“Yuxu”nun yaradıcısı vəfat etdi

“Yuxu”nun yaradıcısı vəfat etdi
20:57
02.07.2019
2841
Mədəniyyət
A
Azərbaycanın ilk rok qrupu olan "Yuxu"nun yaradıcısı İbrahim Emin vəfat edib.

“Ölkə.Az” APA-ya istinadən xəbər verir ki, İ. Emin bu gün 56 yaşında dünyasını dəyişib.

Qeyd edək ki, İbrahim Emin 18 may 1963-cü ildə Sumqayıt şəhərində anadan olub. 1986-cı ildə "Yuxu" qrupunu yaradıb. Qrupun ifa etdiyi mahnıların sözlərini və musiqisini bəstələməkdən başqa qrupda bass gitarist kimi ifa edib.

İbrahim Emin 2004-cü ildə Sumqayıtda “Sirr” qrupunu yaradıb. Qrupun 2014-cü ildə "Yoruldum" adlı albomu işıq üzü görüb.

Ölkə.Az

ŞƏRH YAZ
0

Rəhimə xanım ölümündən öncə Yaşar Nuri ilə — SON GÖRÜŞÜNDƏN DANIŞDI

Rəhimə xanım ölümündən öncə Yaşar Nuri ilə
14:11
22.11.2019
5798
Mədəniyyət
A
Bu gün Azərbaycanın görkəmli teatr və kino aktyoru, əfsanəvi Yaşar Nurinin vəfatından yeddi il ötür.

Sənətkarın həyat yoldaşı Rəhimə Nuriyeva anım günündə xatirələrini “Ölkə.Az”-la bölüşüb. Xalq artistinin son günlərindən danışan Rəhimə xanım bildirib ki, Y.Nuri altı il eyni xəstəlikdən əziyyət çəkib:

 “2006-ci ildən Yaşarın səhhətində problemlər yaranmışdı. Bakıda həkimlər diaqnoz qoydular. Bir az burada müalicə aldıqdan sonra qərara gəldik ki, müalicəni Türkiyədə davam etdirək. Altı il ərzində biz onun sağlamlığı uğrunda çətin mübarizə apardıq. Sağ olsunlar, mənə və ailəmə dəstək verən insanlar çox oldu. Bu 6 il ərzində birlikdə çalışdıq ki, Yaşarı ayağa qaldıraq. Əfsuslar olsun ki, Allah ona bu qədər ömür qoymuşdu, biz onu heç cür saxlaya bilmədik. 2006-ci ildə əməliyyatdan sonra 3 il ərzində özünü çox yaxşı hiss edirdi. Sonradan bəzi nüanslar əmələ gəldi, özünü yaxşı hiss etdiyinə görə, elə bildi ki, sağalıb. Buna görə, başladı dərmanlarını vaxtlı-vaxtında atmamağa”.

Sənətkarın yoldaşı insanların ona olan sevgisindən, qayğısından da söz açıb:

“İstanbulda xəstəxanada yatanda bilirsiz yanına nə qədər insan gəlirdi? Mən insanların onu necə sevdiyinin şahidi oldum. Bilirdim ki, Yaşar çox şöhrətli insandır. Ancaq Azərbaycandan kənarda bu cür sevgini, qayğını gözləmirdim.

Bilirsiniz, bir var sənətkar, bir də var sənətlə məşğul olan insanlar. Çalışmalıyıq ki, bu iki məfhumu bir-birinə qatmayaq. Sənətkar odur ki, illərlə addım-addım öz sənətinə çatsın və çatandan sonra da o məhəbbəti saxlasın. Əsl sənətkar həyatını sənətinə qurban verən insandır. Bax, onda insan əsl sənətkar olur. Yaşar xalq üçün bax, belə obraz, bu cür sənətkar idi. O, xalqın məhəbbətini, sevgisini qazanmışdı. Yaşar ilk dəfə 5 yaşından Musiqili Komediya Teatrının səhnəsinə çıxıb. Yeddi yaşında Lütfəli Abdullayev ilə birlikdə rol oynayıb. Yaşar doğulandan sənətkar idi”.

Rəhimə xanım Xalq artistinin son illərdə xasiyyətini tamam dəyişdiyini də bildirib.

“Bu 6 ildə Yaşarın xasiyyəti çox dəyişmişdi. Xəstəxanada mənə deyirdi, oturanda ayağının altına nəsə qoy, dincəl, əziyyət olmasın sənə. Küçəyə çıxanda ehtiyatlı ol, ayağının altında nəsə qalar, yıxılarsan.  Bu 6 ildə mən ondan eşitmədiyim sözləri eşidirdim. Çünki, Yaşar hər zaman sənətlə məşğul olub, mən onu başqa işlərə qatmamışam. Elə şərait yaradırdım ki, fikri başqa problemlərdə qalmasın. Sənətkarı yaşadan ailəsidir”.

Rəhimə xanım ölümündən 2 gün əvvəl qızlarına etdiyi tövsiyyələrdən də söz açıb:

“Yaşar 6 ildə çox əziyyət çəkdi. Ancaq bir dəfə də demədi ki, mənə nəsə olacaq, mən öləcəyəm.

Bir dəfə ölümündən 2 gün əvvəl gördüm ki, xəstəxanada qızlara deyir ki, “Mən ölsəm, siz necə olacaqsınız?”, yaxınlaşdım ki, “Sən nə danışırsan? Sənə heç nə olmayacaq, elə danışma”,  “Yox, yox heç nə danışmıram”,- tez sözünü dəyişdi.

Sonra eşitdim ki, qızlara nəsə tövsiyyə edir, bu, mənə çox pis təsir etdi, gözlərim doldu, otaqdan çıxdım.

Əməkdaşımızın “Son görüşünüz necə oldu?”-sualına Rəhimə xanımın cavabı çox kədərləndirdi.

“Ayın 21-i axşama qədər yanında olmuşam.

Saat 5 idi. Mənə zəng elədi. Xəstəxanada xəstələrə telefon istifadə etməyə icazə yox idi.  Tibb bacısının telefonundan mənə zəng etdi ki, hardasan,  gəl də. Dedim, gəlirəm. Tez geyinib, getdim. Gəldim, gördüm ki, dəhlizin lap başında arabada oturub məni gözləyir. Məni görcək başladı ki, harda qalmısan, gəl çıx da. Həmişə məni görən kimi soruşardı, kim zəng vurub, kim məni soruşub? Mən də başlayardım danışmağa, kim zəng vurub, kim soruşub. Beş nəfər zəng vurubsa, deyirdim, 10 nəfər soruşub. İstəmirdim ki, nəyisə özünə dərd etsin, xiffət çəksin. Heç vaxt yanında ağlamamışam, qəmgin olmamışam ki, baxar, dərd çəkər. Gedib qıraqda ağlayıb, üzümü silib, otağa qayıtmışam.

Son gün o qədər gözəl sima almışdı, yanaqları qızarmışdı, gözlərində məsumluq vardı. Başladım onunla zarafat etməyə. Arabayla gəzə-gəzə bir xeyli söhbət etdik. Üz-gözünü tumarladım, əyilib alnından öpdüm. Tez mənə deyir “Bəsdi, ayıbdı xəstəxanada”. Tibb bacıları başladı gülməyə.

Zarafatca dedim ki, - Ay Yaşar, ömründə mənə “səni sevirəm” deməmisən, bəlkə indi deyəsən. Yavaşca mənə dedi ki, bəsdir, ayıbdır. Sonra gördü əl çəkmirəm, pıçıltıyla dedi, hə, sevirəm”.

Bir az keçdi, çox yorulmuşdu, dedi məni otağa apar. Uzandı, yuxusu gəlirdi. Mənə dedi,  “Otur heç nə etmə, ancaq mənə bax”. Gecə saat 11-də evə getdim. Neçə dəfə xəstəxanaya zəng etdim, maraqlandım. Dedilər,  yatıb. Sonra səhərə yaxın zəng etdilər ki, tez xəstəxanaya gəlin, telefonda mənə demədilər ki, artıq vəfat edib.

Ora çatanda Baş həkim məni yanına çağırdı. Yaşar artıq həyatda yox idi. Xəbəri eşidəndə özüm də bilmədən əlimdə şüşə vardı, neçə sıxmışdımsa əlim yaralanmışdı”.

Qeyd edək ki, Y.Nuri 22 noyabr 2012-ci ildə 61 yaşında vəfat edib.

Vüsalə Balayeva

Ölkə.Az

 

ŞƏRH YAZ
0

Verdiyi hədiyyəni geri almaq məcburiyyətində qalan, atası ilə küsülü olan görkəmli aktyor — HƏSƏN MƏMMƏDOV

Verdiyi hədiyyəni geri almaq məcburiyyətində qalan, atası ilə küsülü olan görkəmli aktyor
11:16
22.11.2019
5914
Mədəniyyət
A
Bu gün Xalq artisti Həsən Məmmədovun doğum günüdür.

“Ölkə.Az” aktyor haqqında bəzi məlumatları təqdim edir.

Azərbaycan kinosunun görkəmli aktyoru Həsən Məmmədov 1938-ci ilin 22 noyabrda Salyanda anadan olub.

Atasının arzusunu yerinə yetirib müəllim olmaq üçün o, Azərbaycan Dövlət Universitetinin fizika-riyaziyyat fakültəsini daxil olub. Lakin 2-ci kursda o, oranı tərk edərək, Mirzağa Əliyev adına Teatr İnstitutuna daxil olur.

 Teatr məktəbinə üz tutanda atası onunla küsür. Bir müddətdən sonra o, "Böyük dayaq" filmində Qaraş rolunu canlandırır. Aktyora birdən-birə şöhrət gətirən bu filmə görə, atası onu bağışlayır və onunla barışır.

Həsən kurs yoldaşı rejissor Tofiq İsmayılova aldığı hədiyyəni geri istəməli olub. Ad günündə o, qardaşı arvadının billur vazasını ona hədiyyə verir. Lakin sonra evdə bunun üstündə narazıçılıq olur. O da hədiyyəni geri istəməli olur.

Tələbə vaxtı yoldaşlarının Moskvaya səfəri zamanı onun adı siyahıda olmadığı üçün o, qatarda gizli ora gedir.

Həsən Məmmədov tələbəlik illərində aktiv olmayıb. O, özünə qapanan, heç kəsnən ünsiyyət qurmayan tələbə olub.

Image result for həsən məmmədov

O, müsabiqədən keçərək Azərbaycan radiosunda diktor işləyir.

“Gün keçdi”də yaratdığı Oqtay obrazına görə, qızlar ona vurulmuşdu.

Image result for həsən məmmədov

 Həyat yoldaşı Lətifəyə aşiq olanda qız hələ məktəbdə oxuyurdu. Aralarında 8 yaş fərq olan qıza ilk görüşdən aşiq olur. Beləliklə, onlar 1967-ci ildə evlənirlər. İki övladları dünyaya gəlir - Aynur və Əvəz...

Həsən Məmmədov oğlu Əvəzin toyunu görmək arzusunda idi. O, bunun üçün gəlin namizədi də axtarırdı. Ancaq əfsuslar olsun ki, oğlu evlənən də o, artıq həyatda yox idi.

Sovet İttifaqı dağıldıqdan sonra kino sahəsində böhran yaranır. Həsən Məmmədov işsiz qalır. O zaman mədəniyyət naziri Polad Bülbüloğludan xahiş edərək yenidən Azərbaycan Akademik Milli Dram teatrına qayıdır.

Yüksək təzyiqdən və ürək xəstəliyindən əziyyət çəkən aktyor müalicə almaqdan, dərman qəbul etməkdən imtina edirdi. Yaxın dostu Xalq artisti Rafiq Əzimovun dediklərindən: “Həsən əgər vaxtlı-vaxtında dərmanlarını atsaydı, özünə baxsaydı, daha çox yaşayardı. Həsən Məmmədov öz qədrini bilmədi. Bizə rejissorlarımız, müəllimlərimiz, tamaşaçılar deyirlər ki, siz tək özünüz üçün yaşamırsınız. Sizi xalq tanıyır. Adam çox çətinlik çəkir ki, uzun illər Həsən Məmmədov kimi sənətkarla kinoda, teatrda bir yerdə işləyəsən, bir gün gözünü açasan ki, o, yoxdu. Bu bizim üçün ağırdı”.

Image result for həsən məmmədov

Həsən Məmmədov “Böyük dayaq” (Qaraş), “Arşın mal alan” (Əsgər), “Bir cənub şəhərində” (Murad), “Yeddi oğul istərəm” (Bəxtiyar), “Axırıncı aşırım” (Abbasqulu bəy), “Gün keçdi” (Oqtay), “Dədə Qorqud” (Dədə Qorqud), “Arxadan vurulan zərbə” (Qəmərli), “Bizi bağışlayın” (Nəriman), “İstintaq” (Murad), “Evlənmək istəyirəm” (Mirzə Səfər), “Bağ mövsümü” (Ağabala), “Qəm pəncərəsi” (Məmmədhəsən), “Doğma sahillər” (Nuru), “Təhminə” (Professor Zeynallı), “Həm ziyarət, həm ticarət...” (Əlimurad) və s. filmlərdə yaddaqalan obrazlar yaradaraq, tamaşaçı sevgisini qazanıb.

Buna baxmayaraq, o, heç vaxt "mənim yaratdığım" ifadəsini söyləməyib. Onu insanlara həlim səsi, təvazökarlığı sevdirib.

Görkəmli aktyor 26 avqust 2003-cü ildə gözlərini əbədi olaraq həyata yumdu.

Vüsalə Balayeva

Ölkə.Az

ŞƏRH YAZ
1
BAĞLA