Yuliya Skripal: \"Bizim sağalmağımız çox çətin və ağır idi\"
Martın 4-də İngiltərənin Solsberi şəhərinə atası ilə birgə sinir iflic edici maddə ilə zəhərlənən Yuliya Skripal sui-qəsd cəhdindən sonra ilk müsahibə verib.
"Ölkə.Az" xəbər verir ki, bu barədə “Sky News” xəbər verib.
“Bəxtimiz çox gətirdi ki, bu sui-qəsd cəhdindən sağ çıxdıq. Bizim sağalmağımız çox çətin və ağır idi”, deyə Y.Skripal qeyd edib.
Rusiya səfirliyinin yardımına ehtiyacı olmadığını deyən 33 yaşlı qadın uzunmüddətli perspektivdə ölkəsinə dönməyə ümid etdiyini bildirib.
Qeyd edək ki, Sergey Skripal mayın 18-də, onun qızı isə aprel ayında xəstəxanadan buraxılıb.
Rusiya prezidenti Vladimir Putin Skripalın sağalacağına, sağlam və salamat olacağına ümidvar olduğunu bildirib.
Ölkə.Az
