Yıldız Tilbe intihara cəhd etdi?

“Ölkə.Az” xəbər verir ki, bu barədə Türkiyə mətbuatında məlumatlar yayılıb. Yayılan xəbərlərdə bildirilib ki, müğənni sentyabrın 19-da axşam saatlarında evində dərman içərək intihara cəhd edib. Müğənninin özünə qəsd xəbəri sosial şəbəkələrdə də sürətlə yayılıb.

Yıldız Tilbenin intihar xəbəri müğənninin platonik sevgilisi, fotoqraf Ali Eşitmezə zəng vurmasından sonra yayılıb. Bu barədə müğənninin yaxınları məlumat veriblər. Ali Eşitmez isə hadisədən məlumatsız olduğunu deyib. 

 “Yıldız Tilbenin belə şey etməsindən çox qorxurdum”, - deyə fotoqraf bildirib.

Qeyd edək ki, Ali Eşitmezin Yıldız Tilbe ilə münasibəti səbəbindən həyat yoldaşından boşandığı bildirilir.

Müğənni isə sosial şəbəkəsindəki hesabında haqqında deyilənlərin yalan olduğunu yazıb.

“Haqqımda yazılan yalan xəbərlərə görə bütün məsuliyyətli şəxləri, jurnalistləri şiddətlə qınayıram. Çalışıb şərəf və ləyaqətləri ilə vəzifələrinin öhtəsindən gəlsinlər. Haqqımda yazılan yalanlara görə, xəbəri yazan mətbuatı və jurnalistləri məhkəməyə verəcəyəm. Buna görə vəkilimlə görüşmüşəm. Vəkilim lazımı yerlərə müraciət edəcək”, - deyə müğənni yazıb.

Ziya Səccad
Ölkə.Az