Zaqatalada 200-ə qədər həyət su altında qaldı

Zaqatalada 200-ə qədər həyət su altında qaldı
19:51
16.04.2018
2224
Ölkə
A
Güclü yağış Zaqatala rayonunda ev və həyətyanı sahələrə ziyan vurub.

"Ölkə.Az" Trend-ə istinadən xəbər veriri ki,bunu  açıqlamasında Zaqatala rayon İcra Hakimiyyəti başçısının müavini İlkin Şəfizadə məlumat verib.

Qurum rəsmisi bildirib ki, güclü yağış nəticəsində Zaqatalanın Mazıx kəndinin ərazisindən axan Dəliçay və Tala kəndi ərazisindəki Talaçay çayları məcrasından çıxıb: "Nəticədə qısa müddətli sel yaranıb və kəndlərdə əsasən təsərrüfatlara ziyan dəyib. Mazıx kəndində 200-dən artıq evin həyətyanı sahəsini su basıb, 15-ə yaxın ikimərtəbəli evin birinci mərtəbəsinə su dolub, təsərrüfata ziyan dəyib. Hadisə zamanı Dəliçayın üzərindən keçən Mazıx kənd sakininə məxsus “VAZ 2106” markalı maşını sel körpüdən çaya aşırıb, xəsarət alan olmayıb".

İ.Şəfizadə bildirib ki, rayonun daha bir neçə kəndində - Böyük Tala, Mamrux, Höytala, Yolayrıc, Maqov və digər kəndlərdə təsərrüfata ziyan dəysə də, xəsarət alan olmayıb: "Kəndlərə elektrik enerjisi və qazın verilməsi dayandırılmışdı. Artıq həmin ərazilərə qaz və elektrik enerjisinin verilişi bərpa olunub, evlər sudan təmizlənib".

ŞƏRH YAZ
0

Nazirlik yenə hərəkətə keçdi — Restoranlara məcburi göstəriş

Nazirlik yenə hərəkətə keçdi
12:24
Bu gün
207
Ölkə
A
Ekologiya və Təbii Sərvətlər Nazirliyi ictimai-iaşə obyektlərində növbəti dəfə monitorinq keçirib.

Nazirliyin yaydığı məlumata görə, monitorinqin keçirilməsinə səbəb bəzi restoranlardan havaya tüstünün, iy-qoxunun yenidən yayılmasının müşahidə olunmasıdır.

Monitorinqlər zamanı bir sıra şadlıq sarayları və restoranlarda təmizləyici qurğuların quraşdırılmasına baxmayaraq, onlara vaxtaşırı xidmət göstərilmədiyindən havaya yenə də normadan artıq tullantı atıldığı məlum olub.

Qurğulara vaxtında texniki xidmətin göstərilməsi, filtrlərin vaxtaşırı dəyişdirilməsi üçün obyekt sahiblərinə xəbərdarlıqlar edilib, icrası məcburi olan məcburi göstərişlər verilib. 

Nazirlikdən o da bildirilib ki, ictimai-iaşə obyektlərində keçirilmiş monitorinqlərin və təmizləyici qurğuların quraşdırılması məqsədilə görülmüş kompleks tədbirlər nəticəsində artıq restoran və şadlıq saraylarının 95 faizində qurğular quraşdırılıb.

Monitorinqlər davam etdirilir.

Ölkə.Az

ŞƏRH YAZ
0

Jurnalistin döyülməsi ilə bağlı polisdən — RƏSMİ AÇIQLAMA

Jurnalistin döyülməsi ilə bağlı polisdən
12:02
Bu gün
1253
Ölkə
A
Jurnalist Zülfüqar Xeyirxəbərin fiziki təzyiqə məruz qalması ilə bağlı Bakı Şəhər Baş Polis İdarəsinin (BŞBPİ) rəhbərliyi məlumatlıdır.

"Ölkə.Az" xəbər verir ki, bu barədə report-un sorğusuna cavab olaraq BŞBPİ-nin Mətbuat Xidmətinin rəisi, polis mayoru Elşad Hacıyev bildirib.

O əlavə edib ki, faktın araşdırılması ilə müvafiq göstərişlər verilib: "Nəticəsi barədə əlavə məlumat veriləcək".

Ölkə.Az

ŞƏRH YAZ
0
BAĞLA