (ABŞ) - Hikaru Nakamura (ABŞ) görüşləri keçirilir.

On şahmatçının mübarizə apardığı "Sinquefield Cup" 300 min dollar mükafat fonduna malikdir. Qalib 75 min dollar qazanacaq.

Ölkə.Az

ŞƏRH YAZ
0
BAĞLA