Yoluxucu xəstəliklərlə bağlı kəskin bir hal yoxdur və vəziyyət stabildir — Nazirlik rəsmisi

Yoluxucu xəstəliklərlə bağlı kəskin bir hal yoxdur və vəziyyət stabildir
12:48
21.08.2017
39
Ölkə
A
"Azərbaycanda təhlükəli yoluxucu xəstəliklərlə bağlı vəziyyət nəzarət altındadır".

"Ölkə.Az" xəbər verir ki, bunu APA-ya açıqlamasında Səhiyyə Nazirliyinin Respublika Taun Əleyhinə Stansiyasının Xüsusi təhlükəli yoluxucu xəstəliklərin epidemiologiyası şöbəsinin müdiri Rita İsmayılova deyib. O bildirib ki, bu gün yoluxucu xəstəliklərlə bağlı kəskin bir hal yoxdur və vəziyyət stabildir.

R. İsmayılovanın sözlərinə görə, ölkədə vəba infeksiyasına qarşı da monitorinqlər aparılır və hələ ki bu infeksiya qeydə alınmayıb: “Monitorinqlər may ayından başlayıb və oktyabrın sonuna kimi davam edəcək. Ötən 1-2 ay ərzində stansiyaya kəskin respirator viruslarla bağlı hər hansı nümunə daxil olmayıb. Virus infeksiyaları üçün hazırda mövsüm deyil. Belə hallar daha çox qış mövsümündə qeydə alınır”.

ŞƏRH YAZ
0

Elmi müəssisələrin akkreditasiyası proseduru müəyyənləşdirildi

Elmi müəssisələrin akkreditasiyası proseduru müəyyənləşdirildi
14:25
Bu gün
404
Ölkə
A
Azərbaycanda elmi müəssisələrin akkreditasiyası onların elmi fəaliyyətlərinin qiymətləndirilməsi əsasında elmi müəssisələrin akkreditasiyası qurumu - Akkreditasiya Komissiyası tərəfindən həyata keçirilir.

"Ölkə.Az" APA- ya istinadən məlumat verir ki, bu, Nazirlər Kabinetinin təsdiqlədiyi “Elmi müəssisələrin akkreditasiyası Qaydası”nda əksini tapıb.

Akkreditasiyadan keçmiş elmi müəssisələrin siyahısı Komissiyanın rəsmi internet saytında yerləşdirilir. Akkreditasiya elmi müəssisələrin son 5 illik fəaliyyətini qiymətləndirməklə aparılır. Akkreditasiya Komissiya tərəfindən təsdiq edilmiş qrafik üzrə həyata keçirilir. Akkreditasiya bu barədə rəsmi müraciətin edildiyi vaxtdan 3  ay müddətində həyata keçirilir. Akkreditasiya sənədlərin ekspertizası, elmi müəssisələrdə yerində baxış keçirilməsi yolu ilə həyata keçirilir. Akkreditasiya edilən elmi müəssisələr Komissiyanın normal fəaliyyəti üçün şərait yaradır. 

Elmi müəssisə Komissiyaya aşağıdakı sənədləri təqdim edir:

- akkreditasiyadan keçmə barədə ərizə;

- elmi müəssisənin - vergi ödəyicisinin eyniləşdirmə nömrəsinin və dövlət vergi orqanında qeydiyyata alınmasını təsdiq edən sənədinin notarial qaydada təsdiq edilmiş surətləri; 

- kadr potensialı, maddi-texniki bazası, infrastrukturu, beynəlxalq əlaqələri, elmi nəticələrin istehsalatda tətbiqi, nəşr olunmuş məqalələrin sayı haqqında məlumat;

- elmi müəssisənin fəaliyyətinin əsas göstəriciləri barədə məlumatları özündə əks etdirən sənədlərin müəssisənin rəhbəri tərəfindən təsdiq edilmiş surətləri;  

- təqdim edilmiş sənədlərin siyahısı.

Komissiya 10 iş günü müddətində sənədlərin düzgünlüyünü və tamlığını yoxlayır. Sənədlər bu Qaydaya uyğun olduqda, Komissi­ya sənədlərin düzgünlüyü və akkreditasiya prosedurunun başlanma tarixi barədə ərizəçiyə bildiriş göndərir.  Bütün sənədlər təqdim edilmədikdə və ya təqdim edilmiş sənədlərdə qeyri-dəqiq və ya natamam məlumatlar olduqda, Komissiya bu barədə müşayiət məktubu ilə sənədləri ərizəçiyə qaytarır. Ərizəçinin sənədlərdəki çatışmazlıqları aradan qaldırdıqdan sonra yenidən müraciət etmək hüququ vardır.  Komissiya elmi müəssisənin fəaliyyətini qiymətləndirərək, müəssisənin akkredita-siyadan keçib keçməməsi barədə müvafiq qərar qəbul edir.  Akkreditasiyadan keçmiş elmi müəssisəyə Komissiya tərəfindən akkreditasiya haqqında şəhadətnamə verilir.  Akkreditasiyadan keçə bilməyən elmi müəssisələr 3 il müddətinə təkrar akkreditasiyadan keçmək hüququna malikdirlər. Akkreditasiyadan keç­mə­mək haqqında qərar yalnız məhkəmə tərəfindən ləğv edilə və ya dəyişdirilə bilər. Elmi müəssisə ləğv edildikdə və ya yenidən təşkil olunduqda, həmin müəssisənin akkreditasiya barədə şəhadətnaməsi qüvvədən düşür.

Akkreditasiyadan keçmiş elmi müəssisənin adı və ya hüquqi ünvanı dəyişdikdə, həmin elmi müəssisə akkreditasiya haqqında şəhadətnamənin dəyişdirilməsi üçün Komissiyaya ərizə ilə müraciət etməlidir. Dəyişikliyi əks etdirən təsdiqedici sənədlərin notarial qaydada təsdiq edilmiş surətləri və əvvəlki şəhadətnamə ərizəyə əlavə olunur. Komissiya ərizənin verildiyi gündən 10 iş günü müddətində akkreditasiya haqqında şəhadətnaməni dəyişdirir.

ŞƏRH YAZ
0

Təhsil Nazirliyi: "Ali məktəblər müəssisələrlə əlaqəli sistem qurmalıdır"

Təhsil Nazirliyi:
14:10
Bu gün
263
Ölkə
A
“Ali məktəblərin müəssisələrlə əlaqəsinin qurulması il ərzində bir-iki dəfə olmalı deyil, bu iş sistemli şəkildə qurulmalıdır”

"Ölkə.Az" APA- ya istinadən məlumat verir ki, bunu Təhsil Nazirliyinin Elm, ali və orta ixtisas təhsil şöbəsinin sektor müdiri Sülhəddin Gözəlov Azərbaycan Dövlət Neft və Sənaye Universitetində (ADNSU) keçirilən III Məzun-Karyera Sərgisinin açılışında deyib.

Sülhəddin Gözəlov əlavə edib ki, müəssisələr kadr hazırlığında ali təhsil müəssisələri ilə məsuliyyəti bölüşməlidirlər:

“Azərbaycan Respublikasında Təhsilin İnkişafı üzrə Dövlət Strategiyası”nın həyata keçirilməsi üzrə  2015-ci ildə təsdiqlənmiş Fəaliyyət Planında ali təhsil təhsil müəssisələrinin inkişafı  məhz təhsil, elm və innovasiyanın birgə tətbiqi ilə olmalıdır. Bu da ali təhsil müəssisələri üçün bəzi tələbələri ortaya qoyur.  Ali təhsil müəssisələrinin əmək bazarındakı mövqeyini möhkəmləndirmək, öz əmək qabiliyyətini gücləndirmək üçün əsas şərtlərdən biri ali təhsil müəssisələri ilə iş dünyasının - istehsalat müəssisələrinin əlaqələrini gücləndirməkdir.  İstehsalat sahəsi ali təhsil müəssisəsinə, yaxud ali təhsil təhsil müəssisəsi iş dünyasına yaxınlaşmalıdır. Bütün bu yaxınlıq ölkədə kadr hazırlığında məsuliyyətin bölüşməsi deməkdir. Yəni ali təhsil müəssisəsi məsuliyyəti yalnız özü üzərinə götürərək kadr hazırlamamlıdır. Onun hazırladığı kadrlar müəssisə üçündür. Ona görə də ölkəmizdəki müəssisələr, xüsusilə aparıcı müəssisələr həmin ali təhsil müəssisəsi ilə kadr hazırlığında məsuliyyəti bölüşməlidirlər”. 

ŞƏRH YAZ
0
BAĞLA