Yükünüzü birinci almaq istəyirsiniz? — Təyyarə ilə səyahət edənlər üçün MARAQLI MƏLUMATLAR, FOTO

Yükünüzü birinci almaq istəyirsiniz?
20:14
05.12.2017
4454
Maraqlı
A
Təyyarə ilə səyahət edənlər çox vaxt hava gəmisindən düşəndən sonra yüklərini birinci almaq istəyirlər. Bəs bunun üçün nə etmək lazımdır?

“Ölkə.Az” xəbər verir ki, ABŞ-da populyar olan “Quora” saytı bu barədə maraqlı yazı dərc edib. Yazıda bu istiqamətdə maraqlı tövsiyyələr yer alıb.

Amerikada hava limanlarından birində çalışan Tomas Lo Skutio adlı işçi təyyarədən düşdükdən sonra çamadanı tez bir zamanda almaq istəyənlər üçün bəzi tövsiyələr verib.

Onun sözlərinə görə, əgər deyilənlərə əməl edilərsə, təyyarədən düşəndən sonra yükü birinci almaq olar.

“Təyyarədən düşərkən baqaj yükünü ən tez almaq üçün səyahətə gedərkən çamadanı ən son təhvil vermək lazımdır. Bunun üçün də, çamadanın üstünə yazılan çeki də son olaraq qeydiyyata salmaq lazımdır”, - deyə Lo Skutio bildirib.

Onun sözlərinə görə, hava limanları çox sadə məntiqlə çalışırlar: “Çantanızı ilk verdiyiniz halda, çamadanınız gecikəcək. Bunun əksinə olaraq, ən son verilən yük baqajdan birinci çıxacaq”.

Aeroport əməkdaşı onu da vurğulayıb ki, sərnişinlər istəsələr təyyarəyə minərkən çantalarını təhvil verə bilərlər. Onun sözlərinə görə, bu zaman sərnişinlər balaca bir biclik də edə bilərlər.

“Əgər yükünüzün səliqəli şəkildə və son olaraq yerləşdirilməsini istəyirsinizsə, o zaman, çantanızın üstünə vurulan çekə “Yükün içərisində qırıla bilən əşya var” yazısını yazdırın.

Bu zaman yükünüz çox səliqəli və ehtiyatlı yerləşdiriləcək. Həm də, son olaraq qoyulacaq çanta, təyyarədən düşəndən sonra ilk olaraq sizə çatdırılacaq”.

Ziya Səccad
Ölkə.Az

ŞƏRH YAZ
0

Rusiyanın ən yaxşı şərabı seçildi

Rusiyanın ən yaxşı şərabı seçildi
00:55
Bu gün
782
Maraqlı
A
Sevastopolda Rusiya şərablarının festivalı keçirilib.

“Ölkə.Az” xəbər verir ki, seçim üçün festivalda müxtəlif şirkətlərin şərabları təqdim edilib. Təqdim edilən 7 kateqoriyada 10  istehsalçının şərabı seçim turuna hüquq qazanıb. Ən yaxşı məhsullar sırasına isə Krım və Sevastopol şirkətlərinin şərabları layiq görülüb. Kubandan iki istehsalçı, Rostov bölgəsindən isə bir şirkətin məhsulu fərqlənib. 

Şərablar 6 münsif tərəfindən 100 bala qədər qiymətləndirilib. Şərabın qiymətləndirilməsi meyarları isə standart olub: dadın təmizliyi, məhsulun iyi və turşuluğu.

Məhsullardan dadma qapalı rejimdə keçirilib. Müsabiqənin nəticələri isə tədbirin sonunda açıqlanıb. Nəticələrə görə, Rusiyanın 2017-ci il üçün ən yaxşı şərabı Sevastopol məhsulu olub.

Ziya Səccad
Ölkə.Az

ŞƏRH YAZ
0

İnsanlar turşudan niyə zəhərlənir? — VİDEO

İnsanlar turşudan niyə zəhərlənir?
22:00
16.12.2017
1943
Maraqlı
A
Bakının Binəqədi rayonunda yaşayan 40 yaşlı Anar Hümbətov xiyar turşusundan zəhərlənərək ölüb.

Ölkə.Az Xezerxeber-ə istinadən xəbər verir ki, illərdir ev şəraitində bağlanan turşuların zəhərlənməyə səbəb olduğu deyilsə də, insanlar buna məhəl qoymurlar.

Təkcə 2017-ci ilin 11 ayı ərzində 528 nəfər turşudan zəhərlənib, 4 ölüm halı qeydə alınıb.

Gigiyena və Epidemiologiya Mərkəzinin şöbə müdiri Ziyəddin Kazımov evdə turşu bağlanılmasının birmənalı şəkildə əleyhinədir. Onun sözlərinə görə, konservləşdirilmiş turşularda inkişaf edən toksinlərə müdaxilə çətindir. Bu, çox hallarda ölümlə nəticələnir. Zəhərlənən insanın müdaxilə üçün maksimum 8 saatı qalır.

Çox hallarda zəhərlənməyə səbəb olma ehtimalı böyük olan turşuları əvvəlcədən müəyyən etmək olur.

Turşu zəhərlənməsinin ilkin əlaməti qarında kəskin ağrılar və mütamadi qusma hallarıdır. Çoxları tutma bağlamağı asan hesab edirlər. Əslində isə tərəvəz vasitəsi ilə bankaya daxil olan torpaq qırıntıları, toz hissəcikləri sonradan reaksiyaya girərək zəhərlənmə yaradır.

 

ŞƏRH YAZ
0
BAĞLA