Yol polisi reyd keçirdi — Sərnişin avtobusunda mal-qara daşıyan sürücü saxlanıldı

Yol polisi reyd keçirdi
23:55
13.02.2018
2810
Ölkə
A
Astarada ryon Polis şöbəsinin Baş Dövlət Yol Polisi Bölməsinin əməkdaşları tərəfindən reyd keçirilib.

"Ölkə.Az"ın "Report"a istinadən verdiyi məlumata görə, rayonun iki istiqamətində - dağətəyi ərazi olan Siyəku-Vaqo kənd yolu və Ələt-Astara magistral yolunun 219.5 km-də təşkil olunan reyd zamanı 50 avtomobil saxlanılıb. Onlardan 30-u barəsində müvafiq protokollar tərtib olunub.

Reydlərin keçirilməsində məqsəd, əsasən istismar müddəti başa çatmış nəqliyyat vasitələrinin, eləcə də texniki cəhətdən nasaz vəziyyətdə idarə olunan avtonəqliyyat vasitələrinin aşkarlanması olub.

Reyd zamanı sürücülər tərəfindən digər kobud qanun pozuntuları da qeydə alınıb. Sürücülər nəqliyyat vasitəsini müvafiq vəsiqə olmadan idarə etmə, azyaşlı uşağı ön oturacaqda əyləşdirmə, nəqliyyat vasitəsinə müxtəlif dəyişikliklər etmə və avtomobilə əlavə qurğular quraşdırmağa görə saxlanılıblar. Sürücülərin hər biri qayda pozuntularını müxtəlif səbəblərlə izah etməyə çalışıblar. Hətta DYP əməkdaşının "saxla!" əmrinə tabe olmayaraq məsuliyyətdən yayınmaq istəyənlər də olub. Reyd zamanı ən maraqlı məqam isə sərnişin mikroavtobusundan mal-qara daşınması üçün istifadə olunması faktı olub.

Astara rayon Polis şöbəsi Baş Dövlət Yol Polisi Bölməsinin rəisi, polis kapitanı İlqar Rəhimovun sözlərinə görə rayon ərazisində reydlərin keçirilməsi bundan sonra da aparılacaq. Bu cür reydlərin keçirilməsi vətəndaşların təhlükəsizliyinin qorunmasına xidmət edir.

Ölkə.Az

ŞƏRH YAZ
0

Şirvan Dövlət Aqrar İnkişaf Mərkəzinə direktor təyin olunub

Şirvan Dövlət Aqrar İnkişaf Mərkəzinə direktor təyin olunub
00:35
Bu gün
2029
Ölkə
A
Şirvan Dövlət Aqrar İnkişaf Mərkəzinə direktor təyinatı olub.

"Ölkə.Az"report-a istindla məlumat verir ki, bununla bağlı kənd təsərrüfatı naziri İnam Kərimov müvafiq əmr imzalayıb.

Əmrə əsasən Nazim Əbülhəsən oğlu Hüseynov Şirvan Dövlət Aqrar İnkişaf Mərkəzinə direktor təyin edilib. 

Xatırladaq ki, oktyabrın əvvəlində Hacıqabul Dövlət Aqrar İnkişaf Mərkəzinə də direktor təyin olunub.

Ölkə.Az

ŞƏRH YAZ
0

Leyla Əliyeva II gənclər sərgisində — FOTO

Leyla Əliyeva II gənclər sərgisində
23:28
22.10.2018
2515
Ölkə
A
Oktyabrın 22-də Gənclər və İdman Nazirliyinin təşkilatçılığı ilə “Baku Crystall Hall”da “Ekoloji problemlər və onların həlli yolları tələbələrin gözü ilə” mövzusunda II gənclər sərgisi təşkil olunub.

"Ölkə.Az" xəbər verir ki, Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva, gənclər və idman naziri Azad Rəhimov, digər rəsmi şəxslər, Milli Məclisin deputatları, xarici ölkələrin Azərbaycandakı səfirləri sərgidə nümayiş etdirilən əsərlərlə tanış olublar.

Sərginin keçirilməsində məqsəd gənclərin ekoloji sahəyə marağını artırmaq, onları bu sahədə maarifləndirmək, eyni zamanda, yaradıcılıq potensiallarını dəstəkləmək və sosial təşəbbüskarlığı stimullaşdırmaqdır.

Heydər Əliyev Fondunun vitse-prezidenti Leyla Əliyeva və gənclər və idman naziri Azad Rəhimov sərgidə nümayiş etdirilən əsərlərlə tanış olublar.

Sərgidə 14-29 yaşlı 200-dək gəncin dəzgah rəngkarlığı, kvillinq, xəttatlıq, keramika, rəngkarlıq, ebru sənəti, qrafika, qravüra, landşaft dizaynı, batika, vitraj, qravüra üslubları üzrə ekoloji mövzuda çəkdikləri rəsm əsərləri nümayiş etdirilib. Bununla yanaşı, gənclərin ekoloji mövzuda hazırladıqları müxtəlif əsərlər də sərgilənib.

Tədbirdə ustad dərsləri keçirilib, gənclərin iştirakı ilə eko-tamaşa, səhnəciklər, viktorinalar, sağlam həyat tərzinin təbliği məqsədilə idman yarışları təşkil olunub, adı Azərbaycanın “Qırmızı kitabı”na düşən heyvanlar və nadir ağaclar nümayiş etdirilib.

Sonda sərginin qalibləri mükafatlandırılıb.

Qeyd edək ki, sərgi Prezident İlham Əliyevin 2015-ci il 26 yanvar tarixli Sərəncamı ilə təsdiq edilmiş “2015-2025-ci illərdə Azərbaycan gənclərinin İnkişaf Strategiyası”nın 5.2.3-cü bəndini (gənclərin elm, texnika, mədəniyyət, incəsənət sahəsindəki bacarıqlarını və təşəbbüskarlığını stimullaşdıran tədbirlər həyata keçirmək) rəhbər tutaraq və “Azərbaycan gəncliyi 2017-2021-ci illərdə” Dövlət Proqramının 5.6.5-ci (gənclər arasında ətraf mühit və mənfi ekoloji tendensiyaların sağlamlığa zərərli təsiri ilə bağlı maarifləndirmə işlərinin aparılması) bəndinin icrasını təmin etmək məqsədilə keçirilib.

Ölkə.Az

ŞƏRH YAZ
0
BAĞLA