Zaqataladakı kütləvi zəhərlənmənin istirahət mərkəzində baş verdiyi ehtimal edilir — YENİLƏNİB

Zaqataladakı kütləvi zəhərlənmənin  istirahət mərkəzində baş verdiyi ehtimal edilir
11:34
21.10.2018
1238
Hadisə
A
Zaqatala rayonunda baş vermiş kütləvi zəhərlənmənin ailəvi istirahət mərkəzlərindən birində qeydə alındığı ehtimal edilir.

"Ölkə.Az"ın “Report”a istinadən məlumatına görə, zəhərlənmə əlamətləri ilə Zaqatala RMX-nin Yolxucu xəstəliklər şöbəsinə gətirilən şəxslər ötən gün axşam saatlarında rayonun Qazangül inzibati ərazisində fəaliyyət göstərən “Hope Lake” ailəvi istirahət mərkəzində olublar.

Onlar ailəvi istirahət mərkəzində xəmir xörək və digər qidalar qəbul ediblər. Ailə evə  qayıtdıqdan sonra onlarda zəhərlənmə əlamətləri biruzə verib. 

Faktla bağlı araşdırmalar davam etdirilir.

***
Zaqatala rayonunda kütləvi zəhərlənmə hadisəsi baş verib.

"Ölkə.Az"ın “Report”a istinadən məlumatına görə, hadisə oktyabrın 20-dən 21-ə keçən gecə Zaqatala şəhəri, 28 May küçəsi, ev 75 ünvanında qeydə alınıb.

Həmin ünvanda yaşayan 1994-cü il təvəllüdlü Qurban İbrahim oğlu Səmədov, 2001-ci il təvəllüdlü Böyükxan Ceyhun oğlu Ağaxanzadə, 1990-cı il təvəllüdlü Sara İbrahim qızı İbrahimova, 2016-cı il təvəllüdlü Zara Nicat qızı Səmədova, 2003-cü il təvəllüdlü Banuçiçək Ceyhun qızı Qasımzadə, 2006-cı il təvəllüdlü Aysu Ceyhun qızı Qasımzadə və 2017-ci il təvəllüdlü Ayxan Ceyhun oğlu Qasımzadə zəhərlənmə əlamətləri ilə Zaqatala Rayon Mərkəzi Xəstəxanasına daxil olublar. 

Xəstəxanadan verilən məlumata görə, zəhərlənənlərin hamısı bir ailənin üzvləridirlər. Müayinə zamanı məlum olub ki, axşam yeməyindən sonra ikisi azyaşlı olmaqla 7 nəfərin vəziyyəti pisləşməyə başlayıb və onlarda zəhərlənmə əlamətləri müşahidə olunub. Diaqnozu dəqiqləşdirmək üçün onların hamısından ayrı-ayrılıqda nümunələr götürülərək analiz edilmək üçün laboratoriyaya göndərilib. Zəhərlənən şəxslərin hamısının müalicəsi xəstəxananın Yolxucu xəstəliklər şöbəsində aparılır, vəziyyətləri hazırda orta-ağır və orta-stabil qiymətləndirilir.

Bundan əvvəl Azərbaycan sərhədçiləri Xəzərdə İran gəmisinin zəhərlənmiş heyət üzvlərini xilas ediblər.

Ölkə.Az

ŞƏRH YAZ
0

Xaçmazda avtomobil qəzası — Dörd yaralı (SİYAHI)

Xaçmazda avtomobil qəzası
01:45
Bu gün
204
Hadisə
A

Xaçmaz rayonunda xəsarətlə nəticələnən yol qəzası baş verib.

"Ölkə.Az” Report-a istinadən xəbər verir ki, qəza Gəndob-Yalama yolunun rayon ərazisindən keçən hissəsində qeydə alınıb.
Nəticədə 4 nəfər xəsarət alıb. Xaçmaz Mərkəzi Rayon Xəstəxanasına yerləşdirilən şəxslər - Xaçmaz rayonu, Hacılar kənd sakini, 2003-cü il təvəllüdlü Bayramov Balamirzə Ağamirzə oğlu, Xaçmaz rayonu, İlxıçı Məmmədxanlı kənd sakinləri - 1971-ci il təvəllüdlü Kərimov Taleh Mirzəbəy oğlu, onun övladları 14 yaşlı Şahanə Kərimova və 13 yaşlı Nüşabə Kərimovadır.

Faktla bağlı araşdırmalar davam etdirilir. 

Ölkə.Az

 

ŞƏRH YAZ
0

Samuxda kişi arvadını bıçaqladı

Samuxda kişi arvadını bıçaqladı
01:15
Bu gün
235
Hadisə
A
Samux rayonunda bıçaqlanma hadisəsi baş verib.

"Ölkə.Az”ın məlumatına əsasən, hadisə rayonun Qarayeri kəndində baş verib. 57 yaşlı yerli sakin Dilbər Məhərrəmova qarın nahiyəsindən bıçaqlanıb.

Yaralı xəstəxanaya yerləşdirilib. Onun əri tərəfindən bıçaqlandığı bildirilir.

Faktla bağlı araşdırma aparılır.

Ölkə.Az

 

ŞƏRH YAZ
0
BAĞLA