Zakir Həsənov şəhid əskərimizi “Şücaətə görə” medalı ilə təltif etdi

Zakir Həsənov şəhid əskərimizi “Şücaətə görə” medalı ilə təltif etdi
13:10
22.05.2018
3721
Ölkə
A
Azərbaycan-Ermənistan dövlət sərhədinin Naxçıvan Muxtar Respublikası sahəsində düşmən tərəfinin növbəti təxribatının qarşısını alarkən həlak olan Azərbaycan Ordusunun hərbi qulluqçusu Adil Əli oğlu Tatarov “Şücaətə görə” medalı ilə təltif olunub.

Müdafiə Nazirliyinin mətbuat xidmətindən "Ölkə.Az"a verilən məlumata görə, bununla bağlı müdafiə naziri, general-polkovnik Zakir Həsənov əmr imzalayıb.

Medal sabah Ağstafa rayonu Qıraq Kəsəmənli kəndində şəhidin ailəsinə təqdim olunacaq.

ŞƏRH YAZ
0

Pediatrdan valideynlərə xəbərdarlıq — "Bu, böyük bir bəladır"

Pediatrdan valideynlərə xəbərdarlıq
15:51
Bu gün
413
Ölkə
A
"Nə tibb bacılarının, nə də aptek satıcısının məsləhəti ilə uşaqlara antibiotik vurmaq olmaz. Bu, böyük bir bəladır”. Bu sözləri tanınmış pediatr Vaqif Qarayev son vaxtlar mətbuatda antibiotikdən istifadə ilə bağlı gedən müzakirələrə fikir bildirərkən səsləndirib.

"Ölkə.Az" Musavat.com-a istinadən xəbər verir ki, bu barədə danışan pediatr valideynlərə səslənərək qeyd edib ki, antibiotiki ancaq həkim təyin edə bilər:

"Nə tibb bacılarının, nə də aptek satıcısının məsləhəti ilə uşaqlara antibiotik vurmaq olmaz. Xəstəlik törədiciləri müxtəlifdir. Orada viruslar, bakteriyalar var. Virusa heç bir halda antibiotik təsir etmir. Əksinə, virus infeksiyasında antibiotik təyinatı xəstənin vəziyyətini daha da ağırlaşdırır.

Bu səbəbən yalnız həkim hansı antibiotikin vacib olduğunu deyə bilər. Antibiotik sözünün mənası "həyatın əleyhinə” deməkdir. Yəni xəstəlik törədici bakteriyanın əleyhinə olan, onu öldürən bir vasitədir. Ancaq antibiotiki yersiz təyin edəndə, o xəstənin ümumi müqavimətini daha da azaldır. Müqaviməti azalmış virus infeksiyalı xəstəyə bakterial infeksiya da qoşulur. Bakteriya tamam başqa qrupdan olan xəstəlik törədicisidir. Bakteriya varsa, artıq antibiotiksiz keçinmək olmaz. Xəstənin vəziyyəti daha da ağırlaşa bilər.

Tibbin tələbinə görə, həkim müayinə etdikdən sonra, antibiotik təyin edə bilər. Ancaq tibb bacısının, aptek satıcısının bu imkanı yoxdur. Son bir neçə ayda Azərbaycanda 3 növ virus geniş yayılmışdı, uşaqlarda qızdırma halları və sair artmışdı. Ancaq özbaşına antibiotik təyin etməklə xəstənin vəziyyətini ya daha da ağırlaşdıra bilərsiniz, ya da anafilaktik şok keçirməsinə səbəb olarsınız”.

Pediatrın sözlərinə görə, allergiya vermək baxımından ən təhlükəli iynə pensilin qrupudur: "Pensilin icad olunan ilk antibiotikdir və vaxtilə milyonlarla insanları ölümdən qurtarıb. Bu antibiotikin allergik təsiri həddindən artıq yüksəkdir. Sovet dönəmində dəri içi sınaq qoyulurdu. Əgər müəyyən müddət ərzində dəridə səpki olsa, bu antibiotik həmin şəxsə yararsız və təhlükəli hesab olunurdu. Ancaq bu sınağı dərialtı etmək olmaz, qızara, şişkinlik yarada bilər”.

V.Qarayev vurğuladı ki, indi həkimlər iki qrupa bölünüb, sınaq tərəfdarları və əleyhdarları: "Əgər orqanizm allergikdirsə, o sınaq mütləq müsbət nəticə verəcək, bəzən isə verməyə də bilər. Sınaq xəstəxana şəraitində peşəkar həkim tərəfindən qoyulmalıdır. Nəticəyə də yalnız həkim qərar verə bilər. Adətən həkimlər sınaq üçün dərmanın çox az bir qismini dəri altına yeridirlər, 20-25 dəqiqə gözləyirlər ki, allergiya verərəcək , ya yox. Şəxsin allergiyası barədə məlumatları da məhz həkim toplayır, ola bilər ki, yumurtaya qarşı allergiyası olan uşağın antibiotikə qarşı allergiyası olmasın. Ancaq xoşagəlməz nəticə alınanda, xəstədə güclü şok baş verəndə, ona kömək edən yalnız həkim ola bilər. Başqa heç kim kömək edə bilməz. Şok əleyhinə xüsusi dərmanları da həkim tətbiq edə bilər”.

Vaqif Qarayev vurğuladı ki, əgər xəstədə şok baş veribsə və yanında həkim yoxdursa, onun həyatını xilas etmək mümkünsüzdür: "Antibiotikdən yaranan şoka anafilaktik şok deyirlər, dərman anafilaktik şoku. Buna ildırımvari şok da deyirlər. Tibbdə "iynədə şok” ifadəsi var. Xəstənin hansısa dərmana allergiyası varsa, həkim o dərmanı şprisə yığanda artıq xəstə şoka düşür.

Ya da iynə qorxusundan şoka düşür. Bir neçə dəqiqə ərzində xəstənin arterial təzyiqi sıfıra düşür. Əgər həmin dəqiqə yanında həkim varsa, onun əlinin altında şok əleyhinə preparatlar varsa, o zaman xəstə bəlkə şokdan çıxa bilər. Əks halda, şokdan çıxmayacaq. Bu baxımdan hər yerdə tələb var ki, antibiotiklərin inyeksion forması professional şəkildə, həkim nəzarəti altında vurulmalıdır. Amma indi sirop şəklində antibiotiklər də var. Bunu da həkim təyin etməlidir. Türkiyədə həkim resepti olmadan antibiotik satılmır. Bu təcrübənin ölkəmizdə də tətbiq olunmasını istərdim”.

Ölkə.Az

ŞƏRH YAZ
0

Tülkü həccə gedir yoxsa, Əli İnsanovun mələksima obrazı?

Tülkü həccə gedir yoxsa, Əli İnsanovun mələksima obrazı?
15:00
Bu gün
4746
Ölkə
A
Bir zamanlar vəzifə olub qanunsuzluqlara yol verən, insanlara qan udduran, rüşvətxor, korrupsioner insanların kreslonu tərk edən kimi özlərini cəmiyyətə mələk simalı insan kimi göstərməyə çalışırlar. Nədənsə belə insanlarla rastlaşanda özümdən asılı olmayaraq böyük şairimiz Abdulla Şaiqin “Tülkü həccə gedir” təmsili yadıma düşür. Müasir dövrümüzdə Azərbaycanda belə faktlarla daha tez-tez rastlaşmalı oluruq. Vəzifədə olduğu zaman olmazın “oyunlari”ndan çıxanlar, bu əməllərinə görə vəzifədən uzaqlaşanda özlərini cəmiyyətə məsum insan kimi təqdim edərək, guya onu bu işə kimlərsə vadar ediblər.

Elə bu günlərdə əfv olunaraq azadlığa çıxan sabiq səhiyyə naziri Əli İnsanovun açıqlamaları mənə elə böyük şairimiz Abdulla Şaiqin  “Tülkünün həccə getməsi” təmsilini xatrıladır. Mən onun nə Elmi-Tədqiqat Vərəm İnstitutunda, nə də ki, Tibb Universitetindəki fəaliyyəti barədə deyil, 1993-cü ildən 2005-ci ilədək bir səhiyyə naziri kimi fəaliyyətinə toxunmaq istəyirəm. O dövrün yaddaşı korşalmayan istər siyasətlə məşğul olanı, istər mətbuat işçisi, istər ictimai fəalının mütləq əksəriyyətinin   Əli İnsanov haqqında düşüncəsi çox mənfi olub. Onun   ölkənin səhiyyə sisteminə zərbə vuran, rüşvətxor, korrupsioner,  yarıtmaz kadr siyasəti yürüdən, insanlarla sərt davranan adioz bir məmur obrazı kimi yaddaşlarda qalıb.  

 Həbs edildikdən sonra özünü mələk-sima, məsum insan kimi göstərməyə cəhd edən Əli İnsanovun nazir olduğu dövrlərdə xəstəxanalarda  durum acınacaqlı, rüşvət baş alıb gedirdi. Səhiyyə sahəsi inkişaf etməkdənsə, tənəzülə doğru gedirdi. Tibb müəssisələrinin fəaliyətinə müxtəlif bəhanələrlə xitam verilir və onlar yerləşdiyi ərazilər satılırdı. Özəl tibb müəssisəsi, aptek açmaq üçün lisenziyalar nazirlikdə açıq şəkildə  rüşvətlə satılırdı. Ə.İnsanovun həbs olunarkən ona irəli sürülən ittihmlardan birində nazir işlədiyi dövrdə  nə qədər tibb müəssisəsinin ərazisini mənimsədiyi göstərilirdi.  Ə.İnsanov  nazir işlədiyi dövr ərzində nazirliyin 5 xəstəxana, 12 poliklinika, 1 dispanser, 4 mərkəz, 1 aptek, 7 idarə və müəssisəsinin, 3 institut, 1 stansiyasının, ümumilikdə 34 obyektinin 27.372.035,71 AZN dəyərində ərazisini mənimsəməkdə ittiham olunub. Yəni hər bir sərəncamın, lisenziyanın öz qiyməti olub. Belə faktları sadaladıqca sadalamaq olar.

Sabiq nazirin özünə məxsusu kard siyasəti var idi. Onun kadr siyasətində  regionçuluq meyarına üstünlük verirdi.

Sabiq nazirə zamanında rəhbərlik etdiyi sahədəki bərbad durumla bağlı jurnalistlər tərəfindən ünvanlanan suallara dözümsüz  və sərt şəkildə reaksiya verirdi. O, mətbuat nümayəndələrinə qarşı kobud rəftar  edən nazir olduğundan hələ o zamanlar “mətbuatın düşməni” adını layiq görülmüşdü. Onun indiki Heydər Əliyev sarayında ANS-in müxbiri Afət Telmanqızı öz peşə fəaliyyətini göstərərkən, ona qarşı  heç bir etik normaya sığmayan kobud ifadələrə səsləndirərək, “rədd ol buradan” ifadəsini işlətmişdi. O zaman Əli İnsnaovun hərəkəti president Heydər Əliyevin də ciddi etirazına səbəb olmuşdu. İctimai qınqdan sonra Əli İnsanov sonda mətbuat nümayəndələrinə qarşı, xüsusən də Afət Telmanqızına qarşı etdiyi hərəkətə görə üzr istədi.  Burada bir məqamı xüsusi ilə qeyd etmək istərdim ki, Heydər Əliyevin ona ciddi xəbərdarlığı olmasaydı, o,  media nümayəndələrində üzr istəməyəcəkdi.
Amma bu gün həbsxana qarşısında özünü medianın dostu kimi qələmə vermək istəyən Əli İnsanov görəsən vaxtilə jurnalistlərə arxa çevirib, kobud dillə təhqir etdiyinə görə xəcalət hissi keçirdimi? Kadrlara diqqətlə baxanda bir qram da olsun, xəcalət hissindən əsər-əlamət yox idi. Əksinə, özünü dost kimi təqdim etməyə çalışır, mətbuata açıq olduğunu deyirdi. Axı bundan sonra korrupsiya bataqlığında səhiyyəni məhv edən, dövlət çevrilişinə cəhd edən, sabitliyi pozmağa çalışan İnsanov kimə lazımdır ki?

Hələ mən onun səhiyyə işçilərinə qarşı olan kobud rəftarını demirəm. Neçə-neçə adam səhiyyə sistemində onun kobud rəftarı “qurbanı” olub. Nəticədə fikir bildirib, təklif irəli sürən və ya hüququnu müdafiə edən  səhiyyə işçisi işi ilə vidalaşmalı olub.

 Ancaq vəzifədən uzaqlaşdırıldıqdan sonra, daha doğrusu iddiası yerinə yetmədikdə özünü cəmiyyətə “humanist”, insanpərvər, vicdanlı insan kimi göstərməyə başladı.

Görən cəmiyyətin yaddaşı korşalıb, yoxsa Əli İnsanovun…  Şəxsən məni Əli İnsanovun bir sıra sualları cavablandırması  maraqlı olardı.
 Görən Əli İnsanov nazir işlədiyi dövrdə Heydər Əliyev hakimiyyətinə  çox pis mənfi imic formalaşdıran, onun yürütdüyü siyasətə zərbə vuran  məmurlardan biri olduğunu unudubmu?!

Yoxsamı məhkəmə salonlarında bu cinayətkar  əməllərini başqalarının üzərinə atmaqla bitmiş hesab edir?!.

Yoxsamı Əli İnsanovun mərhəmət hissi  bir gün zülm edib, haqqını hər addımda pozduğu sadə, hüququnu tələb edərkən əzilən bir insanın durumuna düşündən sonramı anladı?

Məgər Əli İnsanov pafoslu bəyanatları ilə özünü  “Tülkünün həccə getməsi” təmsilindəki obraza saldığını anlamırmı, yoxsa cəmiyyəti bu qədər avammı hesab edir?!

Bu sualların sayını artırmaq da  olar. Hələlik bu qədərinə cavab versə yetər. Çünki verəcəyi cavablr ye ni sualları doğacaq.

Ölkə.az

 

ŞƏRH YAZ
0
BAĞLA