Yevlax Mərkəzi Xəstəxanasındakı yanğın söndürüldü
Yevlax şəhəri Mərkəzi Xəstəxanasında baş vermiş yanğın nəticəsində xəstəxana binasının şaxtasında elektrik kabelləri və 4-cü mərtəbədə 4 ədəd oturacaq yanıb.
"Ölkə.Az"ın FHN-dən aldığı məlumata görə, yanğın zamanı bir neçə xəstə təhlükəsiz əraziyə təxliyyə olunub. Ölən və xəsarət alan yoxdur. Yanğın saat 15:18-də yanğınsöndürənlər tərəfindən söndürülüb.
***
Böhran Vəziyyətlərində İdarəetmə Mərkəzinə daxil olmuş məlumata əsasən, Yevlax Rayon Mərkəzi Xəstəxanasında tüstülənmə müşahidə olunur.
"Ölkə.Az"n FHN-dən aldığı məlumata görə, DYMX-nin yanğınsöndürmə qüvvələri və Aran Regional Mərkəzinin müvafiq xilasetmə qüvvələri dərhal hadisə yerinə cəlb olunub. Hazırda yanğınsöndürmə işləri davam etdirilir. Əlavə məlumat veriləcək.
