Yevlaxda 17 yaşlı yeniyetmə qətlə yetirildi

Yevlaxda 17 yaşlı yeniyetmə qətlə yetirildi
21:52
09.10.2019
5816
Hadisə
A
Yevlax rayonunda bıçaqlanma hadisəsi baş verib.

“Ölkə.Az”ın bölgə müxbirinin verdiyi məlumata görə, hadisə rayonun Havarlı kəndində qeydə alınıb.

2002-ci il təvəllüdlü Nurnazarov Rasim Abid oğlu naməlum şəraitdə bıçaqlanaraq xəsarət alıb. Yaralı xəstəxanaya yerləşdirilib.

Bütün cəhdlərə baxmayaraq həkimlər Nurnazarov Rasimin həyatını xilas edə bilməyiblər.

Faktla bağlı araşdırma aparılır.

Ölkə.Az

ŞƏRH YAZ
0

Gömrükdən daxili orqanında narkotik keçirmək istəyən şəxs tutuldu

Gömrükdən daxili orqanında narkotik keçirmək istəyən şəxs tutuldu
03:52
Bu gün
406
Hadisə
A
Azərbaycan gömrükçüləri ölkəyə daxili orqanında narkotik vasitə keçirmək istəyən şəxsi saxlayıblar

"Ölkə.Az" xəbər verir ki, Dövlət Gömrük Komitəsinin Cənub Ərazi Baş Gömrük İdarəsi Əməliyyat və Təhqiqat İdarəsinin Əməliyyat şöbəsinə daxil olan məlumat əsasında, piyada yolla İran İslam Respublikasından gələn Azərbaycan Respublikası vətəndaşı Biləsuvar gömrük postunda saxlanılıb.
Şifahi sorğu-sual zamanı vətəndaş üzərində gömrük nəzarətindən gizlədilən və mütləq bəyan olunmalı hər hansı bir predmetin, o cümlədən narkotik vasitə, psixotrop maddələrin olmadığını bildirib.

Sonra vətəndaşın daxili orqanlarının tibbi müayinədən keçirilməsi zərurəti yaranıb. Biləsuvar Mərkəzi Rayon Xəstəxanasında aparılan tibbi müayinə nəticəsində vətəndaşın düz bağırsağından, şəffaf sellofana bükülü, ümumi çəkisi 94 qram olan qəhvəyi rəngli, narkotik vasitə - heroin, çəkisi 3 qram olan tünd qəhvəyi rəngli, narkotik vasitə - tiryək aşkarlanıb.

Faktla bağlı araşdırma aparılır.

Natiq Allahverdiyev
Ölkə.Az

ŞƏRH YAZ
0

FHN universitetdə yanğın xəbərini təkzib etdi

FHN universitetdə yanğın xəbərini təkzib etdi
02:58
Bu gün
233
Hadisə
A
FHN ADNSU-da yanğın olması barədə yayılan məlumatlara münasibət bildirib.

"Ölkə.Az" xəbər verir ki, FHN-in mətbuat xidmətinin rəhbəri Gülçin Mehdiyeva APA-ya açıqlamasında deyib ki, nazirliyin "112" xidmətinə ADNSU-da yanğın olması barədə məlumat daxil olub.

Daxil olan məlumat əsasında hadisə yerinə yanğınsöndürənlər çıxıb. Lakin məlumat təsdiqini tapmayıb:

"Yanğın olması barədə yayılan məlumatlar yalandır".

Ölkə.Az

ŞƏRH YAZ
0
BAĞLA