KORONAVİRUSA YOLUXANLARIN SAYI - CANLI STATİSTİKA

“Yüksəliş”in onlayn imtahan hazırlığı

“Yüksəliş”in onlayn imtahan hazırlığı
10:00
14.02.2020
1435
Ölkə
A
“Yüksəliş” sizinlə başlasın! Bu sloqan artıq neçə aydır böyük marağa səbəb olmuş, kadr ehtiyatı bankının yaradılmasını hədəfləyən layihənin çağırışıdır. Prezident İlham Əliyevin iyulun 26-da imzaladığı sərəncamla təsis olunan “Yüksəliş” müsabiqəsi Onlayn mərhələ ilə namizədlərini seçməkdə davam edir.

Fevralın 16-da əsas imtahandır 

İntellektual səviyyəsi və idarəçilik keyfiyyətləri yüksək olan perspektiv rəhbər şəxslərin müəyyən edilməsini, dəstəklənməsini hədəfləyən müsabiqəsinin  ilk  əsas imtahanına 2 gün qalır. Müsabiqəyə qəbul edilmiş 9.775 nəfərdən 6944 namizəd artıq fevralın 8-də Onlayn mərhələnin Ümumi biliklər üzrə sınaq imtahanından keçərək, onları gözləyən növbəti mərhələlər üçün təcrübə əldə etmiş oldular. Əlbəttə ki, sınaq imtahanının nəticələri namizədlərin göstəricilərinə təsir etmir. Amma bu, əsas imtahana aid deyil. Əsas imtahanda iştirak etməyən şəxslər növbəti mərhələyə buraxılmayacaq.

Əsas imtahanda iştirakçıları nələr gözləyir?

Namizədlər tarix, coğrafiya, ədəbiyyat və mədəniyyət, hüquq və iqtisadiyyat olmaqla 4 blok üzrə sualları cavablandırmalıdırlar. Yəni, sual blokları  elə ilk tanışlıqdakı kimidir. Daha təfərrüatlı desək, hər fənn üzrə 21 sual təqdim olunur. Test suallarının nəticələri testi bitirən iştirakçılara təqdim edilir. İmtahan müddəti 2 saatdır. Hər sual üçün çətinliyindən asılı olaraq 30-50 saniyə vaxt ayrılıb. Test blokları arasında 10 dəqiqəlik  fasilə  olacaq.  Bu fasilədən  istifadə etmək iştirakçıların ixtiyarındadır. 

İmtahana qatılmazdan əvvəl iştirakçıların diqqət yetirməsi vacib olduğu məqamlar da var. Belə ki, namizədlər imtahan verəcəyi məkanı əvvəldən müşahidə etməli, texniki göstəricilərini yoxlamalıdırlar. Çünki hər bir namizəd nəzərə almalıdır ki, imtahanda iştirak üçün yaranacaq hər hansı texniki məhdudiyyətə birbaşa özü məsuliyyət daşıyır. Müsabiqənin İşçi qrupu da eyni zamanda tərəfindən yaranacaq hər hansı bir problemlə bağlı öhdəliyi olan tərəfdir. İş yerindən imtahana qatılanlar isə yukselish.az saytına giriş məhdudiyyəti olmadığına əmin olmalıdırlar. Sayta firefox, safari və chrome brauzerlərdən biri vasitəsilə daxil olmmaq mümkündür. Həmin müddət ərzində internet bağlantısının minimal sürəti 100 Kbit/san olmalıdır. Hər bir test sualının cavablandırılması müəyyən vaxtla məhdudlaşdırılıb. Bu vaxtı əldən verənin geri qayıtmaq şansı olmur. 

Çağrı Mərkəzi (1820) xidmətinizdədir

Təbii ki, layihənin işçi qrupu tərəfindən namizədlərin suallarını dərhal cavablandırmaq və bütün mümkün texniki çatışmazlıqları aradan qaldırmaq məqsədilə Çağrı Mərkəzi (1820) yaradılıb. Həmçinin layihənin sosial şəbəkələrdəki səhifələrinə, elektron poçtuna ünvanlanan müraciətlər daim diqqətdə saxlanılır. 

Şəffaflıq öz əlinizdədir

İmtahanın Onlayn mərhələsi sizə “dosta zəng”, əlavə internet resurslarından istifadə imkanı verir əlbəttə. Nəzarət mexanizmi yalnız özünüz, bilik və bacarığınıza əminlikdir. Bu mərhələni kənar dəstək hesabına qazananların sevinci isə uzunmüddətli olmayacaq. Nəticədə Onlayn mərhələdən üzüağ çıxanlar Əyani mərhələyə yollanır. Bu məqamda isə səriştə, ümumi erudisiya ilə yanaşı, iştirakçıların sosial intellekti, düşünmə sürəti və kommunikativ bacarıqları yoxlanılacaq. Odur ki, növbəti mərhələlərdə rəqibləri üstələmək üçün idarəçiyə xas olan daha üstün keyfiyyətlər sizi yüksəlişə aparacaq. 

ŞƏRH YAZ
0

SMS icazə sistemində yenilik edildi — RƏSMİ

SMS icazə sistemində yenilik edildi
17:51
Bu gün
81
Ölkə
A
“Xüsusi Karantin Rejiminin Tətbiqi Zamanı İcazələrin Alınması və Monitorinqi Sistemi”ndə bir sıra yeniliklər tətbiq edilib”.

Bunu Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev bildirib.

Onun sözlərinə görə, “İcazələrin Alınması və Monitorinqi Sistemi”ndə yeniliklər edilib:

“Belə ki, 8103 SMS icazə sistemi üzərindən müvafiq kodlar üzrə icazə alarkan cavab mesajında şəxsiyyət vəsiqəsinin seriya və nömrəsi də əks olunur. Bu eyni nömrədən müxtəlif vəsiqə üzrə icazə alan vətəndaşlar arasında çaşqınlıq hallarının yaranmaması, hansı vəsiqə üzrə icazənin verildiyini dəqiq müəyyən etməkdə kömək edir.

İcaze.e-gov.az portalında isə 5 iyul tarixinə qədər olan icazələr avtomatik olaraq deaktiv olunacaq. 

Fəaliyyətinə Nazirlər Kabinetinin müvafiq Qərarı ilə icazə verilən sahələr üzrə çalışan əməkdaşların isə 20 iyul tarixinədək icazələrini işəgötürənlər özləri nəzərdə tutduqları qrafikə uyğun bu gündən aktivləşdirəcə biləcəklər.

Bundan başqa, fəaliyyətinə icazə verilmiş sahələrdə çalışan əməkdaşların ezamiyyətlərinin icazə.e-gov.az portalına əlavə olunması imkanı yaradılıb. Bunun üçün qurumun möhür səlahiyyətli şəxsi icazə.e-gov.az portalında “İcazələr” bölməsinə daxil olur. 

Açılmış bölmədə “Əməliyyatlar” sütunundan “ezamiyyə et” düyməsinə klik edərək müvafiq məlumatlar doldurulur və təsdiq edilir. Əgər əməkdaşın aktiv icazəsi yoxdursa, bu zaman “İcazələr” bölməsinə daxil olaraq “Yeni” düyməsinə klik edərək öncə əməkdaşa icazə əldə etmək lazımdır”.

O qeyd edib ki, “İcazələrin Alınması və Monitorinqi Sistemi” TƏBİB-in elektron sisteminə inteqrasiya olunduğundan koronavirusa yoluxmuş vətəndaşlar 8103 SMS icazə sistemindən və “E-Təbib” mobil tətbiqindən icazə ala bilmirlər:

“Həmin vətəndaşlar sağaldıqdan və karantin müddəti bitdikdən sonra onun icazəsinə sistem üzərindən qoyulmuş qadağa aradan qaldırılır. “İcazələrin Alınması və Monitorinqi Sistemi” Dövlət Sərhəd Xidmətinin elektron sisteminə də inteqrasiya olunub. Digər ölkələrdən Azərbaycana gələnlər nəzərdə tutulan karantin müddəti bitənə qədər 8103 SMS xidmətindən və “E-Təbib” mobil tətbiqindən icazə ala bilməyəcəklər. Daxili İşlər Nazirliyinin əməkdaşlarının yoxlamaları zamanı müəyyən edilmiş hərəkət məhdudiyyətlərinin tətbiqi qaydalarının pozulmasına görə fiziki, hüquqi və vəzifəli şəxslər Azərbaycan Respublikasının İnzibati Xətalar və Cinayət məcəllələrində nəzərdə tutulmuş qaydada məsuliyyət daşıyırlar.

Ətraflı məlumat üçün 9108  “Çağrı” Mərkəzi ilə əlaqə saxlamaq mümkündür”. 

ŞƏRH YAZ
0

DYP postları yenidən fəaliyyətə başladı — VİDEO

DYP postları yenidən fəaliyyətə başladı
17:50
Bu gün
224
Ölkə
A
Dövlət Yol Polisi (DYP) Bakı şəhərinin müxtəlif küçə və prospektlərində sürücü və sərnişinlərin yoxlamasını həyata keçirir.

"Ölkə.Az" report-a istinadən xəbər verir ki, xüsusi karantin rejiminin tələblərində nəzərdə tutulmuş müvafiq icazələrinin olub-olmamasına nəzarət etmək məqsədilə hərəkət iştirakçılarının – sürücülərin və sərnişinlərin sənədləri yoxlanılır.

Müvafiq icazəsi olmayan hərəkət iştirakçıları qanunvercilikdə nəzərdə tutulmuş qaydada məsuliyyətə cəlb edilir.

Qeyd edək ki, Bakı şəhərinə giriş-çıxış postları istisna olmaqla digər postlar iyul ayının 2-dən ləğv edilmişdi.

Daxili İşlər Nazirliyindən bildirilirdi ki, buna səbəb şəhərdaxili yollarda avtonəqliyyatın hərəkətinin intensivliyini təmin etmək, sərtləşdirilmiş xüsusi karantin rejiminə nəzarətə daha çox əməkdaşın cəlb edilməsidir.

ŞƏRH YAZ
0
BAĞLA