Yevlaxda ailə quran gənc oğlan həbsxanalıq oldu — Şok səbəb

Yevlaxda ailə quran gənc oğlan həbsxanalıq oldu
11:52
21.07.2019
26426
Hadisə
A
Yevlax rayonunda azyaşlıya qarşı seksual xarakterli zorakılıq hərəkətləri törətməkdə təqsirli bilinən Simran Talışlının cinayət işi üzrə məhkəmə prosesi başlayıb.

"Ölkə.Az" teleqraf.com-a istinadən bildirir ki, Yevlax rayon Məhkəməsində hakim Toğrul Əliyevin sədrliyi ilə baş tutan prosesdə prokuror ittiham aktını elan edib.

İttihama görə, Simran Talışlı yetkinlik yaşına çatmayan Samirə Vəliyeva ilə ailə qurub.

Toy mərasimi keçiriləndən sonra Simran Talışlı Samirə ilə cinsi əlaqədə olub. Simran Talışlı cinsi əlaqədə olan zaman Samirə Vəliyevanın 16 yaşlı tamam olmayıb.

Bu da qanunla nəzərdə tutulmuş qaydada cinayət hesab olunub.

Simran Talışlının 16 yaşına çatmayan qızla ailə qurduğu, sonra onunla cinsi əlaqədə olması barədə Yevlax rayon polis şöbəsinə məlumat verilib.

Polisdə aparılan araşdırma zamanı Simran Talışlının əməlində cinayət tərkibi olduğu üzə çıxıb və o, həbs edilib.

İstintaq orqanı tərəfindən Simran Talışlının barəsində Cinayət Məcəlləsinin 152.1-ci (on altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsi ilə cinayət işi başlanıb.

Qapalı məhkəmədə iclasında ifadə verən Simran Talışlı elan olunmuş ittiham üzrə özünü təqsirli bilməyib.

Simran Talışlı evlənərkən qızın yaşını dəqiq bilmədiyini, törətdiyi əməlin cnayət olmasından xəbərsiz olduğunu, qıza qarşı hər hansı zorakılıq etmədiyini deyib.

Məhkəmənin növbəti iclası iyulun 24-də davam edəcək.

Qeyd edək ki, məlum hadisəyə görə təqsirləndirilən şəxsi 3 ilədək azadlıqdan məhrumetmə cəzası gözləyir.

Ölkə.Az

ŞƏRH YAZ
0

Şəkidə 13 yaşlı oğlan itkin düşdü — FOTO

Şəkidə 13 yaşlı oğlan itkin düşdü
14:10
Bu gün
179
Hadisə
A
Şəkidə 13 yaşlı oğlan itkin düşüb.

"Ölkə.Az"ın Report-a istinadən məlumatına görə, Şəki şəhər sakini, 2007-ci il təvəllüdlü Hüseynəli Hüseynli yanvarın 13-də səhər saatlarında yaşadığı evdən çıxaraq bir daha geri qayıtmayıb.

O, evdən çıxarkən əynində qarışıq rəngli gödəkçə, qara şalvar və çəkmə, boz rəngli papaq olub.

Şəkildə gördüyünüz şəxsi tanıyanlardan və ya barəsində məlumatı olanlardan DİN-in “102” Zəng Mərkəzi Xidmətinə, həmçinin Şəki Şəhər Rayon Polis Şöbəsinə 024-244-25-50 şəhər, (055) 628-00-84 mobil nömrələrinə zəng vuraraq məlumat vermələri xahiş olunur.

Qeyd edək ki, yeniyetmə əqli qüsurludur.

ŞƏRH YAZ
0

Bakıda aptek işçiləri narkotik vasitələr satarkən saxlanılıblar

Bakıda aptek işçiləri narkotik vasitələr satarkən saxlanılıblar
12:51
Bu gün
397
Hadisə
A
Bakıda aptek işçiləri narkotik vasitələri satarkən saxlanılıblar.

Bu barədə "Ölkə.Az"a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, DİN Baş Narkotiklərlə Mübarizə İdarəsi əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində Xətai rayonu ərazisindəki apteklərin birində, əczaçı işləyən Abşeron rayon sakini M.Salmanov və Bakı şəhər sakini V.Məmmədova 9 ədəd “Tramadol” və 5 ədəd “Prebagalin” həblərini satarkən tutulublar.

Aptekə baxış zamanı satışına məhdudiyyət qoyulmuş 2380 ədəd “Tramadol”, 667 ədəd “Pregabalin”, 659 ədəd “T-doll”, 246 ədəd “Contramal”, 10 ədəd “Tamol XX”, 58 ədəd “Royal”, 70 ədəd “Lyrica” və 126 ədəd “Regapen” aşkar edilərərk götürülüb.

ŞƏRH YAZ
1
BAĞLA