“Yuventus” türk futbolçu transfer etdi

“Yuventus” türk futbolçu transfer etdi
10:24
06.07.2019
1035
İdman
A
Türkiyə milli komandasının və İtaliyanın “Sassuolo” klubunun üzvü Merih Demiral “Yuventus”a keçib.

"Ölkə.Az" xəbər verir ki, 21 yaşlı müdafiəçi ilə 5 illik müqavilə imzalanıb.

“Yuventus” bu transfer üçün “Sassuolo”ya 18 milyon avro ödəyib.

Qeyd edək ki, “Fənərbağça” futbol məktəbənin yetirməsi olan Demiral 2017-2018-cu illərdə “Sportinq B” komandasında oynayıb. 2018/2019 mövsümünü icarə əsasında “Alanyaspor”da keçirən müdafiəçini “Alanyaspor” 3,5 milyon avroya heyətinə qatıb. Türkiyə təmsilçisi qısa müddət sonra isə Demiralı 9,25 milyon avroya “Sassuolo”ya satıb.

Ötən ildən Türkiyə millisinə də dəvət alan futbolçu burada 4 oyuna çıxıb.

Ölkə.Az

ŞƏRH YAZ
0

“Avro-2020”nin püşkatma səbətləri məlum oldu

“Avro-2020”nin püşkatma səbətləri məlum oldu
21:49
20.11.2019
329
İdman
A
Avropa Futbol Assosiasiyaları İttifaqı (UEFA) 2020-ci ilin futbol üzrə Avropa çempionatının final hissəsinin püşkatması səbətlərinin tərkibini təsdiq edib.

"Ölkə.Az" azərtac-a istinadən xəbər verir ki, Rusiya və Danimarka yığmaları turnirin ev sahibləri olaraq avtomatik olaraq çempionatın “B” qrupunda yer alıblar.

Final mərhələsinin püşkatma səbətlərinin tərkibi təsnifat turnirinin yekunlarına əsasən yığmaların reytinqi əsasında müəyyən olunub. Belçika yığması (belçikalılar təsnifatın bütün matçlarında qalib gəliblər) İtaliya, İngiltərə, İspaniya, Ukrayna və Almaniya komandaları ilə birlikdə birinci səbətdə yer alıblar. İtaliya, İngiltərə, İspaniya və Ukrayna Avropa çempionatının ev sahibləridir. Rusiya və Ukrayna yığmaları püşkatma zamanı ayrı-ayrı qruplara salınacaq. Beləliklə, Belçika avtomatik olaraq Rusiya yığması ilə bir qrupa düşəcək.

İkinci səbətdə Rusiya yığması ilə bərabər, Fransa, Polşa, İsveçrə, Xorvatiya və Niderland komandaları təmsil olunublar. Üçüncü səbətə Danimarka, Portuqaliya, Türkiyə, Avstriya, İsveç və Çexiya komandaları daxil olub. Dördüncü səbətdə Uels və Finlandiya yığmaları, habelə Millətlər Liqasının təmsilçiləri arasında pley-offun dörd qalibi təmsil olunacaq.

Avropa çempionatının qrup mərhələsinin püşkatması noyabrın 30-da Buxarestdə keçiriləcək.

Avropa çempionatının 60 illik yubileyi münasibətilə matçlar Avropanın 12 şəhərində, o cümlədən Sankt-Peterburq, London, Münxen, Bakı, Roma, Buxarest, Dublin, Kopenhagen, Bilbao, Qlazqo, Budapeşt və Amsterdamda keçiriləcək. Turnirdə 24 komanda altı qrupda mübarizə aparacaq. Öz qrupunda ilk iki yeri tutan komandalar, habelə üçüncü yerləri tutmuş dörd ən yaxşı komanda 1/8 finala çıxacaqlar.

ŞƏRH YAZ
0

Millimiz yenə məğlub oldu, qrupu 1 xalla başa vurdu — FOTO

Millimiz yenə məğlub oldu, qrupu 1 xalla başa vurdu
01:49
20.11.2019
938
İdman
A
Avro-2020-nin seçmə mərhələsinin E qrupunda son oyunlar keçirilib.

“Ölkə.Az” xəbər verir ki, millimiz bu qrupda sonuncu oyununu səfərdə Slovakiyaya qarşı keçirib.

Meydan sahibləri matçda 2:0 hesabı ilə qalib ayrılıb.

Beləliklə, Azərbaycan yığması 8 oyundan sonra cəmi 1 xal toplaya bilib.

Slovakiya – Azərbaycan - 2:0

Qollar: Robert Bojenik, 19, Marek Hamşik, 86

Uels - Macarıstan - 2:0

Qollar: Remzi, 15, 47

ŞƏRH YAZ
1
BAĞLA