Zaqatalada ildırım evi yandırdı

Zaqatalada ildırım evi yandırdı
23:29
26.05.2019
1180
Hadisə
A
Zaqatalada evə düşən ildırım yanğına səbəb olub.

"Ölkə.Az" xəbər verir ki, bugün axşam saatlarında rayonun Aşağı Tala kəndində fərdi yaşayış evlərindən birini ildırım vurub.

Kənd sakini Ramazan Şabanova məxsus  ikimərtəbəli fərdi yaşayış evini vuran ildırım yanğına səbəb olub.

Hadisə yerinə FHN-in Zaqatala rayon DYMH-nin yanğınsöndürən maşınları və şəxsi heyəti cəlb olunub.Yanğın nəticəsində evin ikinci mərtəbəsində tavan hissəsi 12 kv/m sahədə yanıb. Evin qalan hissəsi yanğından mühafizə olunub.Yanğın nəticəsində xəsarət alan olmayıb.

Hazırda Şimal-qərb bölgəsində qeyri-sabit hava şəraiti davam edir.

Ölkə.Az

ŞƏRH YAZ
0

Qəbələdə meşə yanır — FHN helikopter və təyyarə göndərdi

Qəbələdə meşə yanır
17:30
Bu gün
403
Hadisə
A
Qəbələ rayonunun Solquca kəndi yaxınlığında dağlıq ərazidə meşə zolağında yanğın başlayıb.

Bu barədə "Ölkə.Az"a Fövqəladə Hallar Nazirliyindən (FHN) məlumat verilib. 

Qeyd olunub ki, yanğının söndürülməsi işlərinə FHN-in Dövlət Yanğından Mühafizə Xidmətinin yanğın bölmələri, Mülkü Müdafiə Qoşunlarının, Şimal-qərb Regional Mərkəzinin şəxsi heyəti, Aviasiya dəstəsinin 1 ədəd helikopteri və “BE 200 ÇS” amfibiya təyyarəsi cəlb edilib. 

Hazırda yanğının söndürülməsi üzrə işlər davam etdirilir. 

ŞƏRH YAZ
0

Bakıda ərəblərin şam işığında romantik görüşü görün — NƏ İLƏ BİTDİ?

Bakıda ərəblərin şam işığında romantik görüşü görün
15:26
Bu gün
1868
Hadisə
A
Bakıda Birləşmiş Ərəb Əmirliklərinin (BƏƏ) iki vətəndaşının yataqda şam yandırması yanğına səbəb olub.

"Ölkə.Az" xəbər verir ki, bu barədə "oxu.az"a Nəsimi rayon Polis İdarəsindən bildirilib.

22-ci Polis bölməsinə daxil olan məlumata əsasən, avqustun 22-nə keçən gecə, saat 02:40-da Rəşid Behbudov küçəsində yerləşən 50 saylı binadakı mənzillərdən birində yanğın baş verib.

Əraziyə yanğınsöndürənlər və hüquq mühafizə orqanlarının əməkdaşları gəliblər.

Hadisə nəticəsində ikinəfərlik yataq yanıb, üç nəfər tüstüdən zəhərlənərək Toksikologiya Mərkəzinə yerləşdirilib.

Yanğın söndürülüb, lakin araşdırma zamanı maraqlı detallar ortaya çıxıb.

Məlum olub ki, adıçəkilən mənzil "Fayton" turizm şirkətinin sahibi olan İran vətəndaşı Fərranə Fərhad tərəfindən icarəyə götürülərək BƏƏ-dən gələn turistlər - 1992-ci il təvəllüdlü Məhəmməd Obaid Ələnazi və Nəval Dəqhir Ələnazinin istifadəsinə verilib.

Əylənmək istəyən turistlər Lənkəran rayon sakini, 28 yaşlı A.Q-ni mənzilə dəvət ediblər.

Romantik ab-hava qatmaq fikri hansının ağlına gəldiyi artıq önəmli deyil. Nəticədə gənclər elə yataqdaca şam yandırmaq qərarına gəliblər.

Lakin hadisələr heç də plan üzrə getməyib. Şam yatağın yanmasına səbəb olub və alov otağı bürüyüb.

Bir sözlə, ərəblərin bəxti gətirməyib və arzuları ürəklərində qalıb.

Faktla bağlı araşdırma aparılır. 

Ölkə.Az

ŞƏRH YAZ
0
BAĞLA