Zahid Oruc: “Eldar Mahmudovun əməkdaşları 26 fevralda Xocalını anırdı, 27-də isə xalqı soymaqla məşğul idi”
“Hüquqi, siyasi və mənəvi sahədə təşkilatlanma dinc vaxtlarda olmalıdır. Amma təəssüf ki, biz faciələrdən sonra bunu etmişik”
“Ölkə.Az”-ın məlumatına görə, bunu Milli Məclisin bu gün keçirilən plenar iclasında çıxışı zamanı deputat Zahid Oruc bildirib.
Z.Oruc Azərbaycan xalqının faciələrdən sonra hüquqşünas və ya eksert olduğunu söyləyib:
“Biz faciələrdən sonra hüquqşünas və ya eksert oluruq. Çox təəssüf ki, bu belədir. Biz faciələrdən bir çox dərs çıxarmalıyıq. Baxın, Eldar Mahmudovun zamanında Xocalı soyqırımı 26 fevralda MTN əməkdaşları tərəfindən anılırdı. Amma 27 fevralda və ondan sonrakı dövrlərdə MTN əməkdaşları xalqı soymaqla məşğul idi. Çıxarılan dərslərdən biri də budur ki, Azərbaycanla Rusiya qarşı-qarşıya qoyulmamalıdır”.
Zaur Əziz
Ölkə.Az
