"Yüz-iki yüz minlik "Gelandewagen"lərlə yanaşı..." — Deputatdan həyəcan təbili

21:58
13.08.2017
1744
Ölkə
A
Milli məclisin deputatı Adil Əliyev yollarda baş verən avtomobil qəzalarının çoxluğundan və mövcud problemlərin həllindən danışıb.

O, hadisələri müqayisə edərkən Avropa ölkələrindəki təcrübədən yararlanmağı təklif edərək bildirib:

"Azərbaycanda hər gün onlarla avtoqəza baş verir. Elə bir insan yoxdur ki, yaxın adamını, qohumunu, qonşusunu qəzada itirməsin.  Azərbaycanda baş verən avoqəzaları Avropa ölkələri ilə müqayisə edəndə adamı dəhşət bürüyür. Demək olar eyni markalı avtomobillər sürürük. Yollarımız Avropa ölkələrinin yollarından heç də fərqlənmir. Yollarda kamera-radar sistemi quraşdırılıb, 24 saat nəzarət mövcuddur. Bəs, bu qədər qəzanın baş verməsində səbəb nədir? Niyə hər gün onlarla avtoqəza olur? Niyə bu qədər insanı yollarda itiririk, trafik canavarlarına qurban veririk?"

Deputat ölkəmizdə sürücülük mədəniyyətinin aşağı səviyyədə olmasından gileylənib: 

"Mən də hər gün bu qəzaların şəxsən şahidi oluram, yadud mətbuatdan izləyirəm. Müşahidələrim göstərir ki, qəzaların baş verməsinə əsas səbəb ölkəmizdə sürücülük mədəniyyətinin aşağı səviyyədə olması ilə bağlıdır. "Mən daha sürətli sürürəm", "mən heç kəsdən çəkinmirəm", "mən heç vaxt kəmər taxmamışam", "bir zənglə yol polisini razı salıram" və s. fikirləri yəqin ki, siz də ayrı-ayrı sürücülərin dillərindən eşitmisiz. İnandırım sizi baş verən qəzaların 90 faizi bu cür təfəkkür sahibi olan sürücülər tərəfindən törədilir. Təbii ki, belələrinin içərisində "papanın gül balaları" da var, orta təbəqənin nümayəndələri də... Yüz-iki yüz minlik "Gelandewagen"lərlə yanaşı, üç-dörd min manata "07" alıb şəhərdə "avtoşluq" edənlərə də rast gəlinir. Demək ki, problem insanın atasının məmur, imkanlı olub-olmamasında deyil, tərbiyəsində, əxlaqındadır". 

A.Əliyev yol hərəkətinin düzgün tənzimlənməsi və mövcud problemlərin aradan qaldırılması üçün maariflənmənin vacib olduğunu qeyd edib:

"Düşünürəm ki, sürücülük vəsiqəsinin verilməsi proseduruna yenidən baxılmalıdır. Biz bu sahədə inkişaf etmiş ölkələrin təcrübələrindən yararlanmalıyıq. Əks halda yaxınlarımızı qəzalarda itirməkdə davam edəcəyik.  Öz növbəsində, piyadaların da  maariflənməsinə ehtiyac var. 50-100 metr piyada keçidinə qədər yeriməyə tənbəllik edirlər, yolu təz keçməkdən ötrü bəzən baryerləri aşırlar. Bütün bunların nəticəsində  sürətli avtomobil sürən sürücülerin "qənimi" olurlar.

Bu ölümlərdə də turistləri günahlandırmalıyıq, yoxsa günahı özümüzdə görməliyik?"

ŞƏRH YAZ
0

Lerikdə 2 tona yaxın xaşxaş kolu məhv edildi

Lerikdə 2 tona yaxın xaşxaş kolu məhv edildi
16:22
Bu gün
74
Ölkə
A
Dövlət Sərhəd Xidməti (DSX) tərə­findən dövlət sərhədinin etibarlı mühafizəsi istiqamətində həyata ke­çiril­miş tədbirlər nəticəsində sərhədboyu zonada narkotik xassəli kolları­n yabanı halda bit­diyi sahə aşkar olunub.

DSX-nin mətbuat mərkəzindən "Ölkə.Az"a verilən məlumata görə, 2018-ci ilin 19 iyun tarixində Dövlət Sərhəd Xidmətinin sər­həd qoşunlarının “Lənkəran” sərhəd dəstəsinin hərbi qulluq­çuları tərəfin­dən Lerik rayo­nunun Orand və Hildərə kəndlərinin sər­həd xət­tinə yaxın ərazilərində aqrotexniki qul­luq olunmamış 78560 ədəd, ümumi çəkisi 1960 kiloqram xaşxaş ko­­lu­nun yabanı halda bitməsi müəyyən edilib.

Qeyd olunan xaşxaş kolları yerli icra nümayəndəliyi, Lerik rayonunun polis şöbəsinin əməkdaş­la­rının işti­rakı ilə yığılaraq akt tərtib olunub və yandırılma yolu ilə məhv edilib.

ŞƏRH YAZ
0

Nabranda itən uşaq harada olub?

Nabranda itən uşaq harada olub?
16:09
Bu gün
354
Ölkə
A
Ötən gün Xaçmaz rayonunun Nabran qəsəbəsində itən 3 yaşlı uşaq kolların arasından tapılıb.

"Ölkə.Az" AzVision.az-a istinadən xəbər verir ki, bu barədə  açıqlamasında Xaçmaz rayon Nabran qəsəbəsinin icra nümayəndəsi Nəzakət İskəndərova məlumat verib. Onun sözlərinə görə, 2015-ci il təvəllüdlü Novruzov İsmayıl Elçin oğlu olduqları ərazidən 100 metr aralıda aşkar edilib.

“Uşaq çox uzağa getməyib. Olduqları ərazidən 100 metr aralıda kolların içərisinə düşüb və orada bir sutka qalıb. Uşaq tapılan kimi Nabran qəsəbəsində həkimlər tərəfindən ambulator müayinə olunub və səhhəti yaxşıdır. Bədənində yüngül cızıqlar var. Vəziyyəti yaxşıdır, danışıb gülür. Hazırda valideynləri ilə birlikdə Bakıya gəlirlər”.

Qeyd edək ki, 22 iyul tarixində Xaçmaz rayonunun Nabran qəsəbəsində naməlum şəraitdə itkin düşmüş 2015-ci il təvəllüdlü Novruzov İsmayıl Elçin oğlu bu gün axtarışların aparıldığı ərazidə sağ-salamat tapılaraq ailəsinə təhvil verilib.

ŞƏRH YAZ
0
BAĞLA