Yuliya Timoşenkonun deputat toxunulmazlığı ləğv edilə bilər

"Ölkə.Az" xəbər verir ki, Timoşenko bu barədə bəyanat yayıb. Bəyanata əsasən, Ukrayna hökuməti Timoşenkonu Mixeil Saakaşvili ilə birlikdə sərhədi qanunsuz keçdiyi üçün məsuliyyətə cəlb etmək niyyətindədir. Bu səbəbdən deputatın toxunulmazlığı ləğv edilə bilər.

Timoşenko deyib: "Mənə məlumdur ki, prezident Poroşenko güc strukturları ilə iclas keçirib. Məqsəd məni və komandamızı məhv etməkdir. Prezident Ukrayna Ali Radasına mənim toxunulmazlığımın dərhal ləğv edilməsi barədə təqdimatın göndərilməsini, dövlət sərhədini guya qanunsuz keçdiyim üçün mənim məsuliyyətə cəlb edilməyimi tələb edib.

Timoşenko bildirir ki, deputat toxunulmazlığının ləğv edilməsi barədə ərizə yazmağa hazırdır. Bununla yanaşı partiya lideri qeyd edib ki, sərhədi qanunsuz yolla keçmək barədə məlumat həqiqəti əks etdirmir.

Hikmət Həsənov
Ölkə.Az