Yevlaxda zəncirvari qəza baş verib — Xəsarət alan var

Yevlaxda zəncirvari qəza baş verib
22:27
18.10.2017
231
Hadisə
A
Mingəçevir–Xaldan marşrutu ilə hərəkət edən sərnişin avtobusu Yevlax ərazisində qəzaya uğrayıb.

“Ölkə.Az”ın “Report”a istinadən məlumatına görə, hadisə axşam saatlarında rayonun Xaldan qəsəbəsi ilə Əkşəm kəndi arasında baş verib.

Qəfil qarşısına çıxan traktordan yayınmaq istəyən “Ford” markalı mikroavtobusu arxadan vuran “Mercedes” markalı minik maşını avtobusun traktorla toqquşmasına səbəb olub. Nəticədə xəsarət alan “Ford”un sürücüsü Elşən Qarayev xəstəxanaya yerləşdirilib.

Mingəçevirlə Yevlaxın Xaldan qəsəbəsi arasında daimi sərnişin daşıyan mikroavtobusda hadisə zamanı sərnişin olmayıb. Hadisədən az öncə son reysini başa vurmuş sürücü sərnişinləri dayanacaqda düşürdüb.

Qəza ilə bağlı araşdırma aparılır.

Ölkə.Az

ŞƏRH YAZ
0

Bakıda tanışını öldürən beş il cəza alıb

Bakıda tanışını öldürən beş il cəza alıb
22:05
19.07.2018
289
Hadisə
A
Bakı Ağır Cinayətlər Məhkəməsində Ağsu rayon sakini Sabit Bağırovun CM-nin 120.1-ci (qəsdən adam öldürmə) maddəsi ilə təqsirləndirilməsinə dair cinayət işi üzrə məhkəmə prosesi başa çatıb.

"Ölkə.Az" Oxu.Az-a istinadən xəbər verir ki, bu il mayın 23-də Babək prospektindəki kafelərdən birinin qarşısından Bakı şəhər sakini Valeh Heydərov kəsilmiş-deşilmiş xəsarətlə xəstəxanaya gətirilib və orada kəskin qanitirmədən keçinib. 

Həmin gün Nizami RPİ 23-cü polis bölməsinin əməkdaşları keçirdikləri əməliyyat-axtarış tədbirləri nəticəsində hadisəni münaqişə zəminində törədən Sabit Bağırovu saxlayıblar.

Məhkəmənin hökmü ilə təqsirləndirilən şəxs 5 il müddətinə azadlıqdan məhrumetmə cəzasına məhkum olunub.

Xatırladaq ki, ötən prosesdə prokuror S.Bağırova 11 il cəza təyin edilməsini xahiş edib.

Ölkə.Az

ŞƏRH YAZ
0

Qubada soyğunçuluq və xuliqanlıq edən dəstə tutulub

Qubada soyğunçuluq və xuliqanlıq edən dəstə tutulub
21:24
19.07.2018
309
Hadisə
A
Daxili işlər orqanları mülkiyyət və şəxsiyyət əleyhinə olan, xüsusən soyğunçuluq cinayətlərinin qarşısının alınması və ötən dövrlərdən bağlı qalan bu tipli qanun pozuntularını törədən şəxslərin ifşa olunması istiqamətində növbəti uğurlu əməliyyat-axtarış tədbiri həyata keçirib.

"Ölkə.Az" xəbər verir ki, DİN Mətbuat Xidmətinin Quba regional qrupundan verilən məlumata görə, iyulun 14-də Quba Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində 2016-cı il mayın 31-də rayonun Qırmızı Qəsəbə ərazisində yerləşən evlərin birinə qanunsuz daxil olaraq soyğunçuluq etməkdə şübhəli bilinən şəxs saxlanılıb. Keçirilən tədbirlərlə Quba rayon sakini, əvvəllər məhkum olunmuş Faiq Xanməmmədov saxlanılaraq polis şöbəsinə gətirilib.

Dindirilmə zamanı F.Xanməmmədov törətdiyi cinayət əməlini etiraf edərək, istintaqa məlum olmayan şəxslərlə qabaqcadan əlbir olaraq bir qrup təşkil etdiklərini və zərərçəkən şəxsin evinə qanunsuz daxil olduqlarını, ev sahibinin əl və ayaqlarını yapışqan lentlə bağlayaraq evdən 400 ABŞ dolları, külli miqdarda dəyəri olan bir ədəd qızıl briliant qaşlı üzük, bir cüt briliant qaşlı sırğa və iki ədəd qızıl boyunbağını oğurladıqlarını, soyğunçuluq yolu ilə əldə etdikləri qızıl-zinət əşyalarını Bakı şəhərində yerləşən qızıl alqı-satqısı məntəqələrində sataraq pulları öz aralarında böldüklərini bildirib. Cinayətdə istifadə etdikləri göz yaşardıcı sprey, yapışqan lent və kapron bağlama maddi sübut kimi istintaqa təqdim olunub.

F.Xanməmmədovun ətrafında aparılan tədbirlərlə onun digər cinayət əməlinin də üstü açılıb. Belə ki adı çəkilən şəxs və digər istintaqa məlum olmayan şəxslərlə birlikdə cari ilin iyunun 25-də Quba rayonunda yerləşən “Nizami” adına olan parkın ərazisində ictimai qaydanı kobud şəkildə pozaraq, cəmiyyətə açıqca hörmətsizlik ifadə etməklə park ərazisində olan rayonun I-ci Nügədi kənd sakini S.Qurbanova qarşı xuliqanlıq edərək, sonuncunu nalayiq söyüşlərlə təhqir etmişlər, yumruq və təpik zərbələri endirməklə onun sağlamlığına zərər vurublar.

Saxlanılan F. Xanməmmədovun və digər şəxslərin başqa cinayət hadisələrində iştirak edib-etməmələri araşdırılır.

Faktlarla bağlı F.Xanməmmədovun barəsində Quba RPŞ-də cinayət işi açılıb. Hadisədə iştirak etmiş digər şəxslərin müəyyən olunaraq saxlanılması istiqamətində zəruri tədbirlər davam etdirilir.

Ölkə.Az

ŞƏRH YAZ
0
BAĞLA