Yüksəkgərginlikli elektrik hava xətlərinə təhlükə yoxdur — Yanğın söndürüldü + YENİLƏNİB

Yüksəkgərginlikli elektrik hava xətlərinə təhlükə yoxdur
21:44
12.07.2018
2985
Ölkə
A
Ağsu rayonunun Bico kəndi yaxınlığındakı biçilmiş taxıl sahəsi və kol-kos olan ərazidə baş vermiş yanğın söndürülüb.

Bu barədə "Ölkə.Az"a FHN-dən məlumat verilib. 

***

Ağsuda  yanğının yüksəkgərginlikli elektrik xətlərinə yaxınlaşmasının qarşısı alınıb.

"Ölkə.Az" xəbər verir ki, bu barədə FHN-in məlumatında bildirilir. 

Məlumata əsasən, Böhran Vəziyyətlərində İdarəetmə Mərkəzinə saat 16:15-də Yevlax rayonu Xanabad kəndi yaxınlığında biçilmiş taxıl sahəsində yanğın baş verməsi barədə məlumat daxil olub. Əraziyə dərhal Fövqəladə Hallar Nazirliyinin Dövlət Yanğından Mühafizə Xidmətinin yanğınsöndürmə qüvvələri və texnikası cəlb olunub, görülmüş operativ tədbirlər nəticəsində yanğının yanxınlıqdakı yüksəkgərginlikli elektrik hava xətlərinə yaxınlaşmasının qarşısı alınıb (150-200 metr məsafədə). Yanğın 18:18-də yanğısöndürənlər tərəfindən söndürülüb.

Yanğın nəticəsində 79 hektar biçilmiş taxıl sahəsi və 1 hektar kol-kos yanmışdır. Yaxınlıqdan keçən yüksəkgərginlikli elektrik hava xətləri, meşə zolağı, ferma və ətraf ərazilər yanğından mühafizə olunub.

Saat 14:30 radələrində Ağsu rayonunun Bico kəndi yaxınlığındakı biçilmiş taxıl sahəsi və kol-kos olan ərazidə yanğın baş verməsi barədə də məlumat daxil olan kimi dərhal Fövqəladə Hallar Nazirliyinin Dövlət Yanğından Mühafizə Xidmətinin canlı qüvvə və texnikası yanğının söndürülməsi işlərinə cəlb edilib.

Yanğının yüksəkgərginlikli elektrik hava xətlərinin yaxınlığında baş verməsi yanğının söndürülməsində çətinliklər yaradıb. Yanğın sürətlə geniş ərazilərə yayıldığından qonşu rayonlardan da FHN DYMX-nin canlı qüvvə və texnikası, Fövqəladə Hallar Nazirliyinin Aviasiya dəstəsinin “Be-200 ÇS” amfibiya təyyarəsi və "Mi-17" yanğınsöndürmə helikopteri, Mülki Müdafiə Qoşunlarının və Şimal-qərb Regional Mərkəzinin canlı qüvvəsi və texnikası yanğınsöndürmə işlərinə cəlb olunub.

Həyata keçirilmiş operativ tədbirlər nəticəsində bu istiqamətdə yanğının yüksəkgərginlikli elektrik hava xətlərinə yaxınlaşmasının qarşısı alınıb. Hazırda yüksəkgərginlikli elektrik hava xətlərinə təhlükə yoxdur. Yanğının söndürülməsi istiqamətində işlər davam etdirilir.

Yanğının söndürülməsi işlərinə Ağsu rayonu İcra Hakimiyyətinin müvafiq qüvvələri və yerli əhali də cəlb edilib.

Əlavə məlumat veriləcək.

Ölkə.Az

ŞƏRH YAZ
0

Bu ərazidə su olmayacaq

Bu ərazidə su olmayacaq
11:20
Bu gün
84
Ölkə
A
“Azərsu” Bakının bu hissəsində suyun olmayacağı ilə bağlı xəbərdarlıq edib.

"Ölkə.Az" xəbər verir ki, Suraxanı rayonu Hövsan qəsəbəsini içməli su ilə təchiz edən magistral kəmərdə baş vermiş qəza ilə əlaqədar 15 noyabr 2018-ci il tarixində gün ərzində qəsəbəyə içməli suyun verilməsində məhdudiyyətlər olacaq.

Ölkə.Az

ŞƏRH YAZ
0

Sabahdan Azərbaycanda məktəblilərin payız tətili başlayır

Sabahdan Azərbaycanda məktəblilərin payız tətili başlayır
10:55
Bu gün
1119
Ölkə
A
Sabah noyabrın 16-sı Azərbaycanda məktəblilərin payız tətili başlayır.

"Ölkə.Az" xəbər verir ki, tətil noyabrın 20-nə qədər davam edəcək.

Bundan əlavə şagirdlər qış tətilinə 27-31 yanvar, yaz tətilinə isə mart ayında cıxacaqlar.

İbtidai siniflər üçün isə  1-5 may tarixində əlavə tətil günləri var.

Ölkə.Az

ŞƏRH YAZ
0
BAĞLA