"Youtube"un "xalq artistləri" — sosial şəbəkədən üzə çıxan MƏŞHURLAR

12:38
23.10.2017
4166
Maqazin
A
"Maşın şou"nun dünənki buraxılışında aktyor İlkin Misgərlinin ("Bozbaş Pictures"in Qılmanı-red.) müğənni Talıb Taleyə uduzması bir daha göstərdi ki, sosial şəbəkələr izləyici, tamaşaçı sayına görə televiziyaları üstələyir. Şübhəsiz ki, bu mənada "Youtube" televiziyanın əsas rəqibi, hətta belə demək mümkünsə, qəniminə çevrilib. Doğrudur, İlkinin oynadığı obrazlara da "Youtube" vasitəsilə minlərlə insan baxıb. Ancaq Talıb Taleni insanlar məhz bu sosial şəbəkə vasitəsilə tanıyıblar.

Digər tərəfdən yanaşanda təbii ki, sənətçinin hər hansı videosuna milyonlarla baxışın olması keyfiyyət göstəricisi sayıla bilməz. Ancaq danılmayacaq bir fakt var ki, bu gün şərti olaraq "Youtube"un "xalq artistləri" adlandıracağımız sənətçilərə yetərincə tələbat var. 

Ölkə.Az sosial şəbkələr vasitəsilə tanınan sənətçilərin bir qismini təqdim edir. 

Üzeyir Mehdizadə ilk mahnılarını buraxanda Azərbaycanda bu sosial şəbəkə o qədər də populyar deyildi. Ancaq o vaxtlar Üzeyirin yazıb oxuduqları da indiki kimi geniş yayılmamışdı. Bəlkə elə buna görədir ki, 27 yaşlı ifaçını yaxın ölkələrdə - Türkiyədə, Rusiyada, hətta Orta Asiyada məclislərinə dəvət etmək istəyənlərin sayı günbəgün artır. 

Müğənni Damla (əsl adı Məsumə Əliyev-red.) da "Youtube" vasitəsilə tanınan sənətçilərdəndir. Bəli, sənətçinin son zamanlar efirlərə tez-tez dəvət edirlər. Elə mətbuatın özündə də barəsində "sponsoru maşın aldı", "filankəsdən hamilədir", "sponsoru bağışladığı maşını əlindən tutub aldı" tipli xəbərlər yazılır. Ancaq həqiqət budur ki, sənətçinin qazandığı populyarlığın böyük hissəsi "Youtube" vasitəsilə olub.

Elə Damlanın son zamanlar duet ortağı olan meyxanaçı Pərviz Bülbülənin də məşhurlaşmasında sosial şəbəkələr az rol oynamayıb. Populyarlıq mənasında ilk addımlarını ANS-in məşhur "De, gəlsin" meyxana layihəsində atan Bülbüləlini indi daha çox sosial şəbəkələrdən tanıyırlar. 

Təxminən altı ay əvvələ qədər Elvin Mirzəzadə adı ancaq sənət aləmində kimlərə nəsə deyə bilərdi. Maksimum təqdimat da bu ola bilərdi ki, o, "Yeni ulduz" mahnı-SMS yarışmasının iştirakçısı olub. Şühbəsiz ki, istedadlıdır. Ancaq Elvini nə iştirak etdiyi müsabiqə, nə də digər efirlər tanıda bilmədi. Məhz "Düşün məni" adlı mahnı bir neçə gün ərzində 5 milyondan artıq baxış sayı qazandı və beləcə Elvinə populyarlıq qazandırdı. Qeyd edək ki, hazırda həmin ifanı 7 milyondan artıq insan dinləyib.

"Maşın şou"nun maraqlı iştirakçılarından olan repçi Rauf Əhmədov da populyarlığının böyük hissəsini sosial şəbəkələrə borcludur. Məntiqlə yanaşsaq, Murad Dadaşov kimi işini bilən adam 2-3 illik karyerası olan repçini bu layihəyə dəvət etməyə də bilərdi. Ancaq qeyd etdiyimiz kimi Əhmədovun sosial şəbəkələrdə qazandığı populyarlıq Dadaşov və komandasının da diqqətindən kənarda qalmadı.


İntiqam VALEHOĞLU
Ölkə.Az

ŞƏRH YAZ
0

Oturduğu yerdə günə 41 min sterlinq qazanır

Oturduğu yerdə günə 41 min sterlinq qazanır
23:03
15.10.2018
3065
Maqazin
A
Məşhur müğənni Adele hazırda albom buraxıb, mahnı oxumasa da, oturduğu yerdən pul qazanır.

“Ölkə.Az” xəbər verir ki, sənətdə heç bir yenilik etməsə də, ticari yatırımları sayəsində gündə 41 min sterlinq qazanır.

30 yaşlı müğənni musiqininin daşını 5 yaşlı oğlu Angeloya görə atıb. O, oğlu ilə daha çox vaxt keçirmək üçün qastrol səfərlərinə və konsertlərə ara verdiyini açıqlayıb. Yeni albomlarıyla satış rekordları qıran Adele son səfərini 2017-ci ildə bitirib. O müddətdə Adelenin sərvəti 105 milyon sterlinqə çatıb.

Müğənninin Melted Stone Ltd. şirkəti ötən il 4,9 milyon sterlinqlik işə imza ataraq 25,5 milyon nağd pul qazanıb. Adele özü isə bu qazancdan 2,25 milyon sterlinq əldə edib. Onun digəri bir şirkəti isə sənətçiyə ötən il 4,4 milyon sterlinq ödəyib.

Ölkə.Az

ŞƏRH YAZ
0

Paylaşdıqları foto Mustafa ilə Simgenin sirrini açdı — Sevgili olduqları iddiası təsdiqlənir

Paylaşdıqları foto Mustafa ilə Simgenin sirrini açdı
22:34
15.10.2018
2349
Maqazin
A
Türkiyəli müğənnilər Mustafa Sandalla Simge Sağın arasında arasında sevgi münasibəti olması barədə gəzən xəbərlər təsdiqlənir.

“Ölkə.Az” Türkiyə mətbuatına istinadən xəbər verir ki, cütlük paylaşdıqları şəkillərlə sirrin üstünü açıblar. Belə ki, bir müddət əvvəl aralarında sevgi münasibəti olduğu barədə xəbərlər gəzən Mustafa və Simgenin Fethiye Göcek tətilinə çıxdıqları iddia edilir. Sandal ötən həftə Simgenin mahnısını paylaşaraq “Aç qoynunu gəlirəm” yazmışdı. Lakin Simge aradalarında hər hansı münasibət olmadığını demişdi. 

Cütlüyün eyni vaxtda eyni yerdən foto paylaşması onların sevgili olduqları iddiasını gücləndirib. Hələ ki tərəflərdən hər hansı açıqlama gəlməyib.

Ölkə.Az

 

ŞƏRH YAZ
0
BAĞLA