Yol polisi bu sürücüyə görə hərəkətə keçdi — FOTO

Yol polisi bu sürücüyə görə hərəkətə keçdi
12:59
10.12.2018
4180
Ölkə
A
Bakıda sürücülər əksər hallarda maşınları park edərkən, qaydaları pozmaqla yanaşı, piyadaların da yolunu kəsirlər. Əksər hallarda isə əlil və uşaqlı piyadaların hüququ pozulur.

"Ölkə.Az" xəbər verir ki, belə hallardan biri ilə bağlı baku.ws-in redaksiyasına fotolar göndərilib. Fotolardan da göründüyü kimi minik maşınının sürücüsü piyada səkisinə girişi bağlayıb. Avtomobili dəmir məhəccərə yaxın saxlayan sürücü bununla əlil və uşaq arabalarının rahat hərəkətinə mane yaratmış olub. 

Məsələ ilə əlaqədar Bakı şəhər Dövlət Yol Polisi ilə əlaqə saxladıq. Qurumun mətbuat xidmətinin rəhbəri Vaqif Əsədova fotoları təqdim etdik. Yol polisi açıqlamasında şəkillərdən göründüyü kimi sürücü tərəfindən qaydalarının pozulduğunu təsdiqlədi.

“Əgər piyada səkisi ilə maşın yolu arasında dəmir məhəccər varsa, bu 100 faiz yolun kəsişmə hissəsidir. Fotolardan da göründüyü kimi sürücü avtomobili yolun kəsişmə hissəsində saxlayıb.

Bu da açıq-aşkar “Yol Hərəkəti Haqqına” Qanunun tələblərinin pozulmasıdır. Yəni avtomobilin dayanma-durma tələbləri sürücü tərəfindən pozulub. Piyadaların yolunu kəsib-kəsilməməsi isə sonrakı mərhələdir.


Əgər əlillərin keçməsi üçün yolun kəsilməsi əməli varsa, bu sürücünün bir başqa kobud qayda pozuntusudur. Yaxşı hal deyil. Təəssüf doğuran haldır”, - deyə Vaqif əsədov bildirib.

Yol polisi təqdim edilən foto və məlumatlarla bağlı araşdırma aparılacağını bildirib:

“Əgər qanun pozuntusu barədə məlumat daxil olursa və bu barədə məlumatlar sosial şəbəkələrdə, eləcə də KİV-lərdə yayılırsa, mütləq polis tərəfindən tədbirlər görüləcək”.


Vaqif Əsədov bir daha sürücülərə maşın saxlayarkən piyadaların yolunu kəsməməyi tövsiyyə edib:

“Bir daha Bakı şəhərinin inzibati ərazilərinə düşən əksər küçə və proqpektlərdə süni sıxlığın yaşanması əsasən sürücülərin dayanma-durma, parklanma tələblərinin düzgün yerinə yetirməməsindən yaranır.

Bu istiqamətdə polislə birgə Bakı Nəqliyyat Agentliyi də müvafiq tədbirlrə həyata keçirir. Lakin sürücülər özləri də öz düşüncəsini və keyfiyyətini ortaya qoymalıdırlar. Onlar maşınları ilə başqalarının yolunu kəsməməlidirlər”.

Ölkə.Az

ŞƏRH YAZ
0

Zakir Həsənov: "Mxitaryandı, Kardaşyandı, Tonoyandı, hamısı eyni şeydir"

Zakir Həsənov:
12:34
Bu gün
370
Ölkə
A
"Vətən, millət, dövlət məsələsində cılız maraqlar kənara qoyulmalıdır. Biz hamımız bir olmalıyıq. Birinci Qarabağ müharibəsində ermənilər bizim aramızda nifaq saldılar və nəticəsi göz önündədir”.

"Ölkə.Az" APA-ya istinadən xəbər verir ki, bunu Azərbaycanın Müdafiə naziri general-polkovnik Zakir Həsənov deyib.

Nazir bildirib ki, sosial şəbəkələrdə onun haqqında yazılar yayımlanır:

"Ermənilərin xüsusi xidmət orqanları boş dayanmırlar. Mənim adıma səhvlərlə dolu saxta raport hazırlayıblar. Biz araşdırma aparırıq və məlum olur ki, sosial şəbəkələrdə bizim əleyhimizə yazanların 90 faizi ermənilərdir, onlar azərbaycanlı adı altında qeydiyyatdan keçiblər".

Z. Həsənov onun ermənilərin hədəf dairəsi düşməsinə də münasibət bildirib. O qeyd edib ki, Şuşa ilə bağlı flaşmob keçirilərkən erməni silahlı bölmələrindən 38 kilometr məsafədə olub:

"Ermənilərin heç 35 kilometr məsafədə atan topu da yoxdur. Onlar məni necə vura bilərlər axı?! Bir də bu Mxitaryandı, Kardaşyandı, Tonoyandı, hamısı eyni şeydir. Bunlardan az yazmaq lazımdır". 

Ölkə.Az

ŞƏRH YAZ
0

Azərbaycanda xaricilərin bank hesabını talayan kibercinayətkarın MƏHKƏMƏSİ

Azərbaycanda xaricilərin bank hesabını talayan kibercinayətkarın MƏHKƏMƏSİ
12:31
Bu gün
135
Ölkə
A
Azərbaycanda əcnəbilərin bank hesablarına müdaxilə etməkdə təqsirli bilinən Rusiya vətəndaşı Lunin Pavel Sergeyeviç və Ukrayna vətəndaşı Serb Andrey Borisoviçin cinayət işi üzrə toplanan materiallar Bakı Ağır Cinayətlər Məhkəməsinə göndərilib.

"Ölkə.Az" xəbər verir ki, hakim Siyavuş Hacıyevin sədrliyi ilə keçiriləcək məhkəmə hazırlıq iclası iyun ayının 20-nə təyin olunub.

Xatırladaq ki, hər iki şəxsin həbsi ilə bağlı Dövlət Təhlükəsizliyi Xidməti və Maliyyə Bazarlarına Nəzarət Palatası birgə məlumat yayıb.

Məlumata görə, 2018-ci ilin may ayında müxtəlif formal şirkətlər yaradılmaqla və onların bank hesabları açılmaqla Azərbaycan banklarından alınan POS-terminallardan istifadə etməklə kibercinayətkarlıq yolu ilə əcnəbilərin bank hesablarından milyonlarla vəsaitin yerli banklardakı qeyd olunan hesablara, həmin hesablardan isə MDB ölkələrindəki müxtəlif hesablara köçürülməsi yolu ilə talanması, yerli banklara əsassız daxil olmuş vəsaitlərin dəyərinin qeyd olunan xarici vətəndaşlara qaytarılması nəticəsində yerli banklara maddi ziyan vurulması barədə məlumatlar daxil olub.

Qeyd olunan məlumatlar əsasında Dövlət Təhlükəsizliyi Xidmətində başlanılmış cinayət işi üzrə Maliyyə Bazarlarına Nəzarət Palatası ilə birgə həyata keçirilmiş təxirəsalınmaz tədbirlər nəticəsində bu cinayət əməllərini törətməkdə şübhəli bilinən Rusiya Federasiyasının vətəndaşı Lunin Pavel Sergeyeviç və Ukrayna vətəndaşı Serb Andrey Borisoviç müəyyən edilərək saxlanılıb, onlara məxsus bank hesablarında olan vəsaitlər dondurulub, müvafiq əməliyyatların həyata keçirilməsinin qarşısı alınıb.

Lunin Pavel Sergeyeviç və Serb Andrey Borisoviç Azərbaycan Respublikası Cinayət Məcəlləsinin 177-ci (oğurluq) və 272-ci (kompüter məlumatlarını qanunsuz ələ keçirmə) maddələri ilə ittiham olunub.

Natiq Allahverdiyev
Ölkə.Az

ŞƏRH YAZ
0
BAĞLA