Zaur Darabzadə: \"Bu addım kino sənayesinin inkişafına hesablanıb\"
"CinemaPlus" rəhbəri tamaşaçıları Azərbaycan dilinə dublyaj olunmuş filmlərə baxmağa çağırıb.
"CinemaPlus" kinoteatrlar şəbəkəsinin baş direktoru Zaur Darabzadə "Facebook" profilində maraqlı paylaşım edib.
Ölkə.Az xəbər verir ki, həmin paylaşım məşhur prodüser olan Martin Skorsezenin "Pazman Şeytanı" ("Qan bahasına") filmi haqqındadır. Film ana dilimizə peşəkar səviyyədə "Cinemazadeh" studiyasında dublyaj olunub.
Zaur Darabzadə bildirib ki, bu addım Azərbaycanda kino sənayəsinin inkişafında aktiv rol oynamaq, ana dilimizi inkişaf etdirmək və onu təşviq etməyə hesablanıb.
Qeyd edək ki, "CinemaPlus" kinoteatrlar şəbəkəsi 2016-cı ildən "Cinemazadeh" dublyaj studiyasında Azərbaycan dilinə peşəkar dublyaj olunmuş "Hamıya qarşı", "İsra və sehirli kitab", "Qonşu", "Amerika Pastoralı" və "Bəd Santa" kimi filmlərin nümayişinə başlayıb.
