YUNESKO-nun baş direktoru postuna seçkilərin növbəti turu keçirildi

“Ölkə.Az” xəbər verir ki, YUNESKO-nun icra şurası səsvermənin dördüncü turunda yenidən təşkilatın yeni baş direktorunu seçə bilməyib. Səsvermənin növbəti turu cümə günü keçiriləcək.

YUNESKO-nun yeni rəhbəri vəzifəsinə üç ölkənin nümayəndələri iddia edir. Onlarını sırasında Frananın sabiq mədəniyyət naziri Odri Azule, Misirin sabiq ailə və cəmiyyət məsələləri üzrə naziri Muşira Xəttab və Qətərdən olan diplomat Həməd bin Əbdüləziz əl-Kavari var.

Qeyd edək ki, oktyabrın 9-da Parisdə baş tutan YUNESKO-nun baş direktoru postuna seçkilərin ilk turu nəticə verməyib. Bazar ertəsi Parisdə keçirilən səsvermə zamanı namizədlərdən heç biri qələbə qazanmaq üçün kifayət qədər səs toplamayıb.

Azərbaycanın Rusiyadakı səfiri Polad Bülbüloğlu YUNESKO-nun baş direktoru vəzifəsinə namizədliyini geri götürüb. P.Bülbüloğlu bu addımı oktyabrın 9-da keçirilmiş səsvermənin birinci turundan sonra atıb. Onun bu qərarından sonra YUNESKO-nun baş direktoru vəzifəsinə namizədlərin sayı 6 nəfər olub.

Baş direktor postu uğrunda mübarizə aparan digər namizədlərləri təqdim edirik: Fam Suan Şon (Vyetnam), Muşira Həttab (Misir), Həməd bin-Əbdüləziz Əl-Kəvari (Qətər), Tzyan Tan (Çin), Xuan Alfonso Suentes Sorio (Qvatemala), Saleh əl-Həsnəvi (İraq),  Vera əl-Huri Laköy (Livan) və Odri Azuledir (Fransa).

Xatırladaq ki, YUNESKO-nun yeni rəhbərinin adı oktyabrın 13-dək məlum olacaq.

Ziya Səccad
Ölkə.Az