Yüzilliyin qarəti

"Ölkə.Az" xəbər verir ki, yüzilliyin qarəti adlandırılan soyğunda 80 nəfər iştirak edib. Oğurlanan pulun miqdarı isə 40 milyon dollardır.

Paraqvayda cinayətkarlardan ibarət bir dəstə zirehli maşın şirkətinin kassasını silah və partlayıcıdan istifadə edərək soyub.

Polis nümayəndəsi Arsenio Korrea bildirib ki, sərhəddə yerləşən şəhərdə "Prosegur" şirkətinin kassası soyulub. Qarət 3 saat davam edib və 80 nəfər soyğunda iştirak edib. Qarətçilər silah və partlayıcıdan istifadə ediblər.

İnsident nəticəsində 1 polis əməkdaşı ölüb, 3 nəfər mülki vətəndaş isə yaralanıb. Qarətçilər insanların diqqətini dağıtmaq üçün 10 avtomobili partladıblar.
Bildirilir ki, oğurlanan pulun dəqiq miqdarı barədə açıqlama verilməsə də, 40 milyon dolların qarət olunduğu iddia edilir.

Qarətçilərin bəzisi İtapulandiya bölgəsində polislə toqquşmadan sonra izlərini itirə biliblər. Silahlı toqquşmada qruplaşma üzvlərindən 3-ü öldürülüb, ikisi isə yaralanıb.

Hikmət
Ölkə.Az