Zakir Həsənov cəbhəboyu zonada — VİDEO

Zakir Həsənov cəbhəboyu zonada
10:38
14.08.2019
2579
Siyasət
A
Müdafiə naziri general-polkovnik Zakir Həsənov və nazirliyin digər rəhbər heyəti cəbhəboyu zonada tikintisi davam edən bir neçə hərbi obyektlərdə olub.

Bu barədə "Ölkə.Az"a Müdafiə Nazirliyindən məlumat verilib. 

Müdafiə nazirinə məruzə edilib ki, ilin sonunadək istifadəyə verilməsi planlaşdırılan bu hərbi şəhərciklər su, qaz, istilik və digər kommunikasiya sistemləri ilə tam təmin olunacaq, hərbi obyektlərdə ən müasir qurğular quraşdırılacaq.

Bildirilib ki, bu hərbi şəhərciklərdə qərargahlar, zabit və əsgər yataqxanaları, yeməkxanalar, döyüş texnikası üçün saxlanclar, digər inzibati bina və qurğular inşa ediləcək. Eyni zamanda hərbi qulluqçuların yaşayışı və xidməti-döyüş tapşırıqlarını yerinə yetirmələrini təmin etmək məqsədilə müvafiq məişət və ictimai iaşə obyektləri, o cümlədən qazanxana, camaşırxana-hamamxana kompleksləri, tibb məntəqələri və digər infrastruktur obyektlərinin tikilməsi də nəzərdə tutulub.

Yeni inşa edilən hərbi hissədə aparılan tikinti işlərinin gedişatını yoxlayan Müdafiə naziri inşaat işlərinin keyfiyyətli aparılması və vaxtında başa çatdırılması ilə əlaqədar müvafiq tapşırıqlar verib.

Ölkə.Az

ŞƏRH YAZ
0

Prezident Şamaxı rayonuna səfər edib — FOTO

Prezident Şamaxı rayonuna səfər edib
18:25
Bu gün
115
Siyasət
A
Azərbaycan Respublikasının Prezidenti İlham Əliyev dekabrın 5-də Şamaxı rayonuna səfərə gedib.

"Ölkə.Az" xəbər verir ki, dövlətimizin başçısı xalqımızın ümummilli lideri Heydər Əliyevin Şamaxı şəhərinin mərkəzində ucaldılmış abidəsini ziyarət edərək önünə gül dəstəsi qoyub. 

Şamaxı Rayon İcra Hakimiyyətinin başçısı Tahir Məmmədov rayonda görülmüş işlər barədə Prezident İlham Əliyevə məlumat verib. 

Dövlətimizin başçısı müvafiq tapşırıqlarını verib. 

ŞƏRH YAZ
0

İlham Əliyev Finlandiya Prezidentini təbrik edib

İlham Əliyev Finlandiya Prezidentini təbrik edib
18:01
Bu gün
377
Siyasət
A
Prezident İlham Əliyev Finlandiya Respublikasının Prezidenti Sauli Niinistöni bu ölkənin milli bayramı münasibəti ilə təbrik edib.

"Ölkə.Az"ın xəbərinə görə, təbrikdə deyilir:

"Hörmətli cənab Prezident,

Finlandiya Respublikasının milli bayramı – Müstəqillik Günü münasibətilə Sizi və xalqınızı öz adımdan və Azərbaycan xalqı adından ürəkdən təbrik edirəm.

Bu əlamətdar gündə Sizə və dost Finlandiya xalqına ən xoş arzularımı yetirirəm".

ŞƏRH YAZ
0
BAĞLA