KORONAVİRUSA YOLUXANLARIN SAYI - CANLI STATİSTİKA

Zakir Həsənov “TurAz Qartalı - 2019”un şəxsi heyəti ilə görüşüb — VİDEO

Zakir Həsənov “TurAz Qartalı - 2019”un şəxsi heyəti ilə görüşüb
19:07
12.09.2019
7235
Ölkə
A
Müdafiə naziri, general-polkovnik Zakir Həsənov, nazirliyin rəhbər heyəti və Türkiyə Respublikasının Azərbaycandakı hərbi attaşesi, briqada generalı İsmail Hakkı Köseali “TurAz Qartalı - 2019” birgə taktiki-uçuş təlimlərində iştirak edən Azərbaycan və Türkiyə Hərbi Hava Qüvvələri aviasiya vasitələrinin yerləşdiyi aerodroma gediblər.

Bu barədə "Ölkə.Az"a Müdafiə Nazirliyinin Mətbuat xidmətindən məlumat verilib.

Əvvəlcə hər iki dövlətin himnləri səsləndirilib, ümummilli lider Heydər Əliyevin və ölkələrimizin müstəqilliyi uğrunda şəhid olanların xatirəsi bir dəqiqəlik sükutla yad edilib.

Müdafiə naziri təlimlərdə iştirak edən şəxsi heyəti salamlayaraq çıxışına ümummilli lider Heydər Əliyevin "Bir millət, iki dövlət" və türk xalqının öndəri Mustafa Kamal Atatürkün “Azərbaycanın sevinci bizim sevincimiz, kədəri bizim kədərimizdir” kəlamları ilə başlayıb.

İki ölkənin təhlükəsizliyi baxımından təlimlərin əhəmiyyətini vacib sayan Müdafiə naziri bunun hərbi gücümüzün daha bir nümunəsi olduğunu qeyd edib. O, təlim iştirakçılarına uğurlar arzulayaraq döyüş aviasiyasının uçuşlarının yüksək səviyyədə keçirilməsindən məmnun qaldığını ifadə edib.

Sonra təlimlərin yekununa dair yüksək səviyyəli qonaqlara brifinq təqdim olunub.

Həzi Aslanov adına Ordu İdeoloji və Mədəniyyət Mərkəzinin yaradıcı heyətinin konsert proqramından sonra təlim iştirakçılarına hədiyyələr təqdim edilib. Sonra qonaqlar və təlim iştirakçıları üçün birgə nahar təşkil edilib.

Qeyd edək ki, Pakistan İslam Respublikası Hərbi Hava Qüvvələrinin nümayəndələri təlimlərdə müşahidəçi qismində iştirak edib.

ŞƏRH YAZ
0

Nazirlikdən yayılmış sel görüntüləri ilə bağlı AÇIQLAMA — “Dağıstanda çəkilmiş videodur”

Nazirlikdən yayılmış sel görüntüləri ilə bağlı AÇIQLAMA
14:23
Bu gün
993
Ölkə
A
“İyul ayının 11-dən 12-nə keçən gecə səhər saatlarında ölkə ərazisindən soyuq atmosfer cəbhəsinin keçməsi nəticəsində əksər rayonlarda hava şəraiti yağışlı keçib, şimşək çaxıb”.

"Ölkə.Az" bunu oxu.az-a Ekologiya və Təbii Sərvətlər Nazirliyinin Milli Hidrometeorologiya Xidmətinin rəisi Umayra Tağıyeva ölkədə müşahidə olunan hava şəraiti, eləcə də, mətbuatda həqiqəti əks etdirməyən xəbərlər barədə danışarkən bildirib.

Onun sözlərinə görə, respublikanın dağlıq və dağətəyi rayonlarında, Böyük və Kiçik Qafqazda yağıntılar leysn xarakterli intensiv olub: “Nəticədə, bəzi ərazilərdə sel hadisəsi də qeydə alınıb. Gözlənilən proses idi”.

U.Tağıyeva sosial şəbəkələrdə və bəzi mediada Hacıkənddə müşahidə olunan sel görüntüləri ilə bağlı yayılan videodan da danışıb. O qeyd edib ki, bu, həqiqətə uyğun deyil: “Bu hadisə 2019-c ildə Dağıstanda olan çəkilişlərdir. Respublikanın rayonlarında qeydə alınan sel hadisələri keçən il Şimali Qafqazda olan hadisədən xeyli zəif olub. Belə bir proseslər Böyük Qafqaz sıra dağlarından aşarkən bir qədər intensivliyini itirir. Xoşbəxtlikdən Azərbaycanda Şimali Qazqazda olan digər ölkələrdən bir qədər zəif keçir”.

ŞƏRH YAZ
0

Həftənin ilk günü hava necə olacaq? — PROQNOZ

Həftənin ilk günü hava necə olacaq?
13:47
Bu gün
2639
Ölkə
A
Sabah Azərbaycanda gözlənilən hava şəraiti ilə bağlı məlumat açıqlanıb.

Milli Hidrometeorologiya Xidmətinin "Ölkə.Az"a verdiyi məlumata görə, 13 iyulda Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Mülayim cənub küləyi əsəcək. Havanın temperaturu Abşeron yarımadasında gecə 22-26, gündüz 29-34, Bakıda gecə 23-25, gündüz 31-33 dərəcə isti olacaq.

Atmosfer təzyiqi normadan aşağı 753 mm civə sütunu, nisbi rütubət 60-70 faiz təşkil edəcək. Abşeron çimərliklərində mülayım cənub küləyi əsəcək.

Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 24-25, Türkan, Hövsan, Sahil, Şıxda isə 25-26 dərəcə isti təşkil edəcək.

13 iyulda Azərbaycanın rayonlarında şimşək çaxacağı, arabir yağış yağacağı, ayrı-ayrı yerlərdə leysan xarakterli intensiv olacağı, dolu düşəcəyi gözlənilir. Qərb küləyi bəzi yerlərdə arabir güclənəcək. Havanın temperaturu gecə 20-25, gündüz 31-36, dağlarda gecə 11-16, gündüz 17-22 dərəcə isti olacaq.

ŞƏRH YAZ
0
BAĞLA