Yevlaxda ağır qəza: ölən və yaralananlar var
Yevlaxda minik avtomobili yük maşını ilə toqquşub.
“Ölkə.Az” ONA-ya istinadən xəbər verir ki, hadisə Malbinəsi kəndi yaxınlığında qeydə alınıb.
“VAZ-2106” markalı minik avtomobilinin “QAZEL” markalı yük maşını ilə toqquşması nəticəsində biri ağır olmaqla 3 nəfər müxtəlif bədən xəsarətləri alıb. Xəsarət alanlar - 1988-ci il təvəllüdlü Xəlilov Elşən Yaşar oğlu, 2001-ci il təvəllüdlü Qədirli Yusif Qaragöz oğlu və onun qardaşı, 1996-cı il təvəllüdlü Qədirli Babək Qaragöz oğlu xəstəxanaya yerləşdiriliblər.
1988-ci il təvəllüdlü Xəlilov Elşən Yaşar oğlu, həkimlərin səyinə baxmayaraq, xəstəxanada keçinib. Digər yaralıların müalicəsi davam etdirilir.
Faktla bağlı araşdırma aparılır.
Ölkə.Az
