KORONAVİRUSA YOLUXANLARIN SAYI - CANLI STATİSTİKA

Yol hərəkəti qaydalarını uşaqlara necə öyrətməli?

Yol hərəkəti qaydalarını uşaqlara necə öyrətməli?
03:04
20.01.2020
1907
Maraqlı
A
Bəla "gəlirəm" demir. Hətta bayram, istirahət günləri də yol qəzası, ağır xəsarətlər olmadan ötüşmür. Dərs, iş günü olanda isə xoşagəlməz statistika daha da artır. Baş Dövlət Yol Polisi İdarəsinin yaydığı məlumata nəzər salsaq, ötən ilin 9 ayı ərzində ölkəmizdə 1274 yol-nəqliyyat hadisəsi baş verib. Qəzalarda 557 nəfər dünyasını dəyişib, 1178 nəfər xəsarət alıb. Həlak olanların 41-i, xəsarət alanların 118-i uşaq və yeniyetmə olub. Qeyd olunan dövrdə 535 piyadavurma hadisəsi qeydə alınıb, nəticədə 228 piyada dünyasını dəyişib, 335-i isə xəsarət alıb.

"Ölkə.Az" bildirir ki, yol-nəqliyyat hadisələrində azyaşlı, məktəbli ölümünün də çəkisi var. Məktəblilərin yol hərəkəti ilə bağlı qaydaları mənimsəməsi üçün müəyyən işlərin görülməsinə zərurət var. Maraqlıdır, təhsil sistemində bu istiqamətdə hansı addımların atılması vacibdir?

Təhsil üzrə ekspert İlqar Orucov bu mövzudakı narahatlığın anlaşılan olduğunu bildirir: "Bakıda nəqliyyat sıxlığı müşahidə edilir və bəzən bundan ən çox zərər çəkənlər azyaşlılar olur. Düşünürəm ki, bununla bağlı ayrıca dərslərin keçirilməsinə deyil, broşürlər paylamaqla maarifləndirici addımların atılmasına gərək var.

Avtomobil idarə edərkən də biz şagirdlərin bəzən elə valideynləri ilə birgə yol hərəkəti qaydalarına əməl etmədiklərinin şahidi oluruq. Əlbəttə, valideyn yolu səhv keçərsə, bu zaman o, azyaşlıya pis örnək olacaq, növbəti dəfə övladı da onun hərəkətini təkrarlayacaq. Ona görə düşünürəm ki, yalnız məktəblər deyil, valideynlər də övladlarına yol-hərəkət qaydalarını aşılamalıdırlar.

Təəssüflə qeyd edim ki, dəfələrlə valideynin övladının qolundan tutaraq onu yolun istənilən yerindən keçirtdiyinin şahidi olmuşam".

Baş Dövlət Yol Polisi İdarəsinin (DYP) şöbə rəisi, polis polkovnik-leytenantı Rüfət Quliyev isə deyib ki, hazırda ümumtəhsil məktəblərində həyat bilgisi fənni tədris olunur. Burada yol hərəkəti qaydalarına aid mövzulara da toxunulub:

"Təbii ki, Baş Dövlət Yol Polisi İdarəsi əməkdaşları hər zaman məktəblərdə maarifləndirici tədbirlər keçirirlər. 2019-cu ildən etibarən Daxili İşlər nazirinin tapşırığına əsasən, "Yol Polisimizi Tanıyaq" layihəsi baş tutub. Bu layihədə məktəblilər də iştirak edir, onlar yol polisinin inzibati binasına dəvət olunur, iş rejimi, fəaliyyəti ilə tanış olurlar. Artıq bir çox təhsil ocaqlarında yol polisinin gənc köməkçiləri dəstələri yaradılıb. Burada da məqsəd hərəkət iştirakçılarını maarifləndirməkdir".

"Ölkə başçısının 27 dekabr 2018-ci il tarixli 852 nömrəli sərəncamı ilə təsdiq edilmiş Azərbaycan Respublikasında yol hərəkətinin təhlükəsizliyinə dair 2019-2023-cü illər üçün dövlət proqramına əsasən, mühüm işlər görülür. Yaxın müddət ərzində məktəblərdə yol-hərəkətinə dair dərsliklərin olması istiqamətində müəyyən işlər aparılır", - deyə o əlavə edib.

DYP rəsmisi qeyd edir ki, bu gün yol polisi əməkdaşları bu istiqamətdə müxtəlif maarifləndirici addımlar atırlar: "Bununla da çalışırıq ki, piyadaların iştirakı ilə yol-nəqliyyat hadisələrinin azaldılmasına töhfə verək".

Məktəblərdə yol hərəkəti qaydalarının niyə bir fənn olaraq tədris olunmadığı barədə sorğumuza cavab olaraq isə Təhsil Nazirliyindən bildirilib ki, ümumi təhsil müəssisələrində tədris edilən fənlərin siyahısı Azərbaycan Respublikası Nazirlər Kabinetinin qərarı ilə təsdiqlənən "Ümumi təhsil pilləsinin dövlət standartları və proqramları (kurikulumları)" sənədi ilə müəyyən edilir. Həmin sənəddə yol-hərəkəti qaydaları ilə bağlı ayrıca fənn nəzərdə tutulmadığı üçün bu gün ümumtəhsil məktəblərində belə fənnin ayrıca tədrisi aparılmır.

"Dərslik sistemli materialları özündə ehtiva edən və təhsil proqramına (kurikuluma) daxil olan fənnin (inkişaf sahəsinin) tədrisi müddətində müəyyənləşdirilmiş məzmun standartlarının təhsilalanlar tərəfindən mənimsənilməsini təmin edən tədris-metodik vasitədir.

Ümumi təhsil müəssisələrində yol hərəkəti qaydaları ilə bağlı ayrıca fənn nəzərdə tutulmadığından, eləcə də, tədris müddətləri və məzmun standartları müəyyənləşdirilmədiyindən belə dərsliyin tərtibi  mümkün deyil.

Lakin bu gün şagirdlərin yol hərəkəti qaydaları ilə bağlı maarifləndirilməsi ümumi təhsil müəssisələrində həyat bilgisi fənni üzrə tərtib edilən dərsliklər vasitəsilə həyata keçirilir. Belə ki, bu fənn üzrə təhsil proqramında (kurikulumunda) bütün təhsil dövrləri üçün "yol hərəkəti qaydaları", "təhlükəsizlik" və s. ilə bağlı standartları özündə ehtiva edən "Sağlamlıq və təhlükəsizlik" adlı məzmun xətti mövcuddur", - deyə nazirliyin məlumatında bildirilir. milli.az

ŞƏRH YAZ
0

Zəncəfil koronavirusun müalicəsində effektivdirmi? — ÜST rəsmisi açıqladı - VİDEO

Zəncəfil koronavirusun müalicəsində effektivdirmi?
01:23
Bu gün
853
Maraqlı
A
Hazırda bütün dünyada koronavirusa (COVID-19) xalq təbabəti ilə qalib gəlmək istəyənlər çoxdur. Bir müddət əvvəl zəncəfilin, daha sonra limonun koronavirusun dərmanı olması ilə bağlı fikirlər yayıldı.

"Ölkə.Az" oxu.az-a istinadən xəbər verir ki, məsələyə Ümumdünya Səhiyyə Təşkilatı da biganə qalmayıb.

Belə ki, qurumun Səhiyyədə Fövqəladə Hallar Proqramının icraçı direktoru Maykl Rayan bu barədə fikirlərini səsləndirib: 

“Əgər xəstələnəndə bal, limon, zəncəfil kimi sevimli müalicə vasitələriniz varsa, tövsiyə edirəm ki, istifadə etməyə davam edin. Amma xahiş edirəm, gəlin, sübut olmadan bu vasitələrin COVID-19-u müalicə etməsi ilə bağlı fərziyyələr irəli sürməyək. Hazırda COVID-19-un sübut olunmuş müalicəsi yoxdur”.

ŞƏRH YAZ
0

Koronavirusla mübarizədə heyvanın əhəmiyyəti və faydaları

Koronavirusla mübarizədə heyvanın əhəmiyyəti və faydaları
20:08
04.04.2020
1448
Maraqlı
A
Heyvanın bilib bilmədiyimiz faydları nədir?

Koronavirusun tüğyan etdiyi bir dövrdə insanlar orqanizmlərinin immunitetini gücləndirmək, ağ ciyər problemləri aradan qaldırmaq üçün ən müxtəlif yollara əl atır. Bu zaman insanlar daha çox təbii  vasitələrdən istifadə etməyə üstünlük verirlər.

Belə bir zamanda heyva  məlhəmi, xüsusən də heyva, heyva dənəsi, çiçəyi və yarpağından hazırlan çaylar insanlaırn immmunitetinin gücləndirilməsində, ağ ciyərdəki probelmlərin, o cümlədən soyuqdəyməyə və qripə qarşı ən effektli vasitələrdən biridir.

A, B və C vitaminləri ilə zəngin olan heyvadan necə məlhəm hazırlanır.

Bunun üçün 3 ədəd orta heyva, bir litr su, 4 keçibuynuzu, 2 kök zəncəfil, 2 çubuq darçın, 4-5 ədəd qərənfil götürün.

Heyva əvvəlcə kubik şəklində doğranılır və üzərində su tökülərək qaynadılır. Qaynara düşdükdə keçibuynuzlarını qırıb əlavə edirik. Daha sonra zəncəfil, darçın və qərənfil əlavə edilir. Qarışıq yaxşıca qaynadılır. Qarışıq mət halına gəldikdən sonra ocaqdan götürülür. Hazırlanan məlhəmdən gündə iki dəfə istifadə edilməsi məsləhətdir.

Hazırlanan məlhəm zəngin vitamin mənbəyi olduğundan koronavirus infeksiyasından qorunmaqda müstəsna rola malikdir. Məlhəm insanın infeksion xəstəliklərə qarşı müqavimət gücünü artırır.

Bundan əlavə olaraq heyva yarpağından hazırlanan çay da faydalıdır. Qaynayan çaynikə 20 ədəd qurumuş heyva yarpağı atın. 5 dəqiqə qaynadıldıqdan sonra istifadəyə hazırdır.

Heyva çayı eyni zamanda kilo verənlər, metobolizm sindromunu tənzimləməkdə ideal vasitə hesab olunur.

Yarpaqlarından hazırlanan çay ürək ağrılarına yaxşı təsir edir və insanı sakitləşdirir. Həmçinin yarpaqlarını qaynadıb suyu ilə qarqara etmək, yarpaqlarını isə boğaza kompress kimi qoymaq boğaz ağrısının və şişməsinin keçməsinə kömək edir.

Heyva faydaları bununla bitimir. Heyva. ağ ciyər, böyrək, boğaz, göz və ağız sağlamlığı üçün də faydalıdır.

Bundan əlavə olaraq heyvada şəkər miqdarı olduqca aşağı olduğundan,insanı rahatlatmaq və sakitləşdirmək xüsusiyyətinə malikdir.

Heyvanın bilmədiyiniz digər faydaları:

- Mədə və bağırsaqları gücləndirir, ishalı kəsməkdə təsirlidir, qara ciyərin fəaliyyətini yaxşılaşdırır, qanı təmizləyir, ürək döyüntüsünə xeyir edir. Ürəyə qüvvət verir və rahatladır, dərini təmizləyir, dırnaqları bərkidir, varikozun qarşısını alır.

Heyva həmçinin damar sərtliyinə xeyir edir, təzyiqi endirir.

Kərə yağında bişirilən heyva nəfəs yolu xəstəliklərinə, xroniki öskürəyə, bronxitə və vərəm xəstəliyinə xeyirlidir.

Heyva çiçəyini bal ilə qatıb udanda baş ağrısını kəsir. Bundan başqa, heyvanın çiçəyini qaynadıb, suyunu içmək ürək döyüntüsünü kəsir, ürəyi qüvvətləndirir və ananın südünü artırır.

Heyva qanamanı dayandırmaqda da təsirlidir. Burnunuz qanayarkən heyva suyunu burna çəkmək qanamanı dayandırmağınıza kömək edəcəkdir. Bundan əlavə, heyvanın üzərindəki tükləri qanayan yerə qoyduqda da qanamanı kəsir.

Heyvanın özünü və tumunu qaynadıb suyunu içmək qadınlarda doğumu asanlaşdırır, iştah açır, böyrək və sidik yolu iltihablanmalarının qarşısını alır.

Gözlərə xeyirlidir. Göz ağı, göz qapağı və kirpiklərin iltihablanması zamanı heyva yarpağını qaynadıb soyutduqdan sonra gözlər bu su ilə gündə bir neçə dəfə yuyulur.

Hazırladı: Mürtəza

Ölkə.Az

ŞƏRH YAZ
0
BAĞLA