"YPG terrorçudur və bütün dünya bunu belə də biləcək” — Hulusi Akar

13:27
11.12.2019
1057
Dünya
A
“YPG-nin PKK-dan heç bir fərqi yoxdur. Bundan imtina etməyimiz mümkün deyil. YPG terrorçudur və bütün dünya bunu belə də biləcək”.

“Ölkə.Az” xəbər verir ki, bunu Türkiyənin Milli Müdafiə naziri Hulusi Akar açıqlamasında deyib.

Müdafiə naziri Londonda təşkil edilən NATO zirvəsindən sonra "Türkiyə YPG tezislərindən imtina etdi, Baltik və Polşa planlarını təsdiqlədi, bu səbəbdən bu məsələ sona çatdı” kimi bir fikrin ortaya çıxmasına cavab olaraq bildirib ki, qəti olaraq belə bir şeydən söhbət gedə bilməz: "YPG terrorçudur, PKK-nın Suriya qoludur və PKK-dan heç bir fərqi yoxdur. Bundan hər hansı bir şəkildə imtina etməyimiz və ya təxirə salmağımız əsla mümkün deyil. YPG terrorçudur, bunu bütün dünya belə də biləcək”.

Nazir bu məsələnin qeyri-rəsmi görüşlərdə bütün millətlər tərəfindən qəbul edildiyini xatırladaraq:“Normal zəkaya sahib olan bir insan əlimizdəki məlumatları, sənədləri, fotoşəkilləri görəndə, o hesabatları oxuyanda YPG-nin PKK-nın bir qolu olduğunu, uydurma bir qərargah olaraq bilinən Kandildən əmr aldığını, fəaliyyət göstərdiyini görür, başa düşür. Ancaq siyasi səbəblər, bəzi hüquq və mənfəətləri qorumaq üçün bütün bunların ifadə edilməsindən çəkinirlər”- deyə ifadə edib.

Ölkə.Az

ŞƏRH YAZ
0

Fırıldaqçılara inanmayın və ucuz toyuq əti almayın — VİRUS TƏHLÜKƏSİ, NECƏ QORUNMALI?

Fırıldaqçılara inanmayın və ucuz toyuq əti almayın
00:38
Bu gün
221
Dünya
A
Yanvarın 18-də Ukraynanın Vinnitsa bölgəsinin Nemirovski rayonundakı "Xutor" sənaye müəssisəsində qeydə alınan toyuq ölümü bütün Avropa və MDB ölkələrini narahat etdi.

Laboratoriya müayinələrinin köməyi ilə xəstəliyə son 3 ildə eşidilməyən quş qripi (tip A, tip H5) diaqnozu qoyuldu. Xutordan əlavə, Kolosok JLLC və Nemirov-Podolia MMC şirkətlərinin təsərrüfatları da karantinə alındı. Nemirovski rayonunda 3 km radiusda 9 yaşayış məntəqəsində mühafizə zonası, və eyni bölgənin 23 yaşayış məntəqəsində nəzarət zonası yaradıldı.

Vinnitsa bölgəsinin Dövlət Qida və İstehlak Xidmətinin məlumatına görə, epizootik ərazidə 116 min quş var. Yanvarın 21-ə olan məlumata görə, 22 min quş məhv edilib və sonrakı günlərdə bu rəqəm 108 minə-ə çatıb.

Qeyd olunur ki, 2020-ci ilin əvvəlinə olan məlumata görə, Ukraynadakı müəssisə və ev təsərrüfatlarında təxminən 220 milyon quş saxlanılır.

Heyvanların Sağlamlığının Qorunması Ümumdünya Təşkilatının hesabatına görə, Ukraynada quş qripinin işartıları zamanı 4 min 856 toyuq tələf olub. Avropa Birliyi Ukraynadan quş əti, quş əti məhsulları və termal işlənməmiş quş məhsulları idxalını dayandıracağını bildirib. Qeyd edək ki, yumurta və yumurta məhsullarına isə məhdudiyyətlər qoyulmayıb.

Vacib məqamı nəzərinizə çatdıraq ki, dünyada quş qripinin başlaması ilə yanaşı, ilk dəfə Çində aşkar olunan naməlum koronavirus qurbanlarının sayı artır və bu cür təhlükələrdən qorunmağın yolları məsələsi aktuallaşır.

Əsas problem odur ki, hazırda Ukrayna tədarükçüləri çox sayda toyuq əti toplayıblar ki, bu da digər ölkələr üçün təhlükəli ola bilər. Vicdanlı şirkətlər heç kimə zərər verməmək üçün mallarını məhv edirlər, lakin bununla yanaşı fırıldaqçıları, vicdansız iş adamlarını unutmaq olmaz. Onlar zərərləri azaltmaq və qripə yoluxmuş quş və quş əti məhsullarını digər ölkələrə ucuz sataraq, bundan qazanc əldə etməyə hazırdırlar. "Qurban ölkələr" arasında Azərbaycan da ola bilər.

Bəzi mağazalarımızın rəflərində tez-tez cəlbedici qiymətə toyuq və toyuq əti görə bilərsiniz. Adətən insanlar belə ucuz məhsulların üzərində müvafiq təhlükəsizlik sertifikatlarının olub-olmamasına baxmırlar.

Buna görə də, quş əti alarkən riskləri azaltmaq üçün sadə qaydaları bilmək çox əhəmiyyətlidir:

- Quş ətini yalnız rəsmi bazarlardan, supermarketlərdən almaq lazımdır. Ticarət üçün nəzərdə tutulmamış və pərakəndə satış yerlərindən almaq olmaz.

- Normal toyuq əti solğun sarı rəngli piyə və açıq çəhrayı rəngə malik olur.

-  İlkin termik emalsız quş ətindən istifadə etməyin. Virus yalnız 70+ dərəcədə məhv olur.

- Yalnız sizə yaxşı tanış olan və etibar etdiyiniz şirkətlərin məhsullarını alın. 

- İstifadədən əvvəl yumurtaları qaynayan suda mümkün qədər çox saxlamaq lazımdır. Qaynar suya qoymazdan əvvəl isə yumurtaları sabunla yuyun. 

- Çiy yumurtalar əsasında xəmirin hazırlamasından çəkinin.

ŞƏRH YAZ
0

Pekində koronavirusdan ilk ölüm hadisəsi baş verib

Pekində koronavirusdan ilk ölüm hadisəsi baş verib
23:18
27.01.2020
540
Dünya
A
Bu gün Pekində yeni koronavirusun törətdiyi pnevmaniyadan ilk ölüm hadisəsi qeydə alınıb.

"Ölkə.Az" bildirir ki, bu barədə Çinin Mərkəzi Televiziyası xəbər verir.

Bildirilir ki, paytaxtda virusa yoluxanların sayı 8 nəfər artaraq 80-ə çatıb. Onlardan 12-nin vəziyyəti ağırdır. Yeni tipli pnevmaniya nəticəsində dünyasını dəyişən 50 yaşlı xəstə ayın 15-də virusun yayılmağa başladığı Uhan şəhərindən qayıdıb.

ŞƏRH YAZ
0
BAĞLA