Yuxusuzluq şəkər və xərçəng xəstəliyi yaradır

Yuxusuzluq şəkər və xərçəng xəstəliyi yaradır
00:35
18.01.2020
1383
Maraqlı
A
Yuxu sağlam bir həyat üçün böyük əhəmiyyətə malikdir. Biz gün ərzində sərf etdiyimiz enerjini yuxu vasitəsilə bərpa edirik. Nizamlı yuxu həm də ruhumuzun sağlamlığı deməkdir. Yuxusuzluq... Görəsən, insanların çox da önəmli saymadıqları bu amil orqanizmə necə təsir edir?

"Ölkə.Az" axşam.az-a istinadən xəbər verir ki, yuxusuzluq sağlamlığımıza zərbə vuran ilkin əlamətlərdən biridir. Yuxusuz insan aqressiv olur, düzgün qərarlar qəbul edə bilmir, yaddaşı zəifləyir. Həmçinin onun nəfəs yollarında problemlər yaranır.

Yuxusuzluğun növləri
· Çətin yatmaq
· Tez oyanmaq
· Gecələr dəfələrlə durmaq
· Nəhayət, yuxunun tamamilə olmaması

Hər dörd hal sonradan tamamilə yuxusuzluğa gətirib çıxarır.
Yuxusuzluq orqanizmdə bir çox xəstəliklərin əmələ gəlməsinə səbəb olur. Qanda oksigen çatışmazlığı, dəyişikliklər meydana gəlir. Yuxusuzluq zamanı həmçinin ürək, ağciyər və hormonal xəstəliklər də özünü göstərir.

Yuxusuzluğun fəsadları

Hazırda dünyada ən çox yayılan və qarşısı alına bilinməyən xəstəlik məhz yuxusuzluqdur. Belə ki, dünyada hər on insandan beşi yuxusuzluğun müxtəlif növlərindən əziyyət çəkir. Alimlərin araşdırmaları nəticəsində məlum olub ki, yuxusuzluq zamanı insanda müxtəlif xəstəliklər əmələ gəlir.

Mütəmadi şəkildə 6 saatdan az yatmaq bir müddətdən sonra qandakı şəkərin miqdarını sürətlə artırır. Şəkərli diabetin yaranmasına səbəb bədəndəki insulinin hüceyrələrə nəqli zamanı yaranan pozğunluq nəticəsində qlükozanın qanda yığılması və bu zaman mədəaltı vəzin normadan artıq insulin ifraz etməsidir. İnsulini normada saxlayansa yuxudur. Yuxusuzluq həmçinin cinsi pozğunluğa və astma xəstəliyinin yaranmasına gətirib çıxarır.
Yuxusuzluğun yaratdığı digər bir fəsadsa xərçəng xəstəliyidir. Yuxu pozğunluğuna qarşı tədbir görülməzsə, bu, ölümlə nəticələnə bilər. Alimlərin qənaətinə görə, yuxusuzluq özünüöldürmə həddinə belə gətirib çıxarır. 

Yuxusuzluğun səbəbi:
Tibb elmində "insomnia" adlanan yuxusuzluğun yaranmasına səbəb aşağıdakılardır:
· Vərdiş olunmamış yataq, səs-küy, havasızlıq
· Yatmazdan əvvəl tərkibində kofein olan qidalar, içkilər qəbul etmək
· Axşam ağır və yağlı yeməklər yemək
· Sinir pozğunluğu
· Normal həyat tərzini dəyişmək
· Stress, narahatçılıq
· Artıq çəki
· Qorxu, depressiya
· Mədəaltı vəzin narahatçılığı, mədədə köp
· Bronxial, ürək və ağciyər xəstəlikləri
· Soyuqdəymə zamanı ağrılar

Müalicəsi:
Yuxusuzluq zamanı yuxugətirən dərmanların qəbulu digər xəstəliklərin yaranmasına səbəb ola bilər. Belə ki, bu dərmanlar qaraciyərin çürüməsinə səbəb olur. Buna görə də belə dərmanları qəbul edərkən çoxlu süd məhsulları yemək lazımdır. Ən əsası isə həkimə müraciət edib, yuxusuzluğun hansı səbəbdən yarandığını müəyyən etmək lazımdır.  

Yuxusuzluqdan əziyyət çəkənlər
· Tərkibində kofein olan içkilərdən uzaq olmalı
· Yuxudan 3 saat əvvəl yemək yeməli
· İstiotu az olan yeməklərdən istifadə etməli
· Yatmazdan əvvəl heç bir dərman qəbul etməməli (sakitləşdiricidən başqa)
· Sakit, qaranlıq otaqda yatmalıdırlar

Yuxusuzluğun qarşısını al:
· 1 çay qaşığı qurudulmuş mayaotunu 1 stəkan qaynar suya töküb, 4 saat dəmləyin. Axşam yatmazdan əvvəl için.
· Lavanda yağını 3-5 damcı qənd parçasının üstünə töküb, yatmazdan əvvəl yeyin.
· 20 qr. nanə yarpağını, 25 qr. pişikotu kökünü, 50 qram ətirşah budağını və yemişanı qatın. Alınan qarışıqdan 2 xörək qaşığı götürüb, yarım litr suya qatıb qaynadın. Yeməkdən yarım saat əvvəl için.
· 1 stəkan kök suyuna 2 xörək qaşığı bal qatıb, gün ərzində 3-4 dəfə 1/3 stəkan qəbul edin.
· 50 qram balqabağı sürtgəcdən keçirib, 1 çay qaşığı bal qatın. Gecə yatmazdan 1 saat əvvəl yeyin.

ŞƏRH YAZ
1

3 min insan bu nəhəng qayanın altında YAŞAYIR — FOTOLAR

3 min insan bu nəhəng qayanın altında YAŞAYIR
05:01
20.02.2020
2852
Maraqlı
A
Dünyanın ən qəribə yerlərindən olan Setenil de las bodeqas qəsəbəsi nəhəng qayaların altında yerləşir.

''Ölkə.Az'' xəbər verir ki, Setenil de las bodeqas İspaniyanın 3 min sakini olan kiçik qəsəbəsidir. Qəsəbənin bir hissəsi nəhəng qayaların altında yerləşir. Mənzərə baxımından turistləri cəlbetsə də eyni zamanda bir o qədər də təhlükəlidir. Qayalığın altında inşa edilmiş ağ rəngli evlər əraziyə xüsusi gözəllik verir. Qəsəbənin ən görməli yerlərindən olan qala 1407-ci ildə Əməvilər dövründə inşa edilib. Qəsəbə İspan və ərəb üslübunun birləşməsindən yaradılıb.

Ölkə.Az

ŞƏRH YAZ
0

Saç rezini qadını milyonçu etdi — FOTO

Saç rezini qadını milyonçu etdi
00:56
20.02.2020
2785
Maraqlı
A
“İnvisibobble” brendinin yaradıcısı bütün dünyada məşhur olan spiral yaylı saç rezinlərinin yaranması və onu milyonçu etməsi barədə sirrini bölüşüb.

Bu barədə “Daily Mail” xəbər yayıb.

İsveçrəli Sofi Trelles-Tvede bu rezinləri 18 yaşında olarkən universitetdə bayram tədbiri zamanı ixtira edib. Qaydalara görə, tədbirə geyimdən başqa heç nə götürmək olmazdı. Bu səbəbdən qız saçlarını yığmaq istəyəndə evdə istifadə olunmayan telefonun naqilindən istifadə edib.

Növbəti gün yuxudan ayılanda qız başının ağrımadığını görüb. Halbuki adi rezinlə saçlarını yığanda həmişə başı ağrıyırdı. O, bu barədə sevgilisinə deyir və cütlük spiral yaylı saç rezinlərinin dizaynına başlayır.

Qeyd edək ki, həmin gənc hazırda Sofinin biznes müttəfiqidir. 

“Biz telefon naqilləri hazırlayan kişidən kömək istədik. “İnvisibobble” markasının ilk partiyası çox görkəmsiz alınmışdı və tanışlarım tərəfindən rişxəndlə qarşılanmışdı. Ancaq buna baxmayaraq, ruhdan düşmədik”, - deyə Sofi bildirib.

Bundan sonra rezinlər üç ədəd şəklində şəffaf qutuda qablaşdırıldı. Komplektlər beş funta (11 AZN) satılmağa başladı. Artıq  Universiteti bitirdikdə Trelle-Tvedenin kompaniyasının dövriyyəsi beş milyon funt sterlinq (11 milyon 142 min AZN) idi.

Hazırda “İnvisibobble” markası təkcə yaylı rezinlər deyil, saç üçün digər aksesuarlar da istehsal edir və sahibinə ildə 16 milyon funt sterlinqdən (35 milyon 654 min 400 AZN) çox gəlir gətirir.

“Forbes” jurnalı Sofi Trelles-Tvedeni “30 yaşına çatmamış ən varlı avropalılar”ın reytinq siyahısına salıb.

ŞƏRH YAZ
0
BAĞLA