Yunanıstanın sabiq baş naziri dünyasını dəyişdi
Yunanıstanın sabiq baş naziri Konstantinos Mitsotakis vəfat edib.
"Ölkə.Az" xəbər verir ki, Konstantinos ömrünün 99-cu ilində gözlərini əbədi olaraq yumub.
Yunan mətbuatının yazdığına görə, sabiq baş nazir ötən gecə sevdiyi və onu sevən insanların əhatəsində dünyasını dəyişib.
Mitsotakis Krit adasındakı Xanya şəhərində anadan olub. O, Yunanıstanın baş naziri Elefterios Venizelosun qardaşı oğludur. 1978-ci ildə Konstantinos "Yeni liberallar" partiyasını yaradır. 1 il sonra isə qurumu ilə birlikdə "Yeni Demokratiya" partiyasına daxil olur. Sonra isə bu partiyaya liderlik edir.
Mitsotakis 1990-1993-cü illər arasında ölkənin baş naziri olub. Seçkilərdə Andreas Papandreuya məğlub olan eks baş-nazir "Yeni Demokratiya" partiyası rəhbərliyindən çəkilib.
Hikmət
Ölkə.Az
