Yevlaxda ailə quran gənc oğlan həbsxanalıq oldu — Şok səbəb

Yevlaxda ailə quran gənc oğlan həbsxanalıq oldu
11:52
21.07.2019
26217
Hadisə
A
Yevlax rayonunda azyaşlıya qarşı seksual xarakterli zorakılıq hərəkətləri törətməkdə təqsirli bilinən Simran Talışlının cinayət işi üzrə məhkəmə prosesi başlayıb.

"Ölkə.Az" teleqraf.com-a istinadən bildirir ki, Yevlax rayon Məhkəməsində hakim Toğrul Əliyevin sədrliyi ilə baş tutan prosesdə prokuror ittiham aktını elan edib.

İttihama görə, Simran Talışlı yetkinlik yaşına çatmayan Samirə Vəliyeva ilə ailə qurub.

Toy mərasimi keçiriləndən sonra Simran Talışlı Samirə ilə cinsi əlaqədə olub. Simran Talışlı cinsi əlaqədə olan zaman Samirə Vəliyevanın 16 yaşlı tamam olmayıb.

Bu da qanunla nəzərdə tutulmuş qaydada cinayət hesab olunub.

Simran Talışlının 16 yaşına çatmayan qızla ailə qurduğu, sonra onunla cinsi əlaqədə olması barədə Yevlax rayon polis şöbəsinə məlumat verilib.

Polisdə aparılan araşdırma zamanı Simran Talışlının əməlində cinayət tərkibi olduğu üzə çıxıb və o, həbs edilib.

İstintaq orqanı tərəfindən Simran Talışlının barəsində Cinayət Məcəlləsinin 152.1-ci (on altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsi ilə cinayət işi başlanıb.

Qapalı məhkəmədə iclasında ifadə verən Simran Talışlı elan olunmuş ittiham üzrə özünü təqsirli bilməyib.

Simran Talışlı evlənərkən qızın yaşını dəqiq bilmədiyini, törətdiyi əməlin cnayət olmasından xəbərsiz olduğunu, qıza qarşı hər hansı zorakılıq etmədiyini deyib.

Məhkəmənin növbəti iclası iyulun 24-də davam edəcək.

Qeyd edək ki, məlum hadisəyə görə təqsirləndirilən şəxsi 3 ilədək azadlıqdan məhrumetmə cəzası gözləyir.

Ölkə.Az

ŞƏRH YAZ
0

ABŞ-ın Azərbaycandakı səfirliyinin attaşesi qəzaya düşüb

ABŞ-ın Azərbaycandakı səfirliyinin attaşesi qəzaya düşüb
12:39
Bu gün
689
Hadisə
A
Bakıda səfirlik attaşesi qəzaya düşüb.

"Ölkə.Az" report-a istinadən xəbər verir ki, Bakının Tobçubaşov küçəsində səfirliyin attaşesi Conatan Norrisin idarə etdiyi “Toyota” ilə Oleq Müslümovun idarə etdiyi “Volvo” toqquşub.

Qəza zamanı sürücülər xəsarət almasa da, hər iki avtomobil əzilib.

ŞƏRH YAZ
0

Xırdalanda partlayış — Yaralananlar var

Xırdalanda partlayış
12:14
Bu gün
713
Hadisə
A
Abşeron rayonunun Xırdalan şəhərində partlayış olub.

FHN-dən "Ölkə.Az"a verilən məlumata görə, ümumi sahəsi 1080 m² olan (hər mərtəbəsi 360 m² sahədə) üçmərtəbəli binanın birinci mərtəbəsində yanğınla nəticələnən partlayış baş verib. Yanğın nəticəsində 1 otağın qapısı və içərisində olan 20 ədəd karton tara yanıb. Hadisə zamanı 1 nəfər xəsarət alıb. Bina yanğından mühafizə olunub. Yanğın yanğından mühafizə bölmələri tərəfindən söndürülüb.

Hadisə ilə əlaqədar müvafiq qurumlar tərəfindən təhqiqat aparılır.

ŞƏRH YAZ
0
BAĞLA